રામરક્ષાસ્તોત્રમ્ · અધ્યાય 1

ૐ શ્રીગણેશાય નમઃ ।
અસ્ય શ્રીરામરક્ષાસ્તોત્રમન્ત્રસ્ય । બુધકૌશિકઋષિઃ ।
શ્રીસીતારામચન્દ્રો દેવતા । અનુષ્ઠુપ્ છ્ન્દઃ । સીતા શક્તિઃ ।
શ્રીમદ્ધનુમાન્ કીલકમ્ । શ્રીરામચન્દ્રપ્રિત્યર્થે જપે વિનિયોગઃ ।
અથ ધ્યાનમ્ ।
ધ્યાયેદાજાનુબાહું ધ્રુતશરધનુષં બદધપદ્માસનસ્તં ।
પીતં વાસો વસાનં નવકમલદલસ્પર્ધિનેત્રં પ્રસન્નમ્ ।
વામાઙ્કારુઢસીતા મુખકમલમિલલ્લોચનં નીરદાભં ।
નાનાલઙ્કારદીપ્તં દધતમુરુજટામણ્ડનં રામચન્દ્રમ્ ॥
ઇતિ ધ્યાનમ્ ।
ચરિતં રઘુનાથસ્ય શતકોટિપ્રવિસ્તરમ્ ।
એકૈકમક્ષરમ્ પુંસાં મહાપાતકનાશનમ્

ધ્યાત્વા નીલોત્પલશ્યામં રામં રાજીવલોચનમ્ ।
જાનકીલક્ષ્મણોપેતં જટામુકુટમણ્ડિતમ્

સાસિતૂણધનુર્બાણપાણિં નક્તંચરાન્તકમ્ ।
સ્વલીલયા જગતત્રાતુભાવિર્ભૂતમજં વિભુમ્

રામરક્ષાં પઠેત્ પ્રાજ્ઞઃ પાપન્ઘીં સર્વકામદામ્ ।
શિરો મે રાઘવઃ પાતુ ભાલં દશરથાત્મજઃ

કૌસલ્યેયો ધ્રુશૌ પાતુ વિશ્વામિત્રપ્રિયઃ શ્રુતી ।
ઘ્રાણં પાતુ મખત્રાતા મુખં સૌમિત્રિવત્સલઃ

જિવ્હાં વિદ્યાનિધિઃ પાતુ કણ્ઠં ભરતવન્દિતઃ ।
સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ

કરૌ સિતાપતિઃ પાતુ હ્ર્દયં જામદગ્ન્યજિત્ ।
મધ્યં પાતુ ખરધ્વંસી નાભિં જામ્બવદાશ્રયઃ

સુગ્રીવેશઃ કટી પાતુ સક્થિની હનુમત્પ્રભુઃ ।
ઊરૂ રઘૂત્તમઃ પાતુ રક્ષઃકુલવિનાશકૃત્

જાનુની સેતુકૃત્પાતુ જંઘે દશમુખાન્તકઃ ।
પાદૌ બિભીષણશ્રીદઃ પાતુ રામોઽખિલં વપુઃ

એતાં રામબલોપેતાં રક્ષાં યઃ સુકૃતી પઠેત્ ।
સ ચિરાયુઃ સુખી પુત્રી વિજયી વિનયી ભવેત્

પાતાલભૂતલવ્યોમચારિણશ્છદ્મચારિણઃ ।
ન દ્રષ્ટુમપિ શક્તાસ્તે રક્ષિતં રામનામભિઃ

રામેતિ રામભદ્રેતિ રામચન્દ્રેતિ વા સ્મરન્ ।
નરો ન લિપ્યતે પાપૈર્ભુક્તિં મુક્તિં ચ વિન્દતિ

જગજ્જૈત્રૈકમન્ત્રેણ રામનામાભિરક્ષિતમ્ ।
યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ

વજ્રપઞ્જરનામેદં યો રામકવચં સ્મરેત્ ।
અવ્યાહતાજ્ઞઃ સર્વત્ર લભતે જયમઙ્ગલમ્

આદિષ્ટવાન્ યથા સ્વપ્ને રામરક્ષામિમાં હરઃ ।
તથા લિખિતવાન્ પ્રાતઃ પ્રબુદ્ધો બુધકૌશિકઃ

આરામઃ કલ્પવૃક્ષાણાં વિરામઃ સકલાપદામ્ ।
અભિરામસ્ત્રિલોકાનાં રામઃ શ્રીમાન્ સ નઃ પ્રભુઃ

તરુણૌ રૂપસંપન્નૌ સુકુમારૌ મહાબલૌ ।
પુણ્ડરીકવિશાલાક્ષૌ ચીરકૃષ્ણાજિનામ્બરૌ

ફલમૂલાશિનૌ દાન્તૌ તાપસૌ બ્રમ્હચારિણૌ ।
પુત્રૌ દશરથસ્યૈતૌ ભ્રાતરૌ રામલક્ષ્મણૌ

શરણ્યૌ સર્વસત્ત્વાનાં શ્રેષ્ઠૌ સર્વધનુષ્મતામ્ ।
રક્ષઃ કુલનિહન્તારૌ ત્રાયેતાં નો રઘૂત્તમૌ

