ગોવિન્દાષ્ટકમ્ · અધ્યાય 1

॥ ગોવિન્દાષ્ટકં ॥
સત્યં જ્ઞાનમનંતં નિત્યમનાકાશં પરમાકાશમ્ ।
ગોષ્ઠપ્રાઙ્ગણરિઙ્ખણલોલમનાયાસં પરમાયાસમ્ ।
માયાકલ્પિતનાનાકારમનાકારં ભુવનાકારમ્ ।
ક્ષ્માયા નાથમનાથં પ્રણમત ગોવિંદં પરમાનંદમ્

મૃત્સ્નામત્સીહેતિ યશોદાતાડનશૈશવ સંત્રાસમ્ ।
વ્યદિતવક્ત્રાલોકિતલોકાલોકચતુર્દશલોકાલિમ્ ।
લોકત્રયપુરમૂલસ્તંભં લોકાલોકમનાલોકમ્ ।
લોકેશં પરમેશં પ્રણમત ગોવિંદં પરમાનંદમ્

ત્રૈવિષ્ટપરિપુવીરઘ્નં ક્ષિતિભારઘ્નં ભવરોગઘ્નમ્ ।
કૈવલ્યં નવનીતાહારમનાહારં ભુવનાહારમ્ ।
વૈમલ્યસ્ફુટચેતોવૃત્તિવિશેષાભાસમનાભાસમ્ ।
શૈવં કેવલશાંતં પ્રણમત ગોવિંદં પરમાનંદમ્

ગોપાલં પ્રભુલીલાવિગ્રહગોપાલં કુલગોપાલમ્ ।
ગોપીખેલનગોવર્ધનધૃતિલીલાલાલિતગોપાલમ્ ।
ગોભિર્નિગદિત ગોવિંદસ્ફુતનામાનં બહુનામાનમ્ ।
ગોપીગોચરપથિકં પ્રણમત ગોવિંદં પરમાનંદમ્

ગોપીમંડલગોષ્ઠિભેદં ભેદાવસ્થમભેદાભમ્ ।
શશ્વદ્ગોખુરનિર્ઘૂતોદ્ધતધૂલીધૂસરસૌભાગ્યમ્ ।
શ્રદ્ધાભક્તિગૃહીતાનંદમચિન્ત્યં ચિંતિતસદ્ભાવમ્ ।
ચિંતામણિમહિમાનં પ્રણમત ગોવિંદં પરમાનંદમ્

સ્નાનવ્યાકુલયોશિદ્વસ્ત્રમુપાદાયાગમુપારૂઢમ્ ।
વ્યદિત્સંતિરથ દિગ્વસ્ત્રા હ્યુપુદાતુમુપાકર્ષંતમ્ ।
નિર્ધૂતદ્વયશોકવિમોહં બુદ્ધં બુદ્ધેરંતસ્થમ્ ।
સત્તામાત્રશરીરં પ્રણમત ગોવિંદં પરમાનંદમ્

કાંતં કારણકારણમાદિમનાદિં કાલમનાભાસમ્ ।
કાલિંદીગતકાલિયશિરસિ મુહુર્નૃત્યંતં નૃત્યંતમ્ ।
કાલં કાલકલાતીતં કલિતાશેષં કલિદોષઘ્નમ્ ।
કાલત્રયગતિહેતું પ્રણમત ગોવિંદં પરમાનંદમ્

વૃંદાવનભુવિ વૃંદારકગણવૃન્દારાધ્યં વંદેઽહમ્ ।
કુંદાભામલમંદસ્મેરસુધાનંદં સુહૃદાનંદમ્ ।
વંદ્યાશેષમહામુનિમાનસવંદ્યાનંદપદદ્વંદ્વમ્ ।
વંદ્યાશેષગુણાબ્ધિં પ્રણમત ગોવિંદં પરમાનંદમ્

ગોવિંદાષ્ટકમેતદધીતે ગોવિંદાર્પિતચેતા યો ।
ગોવિંદાચ્યુત માધવ વિષ્ણો ગોકુલનાયક કૃષ્ણેતિ ।
ગોવિંદાઙ્ઘ્રિસરોજધ્યાનસુધાજલધૌતસમસ્તાઘો ।
ગોવિંદં પરમાનંદામૃતમંતઃસ્થં સ તમભ્યેતિ ॥
॥ ઇતિ શ્રીમચ્છઙ્કરાચાર્યવિરચિતં શ્રીગોવિંદાષ્ટકં સંપૂર્ણમ્