પૈપ્પલાદ-સંહિતા · અધ્યાય 7.15

દક્ષિણા મા દક્ષિણતો
દક્ષિણા પાતુ સવ્યતઃ ।
પશ્ચાદ્ અનુવ્યાધાત્ પાતુ
સર્વસ્યા ભવહેત્યાઃ ॥

પશુના ત્વં પશુપતે
દ્વિપાદ્ દત્ત્વા ચતુષ્પદા ।
આત્મન્વતીં દક્ષિણાં
પ્રાણં દત્ત્વા પ્રાણિહિ ॥

યાં દદાસિ શ્રદ્દધાનો
દક્ષિણાં બ્રાહ્મણકૃતે ।
સા ત્વા યક્ષ્માત્ પારયત્વ્
અગ્નેઃ સંતાપાદ્ દિવ્યસ્ય શોકાત્ ॥

દદાસીમાં દક્ષિણાં મા ત આમમચ્
છલ્યાન્ યક્ષ્માન્ વિ વૃહામો વયં તે ।
કર્ણશૂલમ્ ઉપહત્યા અરાતીઃ
સર્વે યક્ષ્મા અપ તિષ્ઠન્તુ સાકમ્ ॥

અન્નેન પ્રાણં વનુતે
તિરો ધત્તે પરિધાનેન યક્ષ્મમ્ ।
હિરણ્યમ્ અશ્વં ગાં દદત્
કૃણુતે વર્મ દક્ષિણામ્ ॥

ઉષ્ણીષં ત્વા શીર્ષક્ત્યા
વાસસ્ ત્વા તન્વામયાત્ ।
ચન્દ્રં હિરણ્યમ્ અન્ધ્યાત્
કર્ણાદ્ દત્તં શુક્રં ભ્રાજદ્
બાધિર્યાત્ પાતુ દક્ષિણા ॥

ઉપબર્હણં ત્વા ગ્રીવામયાન્
મણયો યક્ષ્માદ્ દત્ક્રવ્યાત્ ।
અઙ્ગરોગાદ્ અભ્યઞ્જનમ્
અન્નં ત્વાન્તષ્ટ્યામયાત્ ॥

અધસ્પદાદ્ આમયતઃ
પદો રોગાદ્ ઉપાનહૌ ।
દણ્ડસ્ ત્વા દત્તઃ પરિ પાતુ સર્પાદ્
દક્ષિણતઃ પ્રયતો દક્ષિણેન ॥

સૌમનસં દક્ષિણાં દક્ષમાણા
ઇષમ્ ઊર્જં દક્ષિણાં સંવસાનાઃ ।
ભગસ્ય ધારામ્ અવસે પ્રતીમઃ ॥

સહસ્રાઙ્ગા શતં જ્યોતીંષ્ય્ અસ્યા
યજ્ઞસ્ય પપ્રિર્ અમૃતા સ્વર્ગા ।
આ ન એતુ દક્ષિણા વિશ્વરૂપા-
-અહિંસન્તીં પ્રતિ ગૃહ્ણીમ એનામ્ ॥