શિવ પુરાણ · અધ્યાય 7.9

કૃષ્ણ ઉવાચ
યુગાવર્તેષુ સર્વેષુ યોગાચાર્યચ્છલેન તુ

અવતારાન્હિ શર્વસ્ય શિષ્યાંશ્ચ ભગવન્વદ

ઉપમન્યુરુવાચ
શ્વેતઃ સુતારો મદનઃ સુહોત્રઃ કઙ્ક એવ ચ

લૌગાક્ષિશ્ચ મહામાયો જૈગીષવ્યસ્તથૈવ ચ

દધિવાહશ્ચ ઋષભો મુનિરુગ્રો ઽત્રિરેવ ચ

સુપાલકો ગૌતમશ્ચ તથા વેદશિરા મુનિઃ

ગોકર્ણશ્ચ ગુહાવાસી શિખણ્ડી ચાપરઃ સ્મૃતઃ

જટામાલી ચાટ્ટહાસો દારુકો લાંગુલી તથા

મહાકાલશ્ચ શૂલી ચ ડંડી મુણ્ડીશ એવ ચ

સવિષ્ણુસ્સોમશર્મા ચ લકુલીશ્વર એવ ચ

એતે વારાહ કલ્પે ઽસ્મિન્સપ્તમસ્યાંતરો મનોઃ

અષ્ટાવિંશતિસંખ્યાતા યોગાચાર્યા યુગક્રમાત્

શિષ્યાઃ પ્રત્યેકમેતેષાં ચત્વારશ્શાંતચેતસઃ

શ્વેતાદયશ્ચ રુષ્યાંતાંસ્તાન્બ્રવીમિ યથાક્રમમ્

શ્વેતશ્શ્વેતશિખશ્ચૈવ શ્વેતાશ્વઃ શ્વેતલોહિતઃ

દુન્દુભિશ્શતરૂપશ્ચ ઋચીકઃ કેતુમાંસ્તથા

વિકોશશ્ચ વિકેશશ્ચ વિપાશઃ પાશનાશનઃ

સુમુખો દુર્મુખશ્ચૈવ દુર્ગમો દુરતિક્રમઃ

સનત્કુમારસ્સનકઃ સનંદશ્ચ સનાતનઃ

સુધામા વિરજાશ્ચૈવ શંખશ્ચાંડજ એવ ચ

સારસ્વતશ્ચ મેઘશ્ચ મેઘવાહસ્સુવાહકઃ

કપિલશ્ચાસુરિઃ પઞ્ચશિખો બાષ્કલ એવ ચ

પરાશરાશ્ચ ગર્ગશ્ચ ભાર્ગવશ્ચાંગિરાસ્તથા

બલબન્ધુર્નિરામિત્રાઃ કેતુશૃંગસ્તપોધનઃ

લંબોદરશ્ચ લંબશ્ચ લમ્બાત્મા લંબકેશકઃ

સર્વજ્ઞસ્સમબુદ્ધિશ્ચ સાધ્યસિદ્ધિસ્તથૈવ ચ

સુધામા કશ્યપશ્ચૈવ વસિષ્ઠો વિરજાસ્તથા

અત્રિરુગ્રો ગુરુશ્રેષ્ઠઃ શ્રવનોથ શ્રવિષ્ટકઃ

કુણિશ્ચ કુણિબાહુશ્ચ કુશરીરઃ કુનેત્રકઃ

કાશ્યપો હ્યુશનાશ્ચૈવ ચ્યવનશ્ચ બૃહસ્પતિઃ

ઉતથ્યો વામદેવશ્ચ મહાકાલો મહા ઽનિલઃ

વાચઃશ્રવાઃ સુવીરશ્ચ શ્યાવકશ્ચ યતીશ્વરઃ

હિરણ્યનાભઃ કૌશલ્યો લોકાક્ષિઃ કુથુમિસ્તથા

સુમન્તુર્જૈમિનિશ્ચૈવ કુબન્ધઃ કુશકન્ધરઃ

પ્લક્ષો દાર્ભાયણિશ્ચૈવ કેતુમાન્ગૌતમસ્તથા

ભલ્લવી મધુપિંગશ્ચ શ્વેતકેતુસ્તથૈવ ચ

ઉશિજો બૃહદશ્વશ્ચ દેવલઃ કવિરેવ ચ

શાલિહોત્રઃ સુવેષશ્ચ યુવનાશ્વઃ શરદ્વસુઃ

અક્ષપાદઃ કણાદશ્ચ ઉલૂકો વત્સ એવ ચ

કુલિકશ્ચૈવ ગર્ગશ્ચ મિત્રકો રુષ્ય એવ ચ

એતે શિષ્યા મહેશસ્ય યોગાચાર્યસ્વરૂપિણઃ

સંખ્યા ચ શતમેતેષાં સહ દ્વાદશસંખ્યયા

સર્વે પાશુપતાઃ સિદ્ધા ભસ્મોદ્ધૂલિતવિગ્રહાઃ

સર્વશાસ્ત્રાર્થતત્ત્વજ્ઞા વેદવેદાંગપારગાઃ

શિવાશ્રમરતાસ્સર્વે શિવજ્ઞાનપરાયણાઃ

સર્વે સંગવિનિર્મુક્તાઃ શિવૈકાસક્તચેતસઃ

સર્વદ્વંદ્વસહા ધીરાઃ સર્વભૂતહિતે રતાઃ

ઋજવો મૃદવઃ સ્વસ્થા જિતક્રોધા જિતેંદ્રિયાઃ

રુદ્રાક્ષમાલાભરણાસ્ત્રિપુંડ્રાંકિતમસ્તકાઃ

શિખાજટાસ્સર્વજટા અજટા મુંડશીર્ષકાઃ

ફલમૂલાશનપ્રાયાઃ પ્રાણાયામપરાયણાઃ

શિવાભિમાનસંપન્નાઃ શિવધ્યાનૈકતત્પરાઃ

સમુન્મથિતસંસારવિષવૃક્ષાંકુરોદ્ગમાઃ

પ્રયાતુમેવ સન્નદ્ધાઃ પરં શિવપુરં પ્રતિ

સદેશિકાનિમાન્મત્વા નિત્યં યશ્શિવમર્ચયેત્

સ યાતિ શિવસાયુજ્યં નાત્ર કાર્યા વિચારણા

ઇતિ શ્રીશિવમહાપુ સપ્તમ્યાં વાયવીયસંહિતાયામુત્તરખણ્ડે શિવસ્ય યોગાવતારવર્ણનં નામ નવમો ઽધ્યાયઃ