પૈપ્પલાદ-સંહિતા · અધ્યાય 2.65
બૃહત્ તે વર્ચઃ પ્રથતામ્ ઉપ દ્યાં
મિત્રેભ્ય એધિ સુરભિઃ સુવર્ચાઃ ।
અધિ તે રાજા વરુણો બ્રવીતુ
તસ્મા ઉ ત્વં હવિષા ભાગધા અસઃ ।
શતં હેમન્તાન્ દમયા સપત્નાન્
વિશસ્ ત્વા સર્વા અનુ ગુઙ્ગવો ભવન્તુ ॥
યસ્ ત્વોત્પિપાનં પ્રત્યુત્પિપાતિ
યસ્ ત્વા સજાતો વિરિફાત્ય્ અન્તિતઃ ।
ઇન્દ્રસ્ તં યોક્ત્રે અધમે યુનક્તુ
તસ્મૈ (…) ॥
યસ્ ત્વા યચ્છન્તં પ્રતિયંયમીતિ
યસ્ ત્વા જિગીષાત્ પૃતનાઃ સમર્યે ।
બૃહસ્પતિસ્ તમ્ અવ જઙ્ઘનીતુ
તસ્મૈ (…) ॥
યે તે શુલ્કમ્ આહરાન્ ય ઉ તે બલિં
સોમઃ સજાતાન્ ઉપ સં નમાતિ તે ।
અગ્નિઃ સયુગ્વાન્ અધિ તે બ્રવીતુ
તસ્મૈ (…) ॥
વરિષ્ઠૈધિ પુરુઃ પ્રજયા સુવીરો
અભિ પ્ર યુઙ્ક્ષ્વ દમયા સપત્નાન્ ।
ઇન્દ્રો મરુત્વાન્ અધિ તે બ્રવીતુ
તસ્મા ઉ ત્વં હવિષા ભાગધા અસઃ ।
શતં હેમન્તાન્ દમયા સપત્નાન્
વિશસ્ ત્વા સર્વા અનુ ગુઙ્ગવો ભવન્તુ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0