પૈપ્પલાદ-સંહિતા · અધ્યાય 2.30

દેવાનાં ભદ્રા સુમતિર્ ઋજૂયતાં
દેવાનાં રાતિર્ અભિ નો નિ વર્તતામ્ ।
દેવાનાં સખ્યમ્ ઉપ સેદિમા વયં
દેવા ન આયુઃ પ્ર તિરન્તુ જીવસે ॥

તાન્ પૂર્વયા નિવિદા હૂમહે વયં
ભગં મિત્રમ્ અદિતિં દક્ષમ્ અસ્રિધમ્ ।
અર્યમણં વરુણં સોમમ્ અશ્વિના
સરસ્વતી નઃ સુભગા મયસ્ કરત્ ॥

ઇદં પિતૃભ્યો નમો અસ્ત્વ્ અદ્ય
યે પૂર્વાસો યે ઽપરાસઃ પરેયુઃ ।
યે પાર્થિવે રજસ્ય્ આ નિષત્તા
યે વા નૂનં સુવૃજનાસુ વિક્ષુ ॥

પ્રત્યઞ્ચો અગ્ને શરવઃ પતન્તુ
કૃત્યાકૃતે રિપવે મર્ત્યાય ।
ક્રવ્યાદે અત્રિણે મા મીમૃડઃ
ક્રવિષ્ણુમ્ આ ધેહિ નિરૃતેર્ ઉપસ્થે ॥

જ્યાયસઃ શંસાદ્ ઉત વા કનીયસઃ
સજાતશંસાદ્ ઉત જામિશંસાત્ ।
અનાદિષ્ટમ્ અન્યકૃતં યદ્ એનસ્
ત્વં નસ્ તસ્માજ્ જાતવેદો મુમુગ્ધિ ॥