ગ્રંથ પાઠ

પૈપ્પલાદ-સંહિતા · અધ્યાય 1.20

1.20.1

મા નો વિદન્ વિવ્યાધિનો
મો અભિવ્યાધિનો વિદન્ ।
આરાચ્ છરવ્યા અસ્મદ્
વિષૂચીર્ ઇન્દ્ર પાતય ॥

1.20.2

વિષ્વઞ્ચો અસ્મચ્ છરવઃ પતન્તુ
યે અસ્તા યે ચાસ્યાઃ ।
દેવા મનુષ્યા ઋષયો
ઽમિત્રાન્ નો વિ વિધ્યતુ ॥

1.20.3

યઃ સમાનો યો ઽસમાનો
ઽમિત્રો નો જિઘાંસતિ ।
રુદ્રઃ શરવ્યયા તાન્
અમિત્રાન્ નો વિ વિધ્યતુ ॥

1.20.4

સબન્ધુશ્ ચાસબન્ધુશ્ ચ
યો ન ઇન્દ્રાભિદાસતિ ।
દેવાસ્ તં સર્વે ધૂર્વન્તુ
બ્રહ્મ વર્મ મમાન્તરમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0