આત્તસજ્યધનુષાવિષુસ્પૃશાવક્ષયાશુગનિષડ્ગસડ્ગિનૌ ।
રક્ષણાયમમ રામલક્ષ્મણાવગ્રતઃ પથિ સદૈવ ગચ્છતામ્

સંનદ્ધઃ કવચી ખડ્ગી ચાપબાણોધરો યુવા ।
ગચ્છ્ન્ મનોરથોઽસ્માકં રામઃ પાતુ સલક્ષ્મણઃ

રામો દાશરથિઃ શૂરો લક્ષ્મણાનુચરો બલી ।
કાકુત્સ્થઃ પુરુષઃ પૂર્ણઃ કૌસલ્યેયો રઘૂત્તમઃ

વેદાન્તવેદ્યો યજ્ઞેશઃ પુરાણપુરુષોત્તમઃ ।
જાનકીવલ્લભઃ શ્રીમાનપ્રમેયપરાક્રમઃ

ઇત્યેતાનિ જપન્ નિત્યં મદ્ભક્તઃ શ્રદ્ધયાન્વિતઃ ।
અશ્વમેધાધિકં પુણ્યં સંપ્રાપ્નોતિ ન સંશયઃ

રામં દૂર્વાદલશ્યામં પદ્માક્ષં પીતવાસસમ્ ।
સ્તુવન્તિ નામભિર્દિવ્યૈઃ ન તે સંસારિણો નરઃ

રામં લક્ષ્મણપૂર્વજં રઘુવરં સીતાપતિં સુન્દરં ।
કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ ।
રાજેન્દ્રં સત્યસન્ધં દશરથનયં શ્યામલં શાન્તમૂર્તિં ।
વન્દે લોકાભિરામં રઘુકુલતિલકં રાઘવં રાવણારિમ્

રામાય રામભદ્રાય રામચંદ્રાય વેધસે ।
રઘુનાથાય નાથાય સીતાયાઃ પતયે નમઃ

શ્રીરામ રામ રઘુનન્દન રામ રામ ।
શ્રીરામ રામ ભરતાગ્રજ રામ રામ ।
શ્રીરામ રામ રણકર્કશ રામ રામ ।
શ્રીરામ રામ શરણં ભવ રામ રામ

શ્રીરામચન્દ્રચરણૌ મનસા સ્મરામિ ।
શ્રીરામચન્દ્રચરણૌ વચસા ગૃણામિ ।
શ્રીરામચન્દ્રચરણૌ શિરસા નમામિ ।
શ્રીરામચન્દ્રચરણૌ શરણં પ્રપદ્યે

માતા રામો મત્પિતા રામચન્દ્રઃ ।
સ્વામિ રામો મત્સખા રામચન્દ્રઃ ।
સર્વસ્વં મે રામચન્દ્રો દયાલુઃ નાન્યં ।
જાને નૈવ જાને ન જાને

દક્ષિણે લક્ષ્મણો યસ્ય વામે તુ જનકાત્મજા ।
પુરતો મારુતિર્યસ્ય તં વન્દે રઘુનન્દનમ્

લોકાભિરામં રણરઙ્ગધીરં રાજીવનેત્રં રઘુવંશનાથમ્ ।
કારુણ્યરૂપં કરુણાકરં તં શ્રીરામચન્દ્રં શરણં પ્રપદ્યે

મનોજવં મારુતતુલ્યવેગં । જિતેદ્રિયં દુદ્ધિમતાં વરિષ્ઠં ।
વાતાત્મજં વાનરયૂથમુખ્યં । શ્રીરામદૂતં શરણં પ્રપદ્યે

કૂજન્તં રામરામેતિ મધુરં મધુરાક્ષરમ્
આરુહ્ય કવિતાશાખાં વન્દે વાલ્મીકિકોકિલમ્

આપદામપહર્તારં દાતારં સર્વસંપદામ્ ।
લોકાભિરામં શ્રીરામં ભૂયો ભૂયો નમામ્યહમ્

ભર્જનં ભવબીજાનામર્જનં સુખસંપદામ્ ।
તર્જનં યમદૂતાનાં રામરામેતિ ગર્જનમ્

રામો રાજમણિ સદા વિજયતે રામં રમેશં ભજે ।
રામેણાભિહતા નિશાચરચમૂ રામાય તસ્મૈ નમઃ ।
રામાન્નાસ્તિ પરાયણં પરતરં રામસ્ય દાસોઽસ્મયં ।
રામે ચિત્તલયઃ સદા ભવતુ ભો રામ મામુદ્ધર

રામનામેતિ રામેતિ રમે રામે મનોરમે ।
સહસ્રનામ તત્તુલ્યં રામનામ વરાનને

ઇતિ શ્રીબુધકૌશિકવિરચિતં શ્રીરામરક્ષાસ્તોત્રં સમ્પૂર્ણમ્ ।