કૌલોપનિષત્ · અધ્યાય 1

॥ કૌલોપનિષત્ ॥
॥ શ્રીઃ ॥
કૌલોપનિષત્ ।
શન્નઃ કૌલિકઃ શન્નો વારુણી શન્નઃ શુદ્ધિઃ શન્નો।
આગ્નિશ્શન્નઃ સર્વં સમભવત્ । નમો બ્રહ્મણે નમઃ પૃથિવ્યૈ નમોઽદ્ભ્યો
નમોઽગ્નયે નમો વાયવે નમો ગુરુભ્યઃ ।
ત્વમેવ પ્રત્યક્ષં સૈવાસિ ।
ત્વામેવ પ્રત્યક્ષં તાં વદિષ્યામિ ।
ઋતં વદિષ્યામિ ।
સત્યં વદિષ્યામિ ।
તન્મામવતુ ।
તદ્વક્તારમવતુ ।
અવતુ મામ્ ।
અવતુ વક્તારમ્ ।
ૐ શાન્તિઃ શાન્તિઃ શાન્તિઃ ।
અથાતો ધર્મજિજ્ઞાસા ।
જ્ઞાનં બુદ્ધિશ્ચ ।
જ્ઞાનં મોક્ષૈકકારણમ્ ।
મોક્ષસ્સર્વાત્મતાસિદ્ધિઃ ।
પઞ્ચ વિષયાઃ પ્રપઞ્ચઃ ।
તેષાં જ્ઞાનસ્વરૂપાઃ ।
યોગો મોક્ષઃ ।
અધર્મકારણાજ્ઞાનમેવ જ્ઞાનમ્ ।
પ્રપઞ્ચ ઈશ્વરઃ ।
અનિત્યં નિત્યમ્ ।
અજ્ઞાનં જ્ઞાનમ્ ।
અધર્મ એવ ધર્મઃ ।
એષ મોક્ષઃ ।
પઞ્ચ બન્ધા જ્ઞાનસ્વરૂપાઃ ।
પિણ્ડાજ્જનનમ્ ।
તત્રૈવ મોક્ષઃ ।
એતજ્જ્ઞાનમ્ ।
સર્વેન્દ્રિયાણાં નયનં પ્રધાનમ્ ।
ધર્મવિરુદ્ધાઃ કાર્ય્યાઃ ।
ધર્મવિહિતા ન કાર્ય્યાઃ ।
સર્વં શામ્ભવીરૂપમ્ ।
આમ્નાયા ન વિદ્યન્તે ।
ગુરુરેકઃ ।
સર્વૈક્યતાબુદ્ધિમન્તે ।
આમન્ત્રસિદ્ધેઃ ।
મદાદિસ્ત્યાજ્યઃ ।
પ્રાકટ્યં ન કુર્ય્યાત્ ।
ન કુર્ય્યાત્પશુસમ્ભાષણમ્ ।
અન્યાયો ન્યાયઃ ।
ન ગણયેત્કમપિ ।
આત્મરહસ્યં ન વદેત્ ।
શિષ્યાય વદેત્ ।
અન્તઃ શાક્તઃ ।
બહિઃ શૈવઃ ।
લોકે વૈષ્ણવઃ ।
અયમેવાચારઃ ।
આત્મજ્ઞાનાન્મોક્ષઃ ।
લોકાન્ન નિન્દ્યાત્ ।
ઇત્યધ્યાત્મમ્ ।
વ્રતં ન ચરેત્ ।
ન તિષ્ઠેન્નિયમેન ।
નિયમાન્ન મોક્ષઃ ।
કૌલપ્રતિષ્ઠાં ન કુર્ય્યાત્ ।
સર્વસમો ભવેત્ ।
સ મુક્તો ભવતિ ।
પઠેદેતાનિ સૂત્રાણિ પ્રાતરુત્થાય દેશિકઃ ।
આજ્ઞાસિદ્ધિર્ભવેત્તસ્ય ઇત્યાજ્ઞા પારમેશ્વરી ।
યશ્ચાચારવિહીનોઽપિ યો વા પૂજાં ન કુર્વતે ।
યદિ જ્યેષ્ઠં ન મન્યેત નન્દતે નન્દને વને ।
શન્નઃ કૌલિકઃ ।
ૐ શાન્તિઃ શાન્તિઃ શાન્તિઃ ।
॥ કૌલોપનિષત્સમાપ્તા ॥
॥ ઇતિ કૌલોપનિષત્ ॥
સ્રોતમ્