શિવમાનસપૂજા · અધ્યાય 1

રત્નૈઃ કલ્પિતમાસનં હિમજલૈઃ સ્નાનં ચ દિવ્યામ્બરં
નાનારત્નવિભૂષિતં મૃગમદામોદાઙ્કિતં ચન્દનમ્ ।
જાતીચમ્પકબિલ્વપત્રરચિતં પુષ્પં ચ ધૂપં તથા
દીપં દેવ દયાનિધે પશુપતે હૃત્કલ્પિતં ગૃહ્યતામ્

સૌવર્ણે નવરત્નખણ્ડરચિતે પાત્રે ઘૃતં પાયસં
ભક્ષ્યં પઞ્ચવિધં પયોદધિયુતં રમ્ભાફલં પાનકમ્ ।
શાકાનામયુતં જલં રુચિકરં કર્પૂરખણ્ડોજ્જ્વલમ્
તામ્બૂલં મનસા મયા વિરચિતં ભક્ત્યા પ્રભો સ્વીકુરુ

છત્રં ચામરયોર્યુગં વ્યજનકં ચાદર્શકં નિર્મલં
વીણાભેરિમૃદઙ્ગકાહલકલા ગીતં ચ નૃત્યં તથા ।
સાષ્ટાઙ્ગં પ્રણતિઃ સ્તુતિર્બહુવિધા હ્યેતત્સમસ્તં મયા
સઙ્કલ્પેન સમર્પિતં તવ વિભો પૂજાં ગૃહાણ પ્રભો

આત્મા ત્વં ગિરિજા મતિઃ સહચરાઃ પ્રાણાઃ શરીરં ગૃહં
પૂજા તે વિષયોપભોગરચના નિદ્રા સમાધિસ્થિતિઃ ।
સઞ્ચારઃ પદયોઃ પ્રદક્ષિણવિધિઃ સ્તોત્રાણિ સર્વા ગિરો
યદ્યત્કર્મ કરોમિ તત્તદખિલં શમ્ભો તવારાધનમ્

ઇત્યેવં હરપૂજને પ્રતિદિનં યો વા ત્રિસન્ધ્યં સ્મરેત્
સેવાશ્લોકચતુષ્ટયં પ્રતિદિનં પૂજા હરેર્માનસિ ।
સોઽયં સૌખ્યમવાપ્નુયાદ્દ્યુતિધરં સાક્ષદ્ધરેર્દર્શનં
વાસસ્તેન મહાવસાનસમયે કૈલાસલોકં ગતા ॥
કરચરણકૃતં વાક્કાયજં કર્મજં વા ।
શ્રવણનયનજં વા માનસં વાપરાધમ્ ॥
વિદિતમવિદિતં વા સર્વમેતત્ ક્ષમસ્વ ।
જય જય કરુણાબ્ધે શ્રી મહાદેવ શમ્ભો ॥