રેવાખાણ્ડ (સંશોધિત પાઠ) · અધ્યાય 108

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ભણ્ડારીતીર્થમાહાત્મ્યવર્ણનં નામ સપ્તોત્તરશતતમો ઽધ્યાયઃ ॥
ર્ક્વ્ અધ્યાય 108
શ્રીમાર્કણ્ડેય ઉવાચ:
તતો ગચ્છેન્મહીપાલ રોહિણીતીર્થમુત્તમમ્ ।
વિખ્યાતં ત્રિષુ લોકેષુ સર્વપાપહરં પરમ્

યુધિષ્ઠિર ઉવાચ:
રોહિણીતીર્થમાહાત્મ્યં સર્વપાપપ્રણાશનમ્ ।
શ્રોતુમિચ્છામિ તત્ત્વેન તન્મે ત્વં વક્તુમર્હસિ

શ્રીમાર્કણ્ડેય ઉવાચ:
તસ્મિન્નેકાર્ણવે ઘોરે નષ્ટે સ્થાવરજઙ્ગમે ।
ઉદધૌ ચ શયાનસ્ય દેવદેવસ્ય ચક્રિણઃ

નાભૌ સમુત્થિતં પદ્મં રવિમણ્ડલસન્નિભમ્ ।
કર્ણિકાકેસરોપેતં પત્રૈશ્ચ સમલંકૃતમ્

તત્ર બ્રહ્મા સમુત્પન્નશ્ચતુર્વદનપઙ્કજઃ ।
કિં કરોમીતિ દેવેશ આજ્ઞા મે દીયતાં પ્રભો

એવમુક્તસ્તુ દેવેશઃ શઙ્ખચક્રગદાધરઃ ।
ઉવાચ મધુરાં વાણીં તદા દેવં પિતામહમ્

સરસ્વત્યાં મહાબાહો લોકં કુરુ મમાજ્ઞયા ।
ભૂતગ્રામમશેષસ્ય ઉત્પાદનવિધિક્ષયમ્

એતચ્છ્રુતં તુ વચનં પદ્મનાભસ્ય ભારત ।
ચિન્તયામાસ ભગવાન્સપ્તર્ષીન્હિતકામ્યયા

ક્રમાત્તે ચિન્તિતાઃ પ્રાજ્ઞાઃ પુલસ્ત્યઃ પુલહઃ ક્રતુઃ ।
પ્રાચેતસો વસિષ્ઠશ્ચ ભૃગુર્નારદ એવ ચ

યજ્ઞે પ્રાચેતસો દક્ષો મહાતેજાઃ પ્રજાપતિઃ ।
દક્ષસ્યાપિ તથા જાતાઃ પઞ્ચાશદ્દુહિતરો ઽનઘ

દદૌ સ દશ ધર્માય કશ્યપાય ત્રયોદશ ।
તથૈવ સ મહાભાગઃ સપ્તવિંશતિમિન્દવે

રોહિણીનામ યા તાસાં મધ્યે તસ્ય નરાધિપ ।
અનિષ્ટા સર્વનારીણાં ભર્તુશ્ચૈવ વિશેષતઃ

તતઃ સા પરમં કૃત્વા વૈરાગ્યં નૃપસત્તમ ।
આગત્ય નર્મદાતીરે ચચાર વિપુલં તપઃ

એકરાત્રૈસ્ ત્રિરાત્રૈશ્ચ ષડ્દ્વાદશભિરેવ ચ ।
પક્ષમાસોપવાસૈશ્ચ કર્શયન્તિ કલેવરમ્

આરાધયન્તી સતતં મહિષાસુરનાશિનીં ।
દેવીં ભગવતીં તાત સર્વાર્તિવિનિવારણીમ્

સ્નાત્વા સ્નાત્વા જલે નિત્યં નર્મદાયાઃ શુચિસ્મિતા ।
તતસ્તુષ્ટા મહાભાગા દેવી નારાયણી નૃપ

પ્રસન્ના તે મહાભાગે વ્રતેન નિયમેન ચ ।
એતચ્છ્રુત્વા તુ વચનં રોહિણી શશિનઃ પ્રિયા

યથા ભવામિ ન ચિરાત્તથા ભવતુ માનદે ।
એવમસ્ત્વિતિ સા ચોક્ત્વા ભવાની ભક્તવત્સલા

સ્તૂયમાના મુનિગણૈસ્તત્રૈવાન્તરધીયત ।
તદાપ્રભૃતિ તત્તીર્થં રોહિણી શશિનઃ પ્રિયા

સંજાતા સર્વકાલં તુ વલ્લભા નૃપસત્તમ ।
તત્ર તીર્થે તુ યા નારી નરો વા સ્નાનિ ભક્તિતઃ

વલ્લભા જાયતે સા તુ ભર્તુર્ વૈ રોહિણી યથા ।
તત્ર તીર્થે તુ યઃ કશ્ચિત્પ્રાણત્યાગં કરોતિ વૈ

સપ્તજન્માનિ દામ્પત્યવિયોગો ન ભવેત્ ક્વચિત્