ગ્રહમાતૃકાધારણી · ભાગ 11

ગ્રહમાતૃકાનામધારણી
આર્યગ્રહમાતૃકા નામ ધારણી
ઓં નમો ભગવત્યૈ આર્યગ્રહમાતૃકાયૈ ।
એવં મયા શ્રુતમ્ એકસ્મિન્ સમયે ભગવાન્ અડકવત્યાં મહાનગર્યામ્ અનેકદેવનાગયક્ષરાક્ષસગન્ધર્વાસુરગરુડકિન્નરમહોરગાપસ્મારાદિત્યસોમાઙ્ગારબુધબૃહસ્પતિશુક્રશનિશ્ચરરાહુકેત્વાદિભિશ્ ચાષ્ટાવિંશતિનક્ષત્રાદિભિઃ સ્તૂયમાનો મહાવજ્રસમયાલઙ્કારવ્યૂહાધિષ્ઠાનાધિષ્ઠિતે સિંહાસને વિહરતિ સ્મ । અનેકૈર્ બોધિસત્ત્વસહસ્રૈઃ સાર્ધમ્* । તદ્યથા - વજ્રપાણિના ચ નામ બોધિસત્ત્વેન મહાસત્ત્વેન । વજ્રચણ્ડેન ચ નામ બોધિસત્ત્વેન મહાસત્ત્વેન । વજ્રસેનેન ચ નામ બોધિસત્ત્વેન મહાસત્ત્વેન । વજ્રવિનાયકેન ચ નામ બોધિસત્ત્વેન મહાસત્ત્વેન । વજ્રચાપહસ્તેન ચ નામ બોધિસત્ત્વેન મહાસત્ત્વેન । વજ્રવિકુર્વિતેન ચ નામ બોધિસત્ત્વેન મહાસત્ત્વેન । વજ્રાધિપતિના ચ નામ બોધિસત્ત્વેન મહાસત્ત્વેન । વજ્રાલઙ્કારેણ ચ નામ બોધિસત્ત્વેન મહાસત્ત્વેન । વજ્રવિક્રમેણ ચ નામ બોધિસત્ત્વેન મહાસત્ત્વેન । જ્યોતિવજ્રેણ ચ નામ બોધિસત્ત્વેન મહાસત્ત્વેન । અવલોકિતેશ્વરેણ ચ નામ બોધિસત્ત્વેન મહાસત્ત્વેન । સમન્તભદ્રેણ ચ નામ બોધિસત્ત્વેન મહાસત્ત્વેન । સમન્તાવલોકિતેશ્વરેણ ચ નામ બોધિસત્ત્વેન મહાસત્ત્વેન । લોકશ્રિયા ચ નામ બોધિસત્ત્વેન મહાસત્ત્વેન । પદ્મકેતુના ચ નામ બોધિસત્ત્વેન મહાસત્ત્વેન । રત્નકેતુના ચ નામ બોધિસત્ત્વેન મહાસત્ત્વેન । વિકસિતવક્ત્રેણ ચ નામ બોધિસત્ત્વેન મહાસત્ત્વેન । પદ્મગર્ભેણ ચ નામ બોધિસત્ત્વેન મહાસત્ત્વેન । પદ્મનેત્રેણ ચ નામ બોધિસત્ત્વેન મહાસત્ત્વેન । મઞ્જુશ્રિયા ચ નામ બોધિસત્ત્વેન મહાસત્ત્વેન । મૈત્રેયેણ ચ નામ બોધિસત્ત્વેન મહાસત્ત્વેન ।
