ગણપત્યથર્વશીર્ષમ્ · અધ્યાય 1

॥ શ્રી ગણપત્યથર્વશીર્ષ ॥
॥ શાન્તિ પાઠ ॥
ૐ ભદ્રં કર્ણેભિઃ શૃણુયામ દેવાઃ ।
ભદ્રં પશ્યેમાક્ષભિર્યજત્રાઃ ॥
સ્થિરૈરઙ્ગૈસ્તુષ્ટુવાંસસ્તનૂભિઃ ।
વ્યશેમ દેવહિતં યદાયુઃ ॥
ૐ સ્વસ્તિ ન ઇન્દ્રો વૃદ્ધશ્રવાઃ ।
સ્વસ્તિ નઃ પૂષા વિશ્વવેદાઃ ॥
સ્વસ્તિનસ્તાર્ક્ષ્યો અરિષ્ટનેમિઃ ।
સ્વસ્તિ નો બૃહસ્પતિર્દધાતુ ॥
ૐ તન્મામવતુ તદ્ વક્તારમવતુ અવતુ મામ્ અવતુ વક્તારમ્ ।
ૐ શાન્તિઃ શાન્તિઃ શાન્તિઃ ॥
॥ ઉપનિષત્ ॥
હરિઃ ૐ નમસ્તે ગણપતયે ।
ત્વમેવ પ્રત્યક્ષં તત્ત્વમસિ ॥
ત્વમેવ કેવલં કર્તાઽસિ ।
ત્વમેવ કેવલં ધર્તાઽસિ ॥
ત્વમેવ કેવલં હર્તાઽસિ ।
ત્વમેવ સર્વં ખલ્વિદં બ્રહ્માસિ ॥
ત્વં સાક્ષાદાત્માઽસિ નિત્યમ્

॥ સ્વરૂપ તત્ત્વ ॥
ઋતં વચ્મિ (વદિષ્યામિ) ॥
સત્યં વચ્મિ (વદિષ્યામિ)

અવ ત્વં મામ્ ।
અવ વક્તારમ્ ॥
અવ શ્રોતારમ્ ।
અવ દાતારમ્ ॥
અવ ધાતારમ્ ।
અવાનૂચાનમવ શિષ્યમ્ ॥
અવ પશ્ચાત્તાત્ ।
અવ પુરસ્તાત્ ॥
અવોત્તરાત્તાત્ ।
અવ દક્ષિણાત્તાત્ ॥
અવ ચોર્ધ્વાત્તાત્ ।
અવાધરાત્તાત્ ॥
સર્વતો માં પાહિ પાહિ સમન્તાત્

ત્વં વાઙ્ગ્મયસ્ત્વં ચિન્મયઃ ।
ત્વમાનન્દમયસ્ત્વં બ્રહ્મમયઃ ॥
ત્વં સચ્ચિદાનન્દાદ્વિતીયોઽસિ ।
ત્વં પ્રત્યક્ષં બ્રહ્માસિ ॥
ત્વં જ્ઞાનમયો વિજ્ઞાનમયોઽસિ

સર્વં જગદિદં ત્વત્તો જાયતે ।
સર્વં જગદિદં ત્વત્તસ્તિષ્ઠતિ ॥
સર્વં જગદિદં ત્વયિ લયમેષ્યતિ ।
સર્વં જગદિદં ત્વયિ પ્રત્યેતિ ॥
ત્વં ભૂમિરાપોઽનલોઽનિલો નભઃ ॥
ત્વં ચત્વારિ વાક્પદાનિ

ત્વં ગુણત્રયાતીતઃ । ત્વમવસ્થાત્રયાતીતઃ ।
ત્વં દેહત્રયાતીતઃ ॥
ત્વં કાલત્રયાતીતઃ ।
ત્વં મૂલાધારઃ સ્થિથોઽસિ નિત્યમ્ ॥
ત્વં શક્તિત્રયાત્મકઃ ।
ત્વાં યોગિનો ધ્યાયન્તિ નિત્યમ્ ॥
ત્વં બ્રહ્મા ત્વં વિષ્ણુસ્ત્વં રુદ્રસ્ત્વમિન્દ્રસ્ત્વમગ્નિસ્ત્વં વાયુસ્ત્વં સૂર્યસ્ત્વં ચન્દ્રમાસ્ત્વં બ્રહ્મભૂર્ભુવઃસ્વરોમ્

॥ ગણેશ મન્ત્ર ॥
ગણાદિં પૂર્વમુચ્ચાર્ય વર્ણાદીંસ્તદનન્તરમ્ ।
અનુસ્વારઃ પરતરઃ ॥
અર્ધેન્દુલસિતમ્ ।
તારેણ ઋદ્ધમ્ ॥
એતત્તવ મનુસ્વરૂપમ્ ।
ગકારઃ પૂર્વરૂપમ્ ॥
અકારો મધ્યમરૂપમ્ ।
અનુસ્વારશ્ચાન્ત્યરૂપમ્ ॥
બિન્દુરુત્તરરૂપમ્ ।
નાદઃ સન્ધાનમ્ ॥
સંહિતાસન્ધિઃ ।
સૈષા ગણેશવિદ્યા ॥
ગણક ઋષિઃ ।
નિચૃદ્ગાયત્રીચ્છન્દઃ ॥
ગણપતિર્દેવતા ॥
