કીલકસ્તોત્રમ્ · અધ્યાય 1

અથ કીલકમ્
ૐ અસ્ય શ્રીકીલકમન્ત્રસ્ય શિવ ઋષિઃ અનુષ્ટુપ છન્દઃ મહાસરસ્વતી દેવતા શ્રીજગદમ્બાપ્રીત્યર્થં સપ્તશતીપાઠાઙ્ગત્વેન વિનિયોગઃ ।
ૐ નમશ્ચણ્ડિકાયૈ ॥
માર્કણ્ડેય ઉવાચ
ૐ વિશુદ્ધજ્ઞાનદેહાય ત્રિવેદીદિવ્યચક્ષુષે ।
શ્રેયઃપ્રાપ્તિનિમિત્તાય નમઃ સોમાર્દ્ધધારિણે

સર્વમેતદ્વિજાનીયાન્મન્ત્રાણામભિકીલકમ્ ।
સોઽપિ ક્ષેમમવાપ્નોતિ સતતં જાપ્યતત્પરઃ

સિદ્ધ્યન્ત્યુચ્ચાટનાદીનિ વસ્તૂનિ સકલાન્યપિ ।
એતેન સ્તુવતાં દેવિ સ્તોત્રમાત્રેણ સિદ્ધ્યતિ

ન મન્ત્રો નૌષધં તત્ર ન કિચ્ઞિદપિ વિદ્યતે ।
વિના જાપ્યેન સિદ્ધ્યેત સર્વમુચ્ચાટનાદિકમ્

સમગ્રાણ્યપિ સિદ્ધ્યન્તિ લોકશઙ્કામિમાં હરઃ ।
કૃત્વા નિમન્ત્રયામાસ સર્વમેવમિદં શુભમ્

સ્તોત્રં વૈ ચણ્ડિકાયાસ્તુ તચ્ચ ગુપ્તં ચકાર સઃ ।
સમાપ્તિર્ન ચ પુણ્યસ્ય તાં યથાવન્નિયન્ત્રણામ્

સોઽપિ ક્ષેમમવાપ્નોતિ સર્વમેવં ન સંશયઃ ।
કૃષ્ણાયાં વા ચતુર્દશ્યામષ્ટમ્યાં વા સમાહિતઃ

દદાતિ પ્રતિગૃહ્ણાતિ નાન્યથૈષા પ્રસીદતિ ।
ઇત્થંરુપેણ કીલેન મહાદેવેન કીલિતમ્

યો નિષ્કીલાં વિધાયૈનાં નિત્યં જપતિ સંસ્ફુટમ્ ।
સ સિદ્ધઃ સ ગણઃ સોઽપિ ગન્ધર્વો જાયતે નરઃ

ન ચૈવાપ્યટતસ્તસ્ય ભયં ક્કાપીહ જાયતે ।
નાપમૃત્યુવશં યાતિ મૃતો મોક્ષમવાપ્નુયાત્

જ્ઞાત્વા પ્રારભ્ય કુર્વીત ન કુર્વાણો વિનશ્યતિ ।
તતો જ્ઞાત્વૈવ સમ્પન્નમિદં પ્રારભ્યતે બુધૈઃ

સૌભાગ્યાદિ ચ યત્કિચ્ચિદ્ દૃશ્યતે લલનાજને ।
તત્સર્વં તત્તપ્રસાદેન તેન જાપ્યમિદં શુભમ્

શનૈસ્તુ જપ્યમાનેઽસ્મિન્ સ્તોત્રે સમ્પત્તિરુચ્ચકૈઃ ।
ભવત્યેવ સમગ્રાપિ તતઃ પ્રારભ્યમેવ તત્

ઐશ્વર્યં યત્પ્રસાદેન સૌભાગ્યારોગ્યસમ્પદઃ ।
શત્રુહાનિઃપરો મોક્ષઃ સ્તૂયતે સા ન કિં જનૈઃ