શતપથબ્રાહ્મણમ્ · અધ્યાય 14.8.6

સત્યસ્ય બ્રહ્મણઃ સ્તુતિબ્રાહ્મણમ્
આપ એવેદમગ્ર આસુઃ। તા આપઃ સત્યમસૃજન્ત સત્યં બ્રહ્મ બ્રહ્મ પ્રજાપતિમ્પ્રજાપતિર્દેવાન્ - ૧૪.૮.૬.
તે દેવાઃ સત્યમિત્યુપાસતે। તદેતત્ત્ર્યક્ષરં સત્યમિતિ સ ઇત્યેકમક્ષરં તીત્યેકમક્ષરમમિત્યેકમક્ષરં પ્રથમોત્તમે અક્ષરે સત્યમ્મધ્યતોઽનૃતં તદેતદનૃતં સત્યેન પરિગૃહીતં સત્યભૂયમેવ ભવતિ નૈવંવિદ્વાંસમનૃતં હિનસ્તિ - ૧૪.૮.૬.
તદ્યત્તત્સત્યમ્। અસૌ સ આદિત્યો ય એષ એતસ્મિન્મણ્ડલે પુરુષો યશ્ચાયં દક્ષિણેઽક્ષન્પુરુષસ્તાવેતાવન્યોઽન્યસ્મિન્પ્રતિષ્ઠિતૌ રશ્મિભિર્વા એષોઽસ્મિન્પ્રતિષ્ઠિતઃ પ્રાણૈરયમમુષ્મિન્સ યદોત્ક્રમિષ્યન્ભવતિ શુદ્ધમેવૈતન્મણ્ડલં પશ્યતિ નૈનમેતે રશ્મયઃ પ્રત્યાયન્તિ - ૧૪.૮.૬.
ય એષ એતસ્મિન્મણ્ડલે પુરુષઃ। તસ્ય ભૂરિતિ શિર એકં શિર એકમેતદક્ષરમ્ભુવ ઇતિ બાહૂ દ્વૌ બાહૂ દ્વે એતે અક્ષરે સ્વરિતિ પ્રતિષ્ઠા દ્વે પ્રતિષ્ઠે દ્વે એતે અક્ષરે તસ્યોપનિષદહરિતિ હન્તિ પાપ્માનં જહાતિ ચ ય એવં વેદ - ૧૪.૮.૬.
અથ યોઽયં દક્ષિણેઽક્ષન્પુરુષઃ। તસ્ય ભૂરિતિ શિર એકં શિર એકમેતદક્ષરમ્ભુવ ઇતિ બાહૂ દ્વૌ બાહૂ દ્વે એતે અક્ષરે સ્વરિતિ પ્રતિષ્ઠા દ્વે પ્રતિષ્ઠે દ્વે એતે અક્ષરે તસ્યોપનિષદહમિતિ હન્તિ પાપ્માનં જહાતિ ચ ય એવં વેદ - ૧૪.૮.૬.