એવં પ્રમુખૈર્ બોધિસત્ત્વૈર્ મહાસત્ત્વૈઃ શતસહસ્રૈઃ સાર્ધં પરિવૃતઃ પુરસ્કૃતો ભગવાન્ ધર્મં દેશયતિ સ્મ । આદૌ કલ્યાણં મધ્યે કલ્યાણં પર્યવસાને કલ્યાણં સ્વર્થં ( ગ્મ્ધ્ 172 ) સુવ્યઞ્જનં કેવલં પરિપૂર્ણં પરિશુદ્ધપર્યવદાતં બ્રહ્મચર્યં સંપ્રકાશયતિ સ્મ । ચિન્તામણિમહાવ્યૂહાલઙ્કારં નામ ધર્મપર્યાયં દેશયતિ સ્મ । અથ ખલુ વજ્રપાણિર્ બોધિસત્ત્વો મહાસત્ત્વસ્ તત્ પર્ષન્મણ્ડલમ્ અવલોક્યાસનાદ્ ઉત્થાય સ્વઋદ્ધ્યાધિષ્ઠાનેન ભગવન્તમ્ અનેકશતસહસ્રં પ્રદક્ષિણીકૃત્ય પ્રણમ્ય પુરતો નિષદ્ય સગર્વેણ પર્યઙ્કમ્ આભુજ્ય લીલયા તત્ પર્ષન્મણ્ડલમ્ અવલોક્ય વજ્રાઞ્જલી સ્વહૃદયે પ્રતિષ્ઠાપ્ય ભગવન્તમ્ એતદ્ અવોચત્* । ગ્રહાશ્ ચ ભગવન્ન્ ઉગ્રાનુગ્રરૂપાશ્ ચ રૌદ્રારૌદ્રરૂપાસ્ ચ ક્રૂરાક્રૂરરૂપાશ્ ચ સત્ત્વાન્ વિહેઠયન્તિ । કેષાઞ્ચિત્ પ્રાણમ્ અપહરન્તિ કેષાઞ્ચિદ્ ઉપદ્રવાશ્ ચ કુર્વન્તિ કેષાઞ્ચિદ્ ઓજોહારાંશ્ ચ કુર્વન્તિ કેષાઞ્ચિદ્ દ્રવ્યમ્ અપહરન્તિ કેષાઞ્ચિદ્ દીર્ઘાયુષ્સત્ત્વાનામ્ અલ્પાયુષં કુર્વન્તિ । એવં સર્વસત્ત્વાનામ્ ઉપદ્રવેણ વાહયન્તિ । તદ્ દેશયતુ ભગવન્ ધર્મપર્યાયં યેન સર્વસત્ત્વાનાં સર્વોપદ્રવેભ્યો રક્ષા ભવિષ્યતિ ।
ભગવાન્ આહ - સાધુ સાધુ વજ્રપાણે યસ્ ત્વં સર્વસત્ત્વાનામ્ અર્થાય હિતાય સુખાય કૃપાચિત્તમ્ ઉત્પાદ્ય મહાગુહ્યાતિગુહ્યતરં તથાગતં સમ્યક્સંબુદ્ધં પરિપૃચ્છસિ । તચ્ છૃણુ સાધુ ચ સુષ્ઠુ ચ મનસિ કુરુ ભાષિષ્યે ઽહં તે । ગ્રહાણામ્ ઉગ્રરૂપાણાં ક્રૂરાતિભીષણમુખાનાં મહાગુહ્યાતિગુહ્યતરં દિવ્યપૂજામ્ અર્ઘં ચ જાપઞ્ ચ ધૂપઞ્ ચ -
યથાનુવર્ણભેદેન યથા તુષ્યન્તિ તે ગ્રહાઃ ।
પૂજિતાઃ પ્રતિપૂજ્યન્તે નિર્દહન્તે યમ્ આનિતઃ ॥ 1 ॥
દેવાશ્ ચાપ્ય્ અસુરાશ્ ચૈવ કિન્નરાશ્ ચ મહોરગાઃ ।
યક્ષાશ્ ચ રાક્ષસાશ્ ચૈવ મનુષાશ્ ચૈવામાનુષાઃ ॥ 2 ॥
શમયન્તિ ચ ક્રુદ્ધાશ્ ચ મહાનુગ્રાશ્ ચ તેજસા ।
પૂજાં તેષાં પ્રવક્ષામિ મન્ત્રાંશ્ ચાપિ યથાક્રમમ્* ॥ 3 ॥
અથ ખલુ ભગવાઞ્ છાક્યમુનિઃ સમ્યક્સંબુદ્ધઃ સ્વહૃદયાત્ કરુણાવિક્રીડિતં નામ રશ્મિજ્વાલં નિશ્ચાર્ય ગ્રહાણાં મૂર્ધ્નિ પ્રવેશયતિ સ્મ । અથ તત્ક્ષણાદ્ એવ તે સર્વે આદિત્યાદયો ગ્રહા ઉત્થાય ભગવન્તં શાક્યમુનિં તથાગતમ્ અર્હન્તં સમ્યક્સંબુદ્ધં સર્વાભિર્ દિવ્યપૂજાભિઃ પૂજયિત્વા પ્રણમ્ય જાનુભિર્ નિપત્ય કૃતાઞ્જલિપુટા ભૂત્વા ભગવન્તમ્ એતદ્ અવોચન્*
