સર્વતથાગતતત્ત્વસંગ્રહ · અધ્યાય 178

ત્યાહ ભગવાન્ વજ્રધરઃ ॥
સર્વકુલજ્ઞાનવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતકુલસિદ્ધિજ્ઞાનતન્ત્રમુદાજહાર । તત્રેદં તથાગતસિદ્ધિજ્ઞાનતન્ત્રં ।
સત્વાધિષ્ઠાનયોગેન બુદ્ધબિમ્બાત્મભાવના ।
અનેન જ્ઞાનયોગેન બુદ્ધસિદ્ધિમવાપ્નુયાત્ ॥
તત્રેદં તથાગતકુલસિદ્ધિજ્ઞાનતન્ત્રં ।
આકાશે વા ઽન્યદેશે વા શ્વેતપીતાભમણ્ડલાન્ ।
સ્વમુદ્રાસત્વમાત્માનં સાક્ષાદિવ સ પશ્યતિ ॥
તત્રેદં વજ્રકુલસિદ્ધિજ્ઞાનતન્ત્રં ।
તાદૃશેષ્વેવ બિમ્બેષુ મધ્યે શ્યામં નિર્યચ્છતિ ।
સિદ્ધિર્વજ્રકુલસ્યાગ્રા ભવેચ્છીઘ્રં યદિચ્છતિ ॥
તત્રેદં પદ્મકુલસિદ્ધિજ્ઞાનતન્ત્રં ।
તાન્યેવાકાશનીલાનિ પદ્માકારાણિ પશ્યતિ ।
મહાપદ્મકુલે વિદ્યાસિદ્ધય સંભવન્તિ હિ ॥
તત્રેદં મણિકુલસિદ્ધિજ્ઞાનતન્ત્રં ।
આકાશે વાન્યદેશે વા ત એવાકાશનિર્મલાઃ ।
સ્ફુરન્તો રશ્મિમણ્ડાનિ પશ્યત્ સિ[દ્ધિમવાપ્નુયા]દ્ ॥ ઇતિ ॥
વજ્રસત્વાદયઃ સત્વાચશ્ચન્દ્રમણ્ડલસપ્રભાઃ ।
પ્રાગ્ દર્શયન્તિ ચાત્માનં સિદ્ધિકાલે સ્વરૂપતઃ ॥
સર્વકુલ[સિદ્ધિજ્ઞાનવિ]ધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતકુલાભિજ્ઞાસિદ્ધિજ્ઞાનમુદ્રાતન્ત્રમુદાજહાર ।
તત્રેદં તથાગતા[ભિજ્ઞાસિદ્ધિજ્ઞાન] તન્ત્રં ।
વજ્રસત્વસમાધિસ્થઃ સર્વકાયે તથાગતાન્ ।
ભાવયન્ બોધિસત્વાંશ્ચ દર્શયેત્કાયતસ્તથા ॥
તત્રેદં તથાગતકુલાભિજ્ઞાસિદ્ધિ[તન્ત્રં] ।
વજ્રસત્વમહામુદ્રાં બધ્વા તુ સુસમાહિતઃ ।
પઞ્ચાભિજ્ઞામવાપ્નોતિ વિધિનાનેન સાધકઃ ॥
તત્રેદં દિવ્યચક્ષુજ્ઞાનં ભવતિ ।
મહામુદ્રાં સમાધાય ચક્ષુર્વિજ્ઞાનમાવહેત્ ।
તેન યચ્ચિન્તયેત્ કિંચિત્ સુદૂરાપિ પશ્યતી- ॥
ત્યાહ ભગવાન્ વજ્રસત્વઃ ॥
મહામુદ્રાં સમાધાય શ્રોત્રવિજ્ઞાનમાવહેત્ ।
તેન યચ્ચિન્તયેત્કાર્યં સુદૂરસ્થં શૃણોતિ હી- ॥
ત્યાહ ભગવાન્ વજ્રધરઃ ॥
મહામુદ્રાં સમાધાય મનોવિજ્ઞાનમાવહેત્ ।
તેન ય સત્વમુદ્વીક્ષેત્ ચિત્તં જાનાતિ તસ્ય સઃ

મહામુદ્રાં સમાધાય આત્મનો વા પરસ્ય વા ।
મનસા પશ્યતે રૂપં યતો જન્મ સ આવહેદ્