પૈપ્પલાદ-સંહિતા · અધ્યાય 10.9

યે ઽપ્સ્વ્ અન્તર્ અગ્નયઃ પ્રવિષ્ટા
મ્રોકો મનોહા ખનો નિર્દાહ
આત્મદૂષિસ્ તનદૂષિઃ ।
ઇદં તાન્ અતિ સૃજામિ
નિર્ એનો નિર્ અનૃતં સૃજામિ ॥

અભૂત્યા સત્વાય
નિર્ દુષ્વપ્ન્યં સૃજામિ ।
વસિષ્ઠારુન્ધતી મા પાતાં
પ્રજાપતેઃ પ્રસ્તરો બૃહસ્પતેઃ કેશાઃ ॥

અદબ્ધં ચક્ષુઃ સુશ્રુતૌ કર્ણાવ્ અક્ષિતૌ મે પ્રાણાપાનૌ ।
હૃદયા જરસં મા મા હાસીર્ મધ્ય મા રિષમ્ ॥

આપો મા શુન્ધન્તુ દુષ્કૃતાદ્
દુરિતા યાનિ ચકૃમ ।
અયામ શુદ્ધા ઉદિતસ્ તનૂભિઃ ॥

વૈશ્વાનરો રશ્મિભિર્ નઃ પુનાતુ
વાતઃ પ્રાણેનેષિરો નમોભિઃ ।
દ્યાવાપૃથિવી પયસા પયસ્વતી
ઋતાવરી યજ્ઞિયે મા પુનીતામ્ ॥

પુનન્તુ માગ્નયો ગાર્હપત્યાઃ
પુનન્તુ મા ધૃષ્ણ્યા દેવહૂતાઃ ।
પુનન્તુ મા શક્વરીઃ સોમપૃષ્ઠાઃ
પવમાનાસો અજ્રિણઃ ॥

યઃ પોતા સ પુનાતુ મા
બૃહદ્ભિર્ દેવ સવિતઃ ।
વર્ષિષ્ઠૈર્ દ્યામ્ ઇવોપરિ ॥

બ્રહ્મસવૈઃ પુનાતુ મા
રાજસવૈઃ પુનાતુ મા ।
શતં પવિત્રા વિતતા તિરશ્ચા
તેભિર્ મા દેવઃ સવિતા પુનાતુ ॥

શતં ચ મા પવિતારઃ પુનન્તુ
સહસ્રં ચ પ્રસ્રવણેષ્વ્ આપઃ ।
આપ ઇવ પૂતો ઽસ્મ્ય્ અગ્નિર્ ઇવ સુવર્ચાઃ
સૂર્ય ઇવ સુચક્ષાઃ ॥

ઉરૂણસાવ્ અસુતૃપા ઉદુમ્બલૌ
યમસ્ય દૂતૌ ચરતો જનાઁ અનુ ।
તાવ્ અસ્મભ્યં દૃશયે સૂર્યાય
પુનર્ દાતામ્ અસુમ્ અદ્યેહ ભદ્રમ્ ॥