અનુગૃહીતા વયં ભગવતા તથાગતેનાર્હતો સમ્યક્સંબુદ્ધેન તદ્ દેશયતુ ભગવન્ તાદૃશં ધર્મપર્યાયં યેન વયં સામગ્રીભૂતસ્ય ધર્મભાણકસ્ય રક્ષાં કુર્યામઃ । ગુપ્તિં પરિત્રાણં પરિગ્રહં પરિપાલનં શાન્તિં સ્વસ્ત્યયનં દણ્ડપરિહારં શસ્ત્રપરિહારં વિષદૂષણં વિષનાશનં સીમાબન્ધનં ધરણીબન્ધં ચ કુર્યામઃ ।
અથ ખલુ ભગવાઞ્ છાક્યમુનિસ્ તથાગતો ઽર્હન્ સમ્યક્સંબુદ્ધો ગ્રહાણાં મન્ત્રપૂજાઞ્ ચ ભાષતે સ્મ । ઓં મેઘોલ્કાય સ્વાહા । ઓં શીતાંશવે સ્વાહા । ઓં રક્તાઙ્ગકુમારાય સ્વાહા । ઓં બુધાય સ્વાહા । ઓં બૃહસ્પતયે સ્વાહા । ઓં અસુરોત્તમાય સ્વાહા । ઓં કૃષ્ણવર્ણાય સ્વાહા । ઓં રાહવે સ્વાહા । ઓં જ્યોતિઃ કેતવે સ્વાહા । યથાનુક્રમભેદેન દિશાશ્ ચોપદિશાશ્ ચ ગન્ધમણ્ડલકં પદ્મમધ્યે દ્વાદશાઙ્ગુલપ્રમાણં ચતુરસ્રં ચતુર્દ્વારં ચતુસ્તોરણશોભિતં કૂટાગારં ચક્રસમન્વિતં કર્તવ્યમ્* । તન્મધ્યે સિતકમલોપરિ કુઙ્કુમગન્ધમણ્ડલકે ચિન્તયેદ્ દેવં ભાસ્કરં તાપસરૂપધરં ભુજાભ્યાં સિતકમલધરં રક્તવર્ણં સહસ્રસૂર્યકોટિસમતેજોમાલિનં વિગ્રહમ્* । અસ્ય દેયં ક્ષીરભોજનં કુન્દુરુધૂપમ્* । ઓં મેઘોલ્કાય સ્વાહા ।
પૂર્વસ્યાં દિશિ રક્તકમલોપરિ પ્રિયઙ્ગુગન્ધમણ્ડલકે સોમો બ્રાહ્મણ ઇતિ જ્ઞેયં સિતવર્ણં જટામુકુટપુષ્પાવસક્તં ભોજનઘૃતોદનં શ્રીવાસધૂપઃ । ઓં ચન્દ્રામૃતવિક્રમાય નમઃ । શીતાંશવે સ્વાહા ।
દક્ષિણસ્યાં દિશિ શુક્લકમલોપરિ ચન્દનગન્ધમણ્ડલકે ભિક્ષુરૂપો મઙ્ગલો રક્તવર્ણો રત્નમકુટો વામે શક્તિ દક્ષિણે વરદહસ્તો ભોજનમ્ અસ્ય ક્ષીરભોજનં ભાષભક્તં વા ગુગ્ગુલધૂપઃ । ઓં રક્તાઙ્ગારસોજ્જ્વલકુમારાય નમઃ । અઙ્ગારાય સ્વાહા ।
પશ્ચિમાયામ્ દિશિ રક્તપદ્મોપરિ કૃષ્ણાગરુગન્ધમણ્ડલકે બ્રહ્મચારી બુધઃ સ્યાત્ પીતવર્ણો રક્તશ્મશ્રુઃ અક્ષસૂત્રકમણ્ડલુધરઃ । ભોજનં મુદ્રભાષકૃષરઃ । ધૂપો ગન્ધરસઃ । ઓં રાજપુત્રપીતવર્ણાય નમઃ । બુધાય સ્વાહા ।
ઉત્તરસ્યાં દિશિ સિતકમલોપરિ દેવદારુગન્ધમણ્ડલકે પરિવ્રાજકો ગુરુસ્ તપ્તકાઞ્ચનવર્ણાભો રક્તશ્મશ્રુઃ અક્ષસૂત્રકમણ્ડલુધરઃ । અસ્ય દેયં દધિભક્તોદનક્ષીરં વા મધુધૃતધૂપઃ । ઓં લોહિતવર્ણનિગમાય નમઃ ભોગાસ્પદાય સ્વાહા ।
આગ્નેયાં દિશિ રક્તપદ્મોપરિ ચન્દનગન્ધમણ્ડલકે શુક્રપાશુપતધારિ ગોક્ષીરવર્ણધવલામ્ભો જટામુકુતાક્ષસૂત્રકમણ્ડલુધરઃ । અસ્ય દેયં ક્ષીરભોજનં કર્પૂરધૂપઃ । ઓં નમઃ શુક્રાધિપતયે અસુરોત્તમાય શુદ્ધવિગ્રહે સ્વાહા ।

નૈરૃત્યાં દિશિ સિતપઙ્કજોપરિ નીલચન્દનગન્ધમણ્ડલકે શનિશ્ચરો કૃષ્ણવર્ણફણભૃત્ક્ષપણકો જ્ઞેયઃ બીજજટામુકુટશ્મશ્રુઃ । અક્ષસૂત્રક્ષિક્ષિરિકાધરો ભોજનમ્ અસ્ય ભાષભક્તકૃષરઃ । ધૂપો ગન્ધરસઃ । ઓં નીલવર્ણસન્નિભાય નમઃ । કૃષ્ણશનિશ્ચરાય સ્વાહા ।
વાયવ્યાં દિશિ રક્તામ્ભોજોપરિ તગરાદિગન્ધમણ્ડલકે કાપાલિકો રાહુ રાજાવર્તનિભો ઽર્ધદેહો રવિરથભયાનકલોચનયુગો દંષ્ટ્રાકરાલો ભૃકુટીકૃતલલાટપઞ્ચવર્ણઃ મેઘમધ્યગતો ભુજાભ્યાં ચન્દ્રસૂર્યકમલાભિનયસ્થિતઃ । અસ્ય દેયં ભાષામિષભોજનં તિલકૃષરો વા વિલ્વપત્રધૂપઃ । ઓં વિકૃતવદનરુધિરાશિન્ રાહો ભૃઙ્ગાઞ્જનસન્નિભાય નમઃ । અમૃતપ્રિયાય સ્વાહા ।
ઐશાન્યાં દિશિ રક્તસરોરુહોપરિ સ્પૃક્કાગન્ધમણ્ડલકે ચાણ્ડાલકેતુર્ ભવેત્* । ધૂમ્રવર્ણઃ કૃતાઞ્જલિર્ નાગાકૃતિઃ સ્વપુચ્છભૃત્* । અસ્ય દેયં ભોજનં ધૃતપૂરકં સજ્જરસો ધૂપઃ । ઓં ધૂમ્રવર્ણસન્નિભાય જ્યોતિષ્કેતવે નમઃ સ્વાહા ।
મણ્ડલસ્ય પૂર્વદ્વારે બુદ્ધો ભગવાન્ દક્ષિણદ્વારે વજ્રપાણિઃ પશ્ચિમદ્વારે લોકનાથઃ ઉત્તરદ્વારે મઞ્જુશ્રીકુમારઃ । પૂર્વોત્તરકોણે સર્વે ગ્રહાઃ પૂર્વદક્ષિણકોણે સર્વે રાશિનક્ષત્રાઃ દક્ષિણપશ્ચિમકોણે સર્વોપદ્રવાઃ પશ્ચિમોત્તરકોણે ભટ્ટારિકા મહાવિદ્યા । શ્વેતા નીલારુણત્રિમુખા હસ્તદ્વયેન વ્યાખ્યાનમુદ્રા દક્ષિણે રત્નછત્રા વામે પાશશક્તિધરા રત્નમુકુટીવજ્રપર્યઙ્કોપવિષ્ટા ચન્દાસનસમાસીના ષોડશવર્ષાકારા સર્વાલઙ્કારભૂષિતા ।
બાહ્યપૂર્વદ્વારે ધૃતરાષ્ટ્રસ્ય દધિભક્તં દક્ષિણે વિરૂઢકસ્ય દધિમાષભક્તં પશ્ચિમે વિરૂપાક્ષસ્ય ક્ષીરભતમ્ ઉત્તરે કુબેરસ્ય દધિમાષભક્તં સિન્દૂરમસ્તકમ્* । યથાનુક્રમભેદેન પુષ્પાદિપૂજા કર્તવ્યા । પ્રત્યેકમ્ દીપો દેયઃ । ધૃતમધુભ્યાં શંખં પૂરયિત્વા પઞ્ચરત્નં પ્રક્ષિપ્યાર્ઘો દેયઃ । સર્વેષાં મુખપટો દેયમ્ ઇતિ । એવં વર્ણભુજાસનમુદ્રાચિહ્નાનિ ભવન્તિ ।
ઓં નમઃ સર્વતથાગતેભ્યઃ સર્વાશાપરિપૂરકેભ્યઃ સર્વથા ભક્તિને સ્વાહા । રત્નત્રયસ્ય મન્ત્રં એવં પ્રત્યેકં જપેત્ સપ્તસપ્તાષ્ટશતં મન્ત્રમ્ એકૈકશઃ । એવં પૂજિતાઃ સર્વે ગ્રહા વિવિધરૂપિણો દદતિ વિપુલાન્ ભોગાન્ સૌભાગ્યાન્* જનયન્ત્ય્ અપિ ।
ઇમાનિ વજ્રપાણે નવગ્રહાણાં હૃદયાનિ પઠિતસિદ્ધાનિ તથાનુક્રમભેદેન ગન્ધમણ્ડલકં કૃત્વા દ્વાદશાઙ્ગુલિમધ્યે પૂજયિતવ્યાનિ તામ્રમૃણ્મયરૂપ્યાદિભોજનેન અર્ઘં દત્વાષ્ટોત્તરશતવારાન્ મન્ત્રં જપેત્* એકૈકશઃ । પશ્ચાત્ પુનર્ વજ્રપાણે ગૃહમાતૃકાનામ ધારણીમન્ત્રપદાનિ સપ્તવારાનુચ્ચારયિતવ્યાનિ । તતસ્ તે આદિત્યાદયો રક્ષાવરણગુપ્તિં કરિષ્યન્તિ । દારિદ્ર્યં દુઃખં મોચયિષ્યન્તિ ગતાયુષં દીર્ઘાયુષં કરિષ્યન્તિ ।
યશ્ ચ ખલુ પુનર્ વજ્રપાણે ભિક્ષુભિક્ષુણ્યુપાસકોપાસિકાન્ યે વા સત્ત્વજાતીયા યેષાં કર્ણપુટે શબ્દં નિપતિષ્યન્તિ ન તેષામ્ અકાલમૃત્યુના કાલં કરિષ્યન્તિ । યશ્ ચ ખલુ પુનર્ વજ્રપાણે ગ્રહાન્ મણ્ડલમધ્યે પૂજયિત્વા દિને દિને સપ્તવારાનુચ્ચારયિષ્યન્તિ । તત્ર
તસ્ય ધર્મભાણકસ્ય સર્વે ગ્રહાઃ સર્વેણ સર્વાશાં પરિપૂરયિષ્યન્તિ । તત્કુલાદ્ અપિ દારિદ્ર્યઞ્ ચ નાશાયિષ્યન્તિ ।
અથ ખલુ ભગવાઞ્ છાક્યમુનિ તથાગતઃ પુનર્ અપિ ગૃહમાતૃકાનામ ધારણીમન્ત્રપદાનિ ભાષતે સ્મ । ઓં નમો રત્નત્રયાય । ઓં નમો બુદ્ધાય । ઓં નમો ધર્માય । ઓં નમઃ સંઘાય । ઓં નમો વજ્રધરાય । ઓં નમઃ પદ્મધરાય । ઓં નમઃ કુમારાય । ઓં નમઃ સર્વગ્રહાણાં સર્વાશાપરિપૂરકાણામ્* । ઓં નમઃ નક્ષત્રાણામ્* । ઓં નમો દ્વાદશરાશીનામ્* । ઓં નમઃ સર્વોપદ્રવાણામ્* । તદ્યથા -
ઓં બુદ્ધે 2 શુદ્ધે 2 વજ્રે 2 પદ્મે 2 સર 2 પ્રસરે 2 સ્મર 2 ક્રીડ 2 ક્રીડય 2 મર 2 મારય 2 મર્દય 2 સ્તમ્ભ 2 સ્તમ્ભય 2 ઘટ 2 ઘાટય 2 મમ સર્વસત્ત્વાનાઞ્ ચ વિઘ્નાન્* છિન્દ છિન્દ ભિન્દ 2 સર્વવિઘ્નાન્ નાશનં કુરુ 2 મમ સપરિવારસ્ય સર્વસત્ત્વાનાઞ્ ચ કાર્યં ક્ષેપય 2 મમ સર્વસત્ત્વાનાઞ્ ચ સર્વનક્ષત્રગ્રહપીડાન્ નિવારય 2 ભગવતિ શ્રિયં કુરુ મહામાયા પ્રસાધય સર્વદુષ્ટાન્ નાશય સર્વપાપાનિ મમ સપરિવારસ્ય સર્વસત્ત્વાનાઞ્ ચ રક્ષ 2 વજ્રે 2 ચણ્ડે 2 ચણ્ડિનિ 2 નુરુ 2 મુસુ 2 મુમુ 2 મુઞ્ચ 2 હવા હવે ઉગ્રે ઉગ્રતરે પૂરય ભગવતિ મનોરથં મમ સર્વપરિવારસ્ય સર્વસત્ત્વાનાઞ્ ચ સર્વતથાગતાદિષ્ઠાનાધિષ્ઠિતે સ્વાહા । ઓં સ્વાહા । હૂં સ્વાહા । હ્રીઃ સ્વાહા । ધૂઃ સ્વાહા । ધીઃ સ્વાહા । ઓં આદિત્યાય સ્વાહા । ઓં સોમાય સ્વાહા । ઓં ધરણીસુતાય સ્વાહા । ઓં બુધાય સ્વાહા । ઓં બૃહસ્પતયે સ્વાહા । ઓં શુક્રાય સ્વાહા । ઓં શનિશ્ચરાય સ્વાહા । ઓં રાહવે સ્વાહા । ઓં કેતવે સ્વાહા । ઓં બુદ્ધાય સ્વાહા । ઓં વજ્રપાણયે સ્વાહા । ઓં પદ્મધરાય સ્વાહા । ઓં કુમારાય સ્વાહા । ઓં સર્વગ્રહાણાં સ્વાહા । ઓં સર્વનક્ષત્રાણાં સ્વાહા । સર્વોપદ્રવાણાં સ્વાહા । ઓં દ્વાદશરાશીનાં સ્વાહા । ઓં સર્વવિદ્યે હૂં 2 ફટ્* સ્વાહા ।
ઇમાનિ વજ્રપાણે ગ્રહમાતૃકાનામ ધારણીમન્ત્રપદાનિ સર્વસિદ્ધિકરાણિ ચ । યચ્ ચ ખલુ પુનર્ વજ્રપાણે ઇમાનિ ગ્રહમાતૃકાનામ ધારણીમન્ત્રપદાનિ કાર્તિકમાસશુક્લપક્ષસ્ય સપ્તમીમ્ આરભ્યોપોષધિકો ભૂત્વા યાવચ્ ચતુર્દશીગ્રહનક્ષત્રાન્ મધ્યે પૂજયિત્વા દિને દિને સપ્તવારાનુચ્ચારયિતવ્યાનિ । તતઃ પૂર્ણમાસ્યામ્ અહોરાત્રં વાચયેત્* । તસ્ય નવનવતિવર્ષાણિ મૃત્યુભયં ન ભવિષ્યતિ । ઉલ્કાપાતગ્રહનક્ષત્રપીડાભયં ન ભવિષ્યતિ । જાતૌ જાતૌ જાતિસ્મરો ભવિષ્યતિ । સર્વે ગ્રહા ઈપ્સિતં વરં દાસ્યન્તિ ।
અથ તે સર્વે ગ્રહાઃ સાધુ ભગવન્ન્ ઇતિ કૃત્વા પ્રણમ્યાન્તર્હિતાભૂવન્ન્ ઇતિ । ઇદમ્ અવોચદ્ ભગવાન્ આત્તમનાસ્ તે ચ ભિક્ષવસ્ તે ચ બોધિસત્ત્વા મહાસત્ત્વાઃ સા ચ સર્વાવતીપર્ષત્ સદેવમાનુષાસુરગરુડગન્ધર્વશ્ ચ લોકો ભગવતો ભાષિતમ્ અભ્યનન્દન્ન્ ઇતિ ।
આર્યગ્રહમાતૃકાનામ ધારણી સમાપ્તા ॥