લલિતાપઞ્ચરત્નમ્ · અધ્યાય 1

પ્રાતઃ સ્મરામિ લલિતાવદનારવિન્દં
બિમ્બાધરં પૃથુલમૌક્તિકશોભિનાસમ્ ।
આકર્ણદીર્ઘનયનં મણિકુણ્ડલાઢ્યં
મન્દસ્મિતં મૃગમદોજ્જ્વલફાલદેશમ્

પ્રાતર્ભજામિ લલિતાભુજકલ્પવલ્લીં
રક્તાઙ્ગુલીયલસદઙ્ગુલિપલ્લવાઢ્યામ્ ।
માણિક્યહેમવલયાઙ્ગદશોભમાનાં
પુણ્ડ્રેક્ષુચાપકુસુમેષુસૃણીર્દધાનામ્

પ્રાતર્નમામિ લલિતાચરણારવિન્દં
ભક્તેષ્ટદાનનિરતં ભવસિન્ધુપોતમ્ ।
પદ્માસનાદિસુરનાયકપૂજનીયં
પદ્માઙ્કુશધ્વજસુદર્શનલાઞ્છનાઢ્યમ્

પ્રાતઃ સ્તુવે પરશિવાં લલિતાં ભવાનીં
ત્રય્યન્તવેદ્યવિભવાં કરુણાનવદ્યામ્ ।
વિશ્વસ્ય સૃષ્ટિવિલયસ્થિતિહેતુભૂતાં
વિદ્યેશ્વરીં નિગમવાઙ્મનસાતિદૂરામ્

પ્રાતર્વદામિ લલિતે તવ પુણ્યનામ
કામેશ્વરીતિ કમલેતિ મહેશ્વરીતિ ।
શ્રીશામ્ભવીતિ જગતાં જનની પરેતિ
વાગ્દેવતેતિ વચસા ત્રિપુરેશ્વરીતિ

યઃ શ્લોકપઞ્ચકમિદં લલિતામ્બિકાયાઃ
સૌભાગ્યદં સુલલિતં પઠતિ પ્રભાતે ।
તસ્મૈ દદાતિ લલિતા ઝટિતિ પ્રસન્ના
વિદ્યાં શ્રિયં વિમલસૌખ્યમનન્તકીર્તિમ્