સર્વતથાગતતત્ત્વસંગ્રહ · અધ્યાય 194

ઇત્યાહ ભગવાન્ આર્યમઞ્જુશ્રીસર્વતથાગતઃ ॥
તત્રેદં તથાગતકુલસદ્ધર્મજ્ઞાનસિદ્ધિતન્ત્રં ।
સર્વતથાગતં તત્વમિદં સૂત્રં તુ શ્રદ્દધન્ ।
ધારયન્ વાચયન્ શ્રાદ્ધઃ સિદ્ધિમાપ્નોત્યનુત્તરામ્ ॥
ઇત્યાહ ભગવાન્ વજ્રસત્વઃ ।
તત્રેદં વજ્રકુલસદ્ધર્મજ્ઞાનસિદ્ધિતન્ત્રં ।
પાપસત્વહિતાર્થાય બુદ્ધાજ્ઞાકરણાય ચ ।
દુષ્ટાનાં વિનયાર્થાય મારણેન તુ સિધ્યતી- ॥
ત્યાહ ભગવાન્ વજ્રકુલઃ ॥
તત્રેદં પદ્મકુલસદ્ધર્મજ્ઞાનસિદ્ધિતન્ત્રં ।
સ્વભાવશુદ્ધિમાગમ્ય પરમાર્થમિતિ સ્મૃતં ।
ભાવયન્નિદમાદ્યં તુ ધર્મેણાશુ પ્રસિધ્યતી- ॥
ત્યાહ ભગવાનવલોકિતેશ્વરઃ ॥
તત્રેદં મણિકુલસદ્ધર્મજ્ઞાનસિદ્ધિતન્ત્રં ।
સર્વસત્વાર્થદાનં ચ સર્વાશાપરિપૂરયે ।
ઇમં મણિકુલે ધર્મ ભાવયન્નાશુ સિધ્યતી- ॥
ત્યાહ ભગવાન્ ધર્મરત્નઃ ॥
સર્વકુલસદ્ધર્મજ્ઞાનસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતસમાધિકર્મસિદ્ધિતન્ત્રમુદાજહાર । તત્રેદં તથાગતસમાધિકર્મસિદ્ધિતન્ત્રં ।
સમાધિકર્મ બુદ્ધાનાં બુદ્ધબોધિપ્રસાધકં ।
ઇદં ભાવયમાનસ્તુ પરાં સિદ્ધિમવાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં [તથાગત] કુલસમાધિકર્મસિદ્ધિતન્ત્રં ॥
વજ્રસત્વસમાધીનામુત્તમં કર્મભૂરિ ચ ।
સર્વસત્વકરં વિશ્વમિતિ ભાવેન સિધ્યતી- ॥
ત્યાહ ભગવાન્ વજ્રઃ ॥
તત્રેદં વજ્રકુલસમાધિકર્મસિદ્ધિતન્ત્રં ।
પાપશુદ્ધિનિમિત્તં હિ સર્વપાપપ્રદામકં ।
મારણં સર્વસત્વાનાં શ્રદ્દધાનાત્તુ સિધ્યતી- ॥
ત્યાહ ભગવાન્ વજ્રી ॥
તત્રેદં પદ્મકુલસમાધિકર્મસિદ્ધિતન્ત્રં ।
સર્વપાપવિશુદ્ધાત્મા સર્વશુદ્ધ્યા કરોતિ સઃ ।
સર્વકાર્યાણિ કર્મેયમિતિ ભાવેન સિધ્યતિ ॥
ઇત્યાહ ભગવાન્ પદ્મઃ ॥
તત્રેદં મણિકુલસમાધિકર્મસિદ્ધિતન્ત્રઃ ।
સર્વાશિનાં દરિદ્રાણાં સર્વાશાઃ પરિપૂરયન્ ।
સર્વાર્થસિદ્ધિઃ સર્વાત્મા સિધ્યતે નાત્ર સંશય ॥
ઇત્યાહ ભગવાન્ રત્નધ્વજઃ ॥
સર્વકુલસમાધિકર્મસિદ્ધિવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતસૂક્ષ્મજ્ઞાનસિદ્ધિતન્ત્રમુદાજહાર । તત્રેદં તથાગતસૂક્ષ્મજ્ઞાનસિદ્ધિતન્ત્રં ભવતિ ।
સૂક્ષ્મવજ્રવિધિં શાશ્વત્ યોજયં સર્વભાવતઃ ।
સર્વાકારવરોપેતાં પઞ્ચાભિજ્ઞામવાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં સર્વતથાગતકુલસૂક્ષ્મજ્ઞાનસિદ્ધિતન્ત્રં ।
નાનાચાર્યસ્ય નાન્યસ્ય નાશિષ્યસ્યાસુતસ્ય વા ।
પુરતઃ પ્રકાશયેન્મુદ્રાઃ સિદ્ધિરાસાં સુગુહ્યત ॥
ઇત્યાહ ભગવાન્ વજ્રધરઃ ।
તત્રેદં વજ્રકુલસૂક્ષ્મજ્ઞાનસિદ્ધિતન્ત્રં ।
સૂક્ષ્મવજ્રપ્રયોગેણ નાસા હું-કારયોગતઃ ।
વજ્રક્રોધસમાધિસ્થઃ સર્વકાર્યાણિ સાધયેદ્ ॥
ઇત્યાહ ભગવાન્ વજ્રઃ ॥
તત્રેદં પદ્મકુલસૂક્ષ્મજ્ઞાનસિદ્ધિતન્ત્રં ।
વજ્રદૃષ્ટિં સમાધાય સૂક્ષ્મવજ્રપ્રયોગતઃ ।
મહાપદ્મસમાધિસ્થઃ રાગસિદ્ધિમવાપ્નુયાદ્ ॥
ઇત્યાહ ભગવાન્ પદ્મરાગઃ ॥
તત્રેદં મણિકુલસૂક્ષ્મજ્ઞાનસિદ્ધિતન્ત્રં ।
દીપ્તદૃષ્ટિઃ સુસૂક્ષ્મા તુ વજ્રરત્નસમાધિના ।
સૂક્ષ્મવજ્રપ્રયોગેણ સર્વાર્થાકર્ષો ભવેદ્ ॥
ઇત્યાહ ભગવાન્ વજ્રપાણિઃ ।
સર્વકુલસૂક્ષ્મજ્ઞાનસિદ્ધિતન્ત્રં ॥
અથ વજ્રપાણીર્મહાબોધિસત્વઃ સર્વતથાગતચક્ષુર્જ્ઞાનસિદ્ધિતન્ત્રમુદાજહાર । તત્રેદં તથાગતચક્ષુર્જ્ઞાનસિદ્ધિતન્ત્રં ।
યદા મુદ્રા સમાધિર્વા સાધનાયોપયુજ્યતિ ।
તદા ખે ધાતવઃ શુભ્રાસ્તારકાકારાઃ સ પશ્યતિ

તદા જાનીત મતિમાં બુદ્ધચક્ષુરિદં મમ ।
તતઃ પ્રભૃતિ બુદ્ધાનાં સર્વકલ્પાનિ સાધયેદ્