પૈપ્પલાદ-સંહિતા · અધ્યાય 3.25

અનડ્વાન્ દાધાર પૃથિવીં દ્યામ્ ઉતામૂમ્
અનડ્વાન્ દાધારોર્વ્ અન્તરિક્ષમ્ ।
અનડ્વાન્ દાધાર પ્રદિશઃ ષડ્ ઉર્વીર્
અનડ્વાન્ ઇદં વિશ્વં ભુવનમ્ આ વિવેશ ॥

અનડ્વાન્ દુહે સુકૃતસ્ય લોક
ઐનં પ્યાયેત પવમાનઃ પુરસ્તાત્ ।
પર્જન્યો ધારા મરુત ઊધો અસ્ય
યજ્ઞઃ પયો દક્ષિણા દોહો અસ્ય ॥

અનડ્વાન્ ઇન્દ્રઃ સ પશુભ્યો વિ ચષ્ટે
ત્રયાં છક્રોપ મિમીતે અધ્વનઃ ।
સ ભૂતં ભવિષ્યદ્ ભુવનં દુહાનઃ
સર્વા દેવાનાં બિભ્રચ્ ચરતિ વ્રતાનિ ॥

યસ્ય નેશે યજ્ઞપતિર્ ન યજ્ઞો
નાસ્ય દાતેશે ન પ્રતિગ્રહીતા ।
યો વિશ્વભૃદ્ વિશ્વકર્મા
ઘર્મં નો બ્રૂત યતમશ્ ચતુષ્પાત્ ॥

ઇન્દ્ર એષ મનુષ્યેષ્વ્ અન્તર્
ઘર્મસ્ તપ્તશ્ ચરતિ શોશુચાનઃ ।
સુપ્રજા અસત્ સ ઉદારે ન સર્ષદ્
યો નાશ્નીયાદ્ અનડુહો વિજાનન્ ॥

યેન દેવાઃ સ્વર્ આરુરુહુર્
હિત્વા શરીરમ્ અમૃતસ્ય ધામ ।
તેન ગેષ્મ સુકૃતસ્ય લોકં
ઘર્મસ્ય વ્રતેન યશસા તપસ્યયા ॥

દ્વાદશૈતા રાત્રીર્
વ્રત્યા આહુઃ પ્રજાપતેઃ ।
તત્રાપિ બ્રહ્મણો વ્રતં
તત્રાપ્ય્ અનડુહો બલમ્ ॥

યાસ્ ત આહુઃ પ્રજાપતેર્
વ્રત્યા રાત્રીર્ દ્વાદશ ।
તત્રાપિ બ્રહ્મ યો વેદ
તદ્ વા અનડુહો બલમ્ ॥

દુહે વા અનડ્વાન્ સાયં
દુહે પ્રાતર્ દુહે દિવા ।
દોહા યે અસ્ય સંયન્તિ
તાન્ વિદ્માનુપદસ્વતઃ ॥

યો વેદાનડુહો દોહાન્
સપ્તાન્ ઉપદસ્વતઃ ।
પ્રજાં ચ લોકં ચાપ્નોતિ
તથા સપ્ત ર્ષયો વિદુઃ ॥

મધ્યમ્ એતદ્ અનડુહો
યત્રૈષ વહ આહિતઃ ।
એતાવદ્ અસ્ય પ્રાચીનં
યાવાન્ પ્રત્યઙ્ સમાહિતઃ ॥

પદ્ભિઃ સેદિમ્ અવક્રામન્ન્
ઇરાં જઙ્ઘાભિર્ ઉત્ખિદન્ ।
શ્રમેણાનડ્વાન્ કીલાલં
કીનાશશ્ ચાભિ ગચ્છતઃ ॥

ઇન્દ્ર એષ મનુષ્યેષ્વ્
અનડ્વાન્ ઇત્ય્ ઉચ્યતે ।
શફાસો અસ્ય મા રિષન્
સર્વા યાશ્ ચાસ્ય કુષ્ઠિકાઃ ॥

ઇન્દ્રો બલેનાસિ પરમેષ્ઠી
વ્રતેન યેન ગૌસ્ તેન વૈશ્વદેવઃ ।
યો અસ્માન્ દ્વેષ્ટિ યં વયં દ્વિષ્મસ્
તસ્ય પ્રાણાન્ સં બૃહત્ તસ્ય પ્રાણાન્ વિ વૃહ ॥