પૈપ્પલાદ-સંહિતા · અધ્યાય 17.25

દ્યાવાપૃથિવી અહોરાત્રે નક્ષત્રપેશઃ ।
ઇદમ્ અહમ્ અમુષ્મિન્ન્ આમુષ્યાયણે ઽમુષ્યાઃ પુત્રે દુષ્વપ્ન્યં વ્રજેત્ ॥

યદ્ અસ્માસ્વ્ ઇત્ય્ આષ્ટાદશકી ॥

મા પ્ર ગામ પથો વયં
મા યજ્ઞાદ્ ઇન્દ્ર સોમિનઃ ।
માન્ત સ્થુર્ નો અરાતયઃ ॥

યો યજ્ઞસ્ય પ્રસાધનસ્
તન્તુર્ દેવેષ્વ્ આતતઃ ।
તમ્ આહુતમ્ અશીમહિ ॥

નમો મિત્રસ્ય વરુણસ્ય ચક્ષસે
મહો દેવાય તદ્ ઋતં સપર્યત ।
દૂરેદૃશે દેવજાતાય કેતવે
દિવસ્ પુત્રાય સૂર્યાય શંસત ॥

દ્યાવા ચ તત્ર તતતનન્ન્ અહાનિ ચ
ન તે અદેવઃ પ્રદિવો વિ વાસતિ ।
યદ્ એતશેભિઃ પ્રતરૈ રથર્યસિ
પ્રાચીનમ્ અન્યદ્ અનુ વર્તતે રજ
ઉદ્ અન્યેન જ્યોતિષા યાસિ સૂર્ય ॥

યેન સૂર્ય જ્યોતિષા બાધસે તમો
જગચ્ ચ વિશ્વમ્ અભીયર્ષિ ભાનુના ।
તેનાસ્મદ્ વિશ્વામ્ અનિરામ્ અનાહુતિમ્
અપામીવામ્ અપ દુષ્વપ્ન્યં સુવ ॥

વિશ્વામ્ અનિરામ્ અમીવામ્ અનાહુતિમ્
અમુષ્મા આમુષ્યાયણાયામુષ્યાઃ પુત્રાય પ્ર હિણ્મઃ ॥