કલિસન્તરણોપનિષત્ · અધ્યાય 1

કલિસન્તરણોપનિષત્
યદ્દિવ્યનામ સ્મરતાં સંસારો ગોષ્પદાયતે ।
સા નવ્યભક્તિર્ભવતિ તદ્રામપદમાશ્રયે ॥
ૐ સહ નાવવતુ । સહ નૌ ભુનક્તુ ।
સહ વીર્યંકરવાવહૈ ।
તેજસ્વિનાવધીતમસ્તુ મા વિદ્વિષાવહૈ ।
ૐ શાન્તિઃ શાન્તિઃ શાન્તિઃ ।
હરિઃ ૐ । દ્વાપરાન્તે નારદો બ્રહ્માણં જગામ કથં ભગવન્ ગાં
પર્યટન્ કલિં સન્તરેયમિતિ ।
સ હોવાચ બ્રહ્મા સાધુ પૃષ્ટોઽસ્મિ સર્વશ્રુતિરહસ્યં ગોપ્યં
તચ્છૃણુ યેન કલિસંસારં તરિષ્યસિ ।
ભગવત આદિપુરુષસ્ય નારાયણસ્ય નામોચ્ચારણમાત્રેણ
નિર્ધૂતકલિર્ભવતીતિ

નારદઃ પુનઃ પપ્રચ્છ તન્નામ કિમિતિ । સ હોવાચ હિરણ્યગર્ભઃ ।
હરે રામ હરે રામ રામ રામ હરે હરે ।
હરે કૃષ્ણ હરે કૃષ્ણ કૃષ્ણ કૃષ્ણ હરે હરે ॥
ઇતિ ષોડશકં નામ્નાં કલિકલ્મષનાશનમ્ ।
નાતઃ પરતરોપાયઃ સર્વવેદેષુ દૃશ્યતે ॥
ષોડશકલાવૃતસ્ય જીવસ્યાવરણવિનાશનમ્ ।
તતઃ પ્રકાશતે પરં બ્રહ્મ મેઘાપાયે રવિરશ્મિમણ્ડલીવેતિ

પુનર્નારદઃ પપ્રચ્છ ભગવન્ કોઽસ્ય વિધિરિતિ ।
તં હોવાચ નાસ્ય વિધિરિતિ ।
સર્વદા શુચિરશુચિર્વા પઠન્ બ્રાહ્મણઃ સલોકતાં સમીપતાં
સરૂપતાં સાયુજ્યમેતિ ।
યદાસ્ય ષોડશકસ્ય સાર્ધત્રિકોટીર્જપતિ તદા બ્રહ્મહત્યાં તરતિ ।
તરતિ વીરહત્યામ્ ।
સ્વર્ણસ્તેયાત્ પૂતો ભવતિ ।
વૃષલીગમનાત્ પૂતો ભવતિ ।
પિતૃદેવમનુષ્યાણામપકારાત્ પૂતો ભવતિ ।
સર્વધર્મપરિત્યાગપાપાત્ સદ્યઃ શુચિતામાપ્નુયાત્ ।
સદ્યો મુચ્યતે સદ્યો મુચ્યતે ઇત્યુપનિષત્

ૐ સહ નાવવતુ । સહ નૌ ભુનક્તુ ।
સહ વીર્યંકરવાવહૈ ।
તેજસ્વિનાવધીતમસ્તુ મા વિદ્વિષાવહૈ ।
ૐ શાન્તિઃ શાન્તિઃ શાન્તિઃ ।
અધિકાધ્યયનાય