ફલદીપિકા · અધ્યાય p5

સ્ત્રી જાતક
યદ્યટ્પુંપ્રસવે ક્ષમં તદખિલં સ્ત્રીણં પ્રિયે વા વદેન્-
માઙ્ગલ્યં નિધનાત્ સુતાંશ્ચ નવમાલ્લગ્નાત્તનોશ્ચારુતામ્ ।
ભર્તારં શુભગત્વમસ્ત ભવનાત્સંગં સ્તીત્વં સુખાત્
સન્તસ્તેષુ શુભપ્રદાસ્ત્વશુભદાઃ ક્રૂરાસ્તદીશં

ઉદયહિમકરૌ દ્વૌ યુગ્મગૌ સૌમ્યદૃષ્ટૌ
સુતનયપતિભૂષાસંપદુત્કૃષ્ટશીલા ।
અશુભસહિતદૃષ્ટૌ ચોજગૌ પુંસ્વભાવા
કુટિલમતિરવશ્યા ભર્તુરુગ્રા દરિદ્રા

સદ્રાશ્યંશયુતે મદે દ્યુતિયશોવિદ્યાર્થવંસ્તત્પતિ-
ર્વ્યત્યસ્તે કુતનુર્જડશ્ચ કિતવો નિઃસ્વો વિયોગસ્તયો ।
આગ્નેયૈર્મદનસ્થિતૈશ્ચ વિધવા મિશ્ચૈઃ પુનર્ભૂર્ભવેત્
ક્રૂરેષ્વાયુષિ ભર્તૃહન્ત્ર્યપિ ધને સન્તઃ સ્વયં સ્ત્રીમૃતિઃ

સુતસ્થેઽલિસ્ત્રીગોહરિષુ હિમગૌ ચાલ્પતનયા
યમારાર્કાંશર્ક્ષે મદનસદને સામયભગા ।
સુખે પાપૈર્યુક્તે ભવતિ કુલટ મન્દકુજયો-
ર્ગૃહેઽશે લગ્નેન્દૂ ભૃગુરપિ ચ પુંશ્ચલ્યભિહિતા

શુભક્ષેત્રંશેઽસ્તે શુભગજઘના મઙ્ગલવતી
વિધાઃ સત્સંબન્ધેઽપ્યુદયુખયોઃ સાધ્વિયતિગુણા ।
ત્રિકોણે સૌમ્યાશ્ચેત્સુખસુતમંપદ્ગુણવતી
બલોનાઃ ક્રૂરાશ્ચેદ્યદિ ભવતિ વન્ધ્યા મૃતસુના

ચન્દ્રે ભૌમગૃહે કુજાદિકથિતત્રિંશાશકેષુ ક્રમાત્
દુષ્ટા દાસ્યસતી સુશીલવિભવા માયાવિની દૂષણી ।
શુક્રર્ક્ષે બહુદૂષણાન્યપતિગ પૂજ્યા સુધીવિશ્ચુતા
જ્ઞર્ક્ષે ચ્છસવતી નપુંસકસમા સાધ્વી ગુણાઢ્યોત્સુકા

સ્વચ્છન્દા બર્તૃઘાતિન્યતિમહિતગુણા શિલ્પિની સાધુવૃત્તા
ચાન્દ્રે જૈવે ગુણાઢ્યા વિરતિરતિગુણા જ્ઞાતશિલ્પાતિસાધ્વી ।
માન્દે દાસ્યન્યસક્તાશ્ચિતપતિરસતી નિષ્પ્રજાર્થાર્કભે સ્યાદ્
દુર્ભાર્યા હિનવૃત્તા ધરણિપત્તિવધૂઃ પુંવિચેષ્ટાન્યસક્તા

શશિલગ્નસમાયુક્તૈઃ ફલં ત્રિંશાંશકૈરિદમ્ ।
બલાબલવિકલ્પેન તયોરેવં વિચિન્તયેત્

જ્યોષ્ઠાભ્રાતરમન્બિકાં ચ પિતરં ભર્તુઃ કનિષ્ઠં ક્રમાત્
જ્યોષ્ઠા હ્યાસુરશૂર્પજાશ્ચ વનિતા ઘ્નન્તીતિ તજ્જ્ઞા વિદુઃ ।
ચિત્રાર્દ્રાભુજગસ્વરાટ્ચ્છતભિષઙ્ મૂલાગ્નિતિષ્યોદ્ભવા
વન્ધ્યા વા વિધવાથવા મૃતસુતા ત્યક્તા પ્રિયેણાધના

ચન્દ્રાસ્તોદયભાગ્યપાઃ સહ શુભૈઃ સુસ્થાનગા ભાસ્વરાઃ
પૂજ્યા બન્ધુષુ પુણ્યકર્મકુશલા સૌન્દર્યભાગ્યાન્વિતા
ભર્તુઃ પ્રીતિકરી સુપુત્રસહિતા કલ્યાણશીલા સતી
તાવદ્ભાતિ સુમઙ્ગલી ચ સુતસુર્યાવચ્છુભઢ્યેઽષ્ટમે

શીતજ્યોતિષિ યોષિતોઽનુપચયસ્થાને કુજેનેક્ષિતે
જાતં ગર્ભફલપ્રદં ખલુ રજઃ સ્યાદન્યથા નિષ્ફલં ।
દૃષ્ટેઽસ્મિન્ ગુરુણા નિજોપચયગે કુર્યાન્નિશેકં પુમાન્
અત્યાજ્યે સમયે શુભાધિકયુતે પર્વાદિકાલોજ્ભિતે