પૈપ્પલાદ-સંહિતા · અધ્યાય 3.23

સં સચધ્વં સં પિબધ્વમ્
અન્નં વો મધુમત્ સહ ।
વ્રતં વઃ સર્વં સધ્ર્યક્
સમાનં ચેતો અસ્તુ વઃ ॥

સં જાનીધ્વમ્ ઇન્દ્રશ્ ચેત્તા વો ઽસ્ત્વ્
અયં વો ઽગ્નિર્ નિ હરઃ શમયાતિ ।
યદ્ વૈરહત્યમ્ ઉત ભીમમ્ આસીદ્
વિશ્વે દેવા અપ તત્ પ્લાવયન્તુ ॥

શં વઃ સ્યાસ્તુ બૃહસ્પતિઃ
શં દ્યાવાપૃથિવી ઉભે ।
શમ્ અન્તરિક્ષમ્ ઉત વો મરુત્વાન્
શં વઃ સ્યાસ્ત્વ્ અદિતિર્ દેવપુત્રા ॥

કલ્પેતાં દ્યાવાપૃથિવી
કલ્પન્તામ્ આપ ઓષધીઃ ।
કલ્પન્તામ્ અગ્નયઃ સર્વે
ઽસ્મૈ શ્રૈષ્ઠાય સવ્રતાઃ ॥

સં વઃ સૃજામિ હૃદયં
સંસૃષ્ટં મનો અસ્તુ વઃ ।
સંસૃષ્ટા વસ્ તન્વઃ સન્તુ
સંસૃષ્ટઃ પ્રાણો અસ્તુ વઃ ॥

સં વઃ પશૂનાં હૃદયં સૃજામિ
સં પુત્રાણામ્ ઉત યા દુહિતરો વઃ ।
સં વો જાયાનાં મનસા મનાંસિ
સં પતીનામ્ ઉત ચક્ષુઃ સૃજામિ ॥