કૌપીનપઞ્ચકમ્ · અધ્યાય 1

॥કૌપીન પંચકં ( શંકરાચાર્ય) ॥
કૌપીન પંચકમ્
વેદાન્તવાક્યેષુ સદા રમન્તો
ભિક્ષાન્નમાત્રેણ ચ તુષ્ટિમન્તઃ ।
વિશોકમન્તઃકરણે ચરન્તઃ
કૌપીનવન્તઃ ખલુ ભાગ્યવન્તઃ

મૂલં તરોઃ કેવલમાશ્રયન્તઃ
પાણિદ્વયં ભોક્તુમમન્ત્રયન્તઃ ।
કન્થામિવ શ્રીમપિ કુત્સયન્તઃ
કૌપીનવન્તઃ ખલુ ભાગ્યવન્તઃ

સ્વાનન્દભાવે પરિતુષ્ટિમન્તઃ
સુશાન્તસર્વેન્દ્રિયવૃત્તિમન્તઃ ।
અહર્નિશં બ્રહ્મસુખે રમન્તઃ
કૌપીનવન્તઃ ખલુ ભાગ્યવન્તઃ

દેહાદિભાવં પરિવર્તયન્તઃ
સ્વાત્માનમાત્મન્યવલોકયન્તઃ ।
નાન્તં ન મધ્યં ન બહિઃ સ્મરન્તઃ
કૌપીનવન્તઃ ખલુ ભાગ્યવન્તઃ

બ્રહ્માક્ષરં પાવનમુચ્ચરન્તો
બ્રહ્માહમસ્મીતિ વિભાવયન્તઃ ।
ભિક્ષાશિનો દિક્ષુ પરિભ્રમન્તઃ
કૌપીનવન્તઃ ખલુ ભાગ્યવન્તઃ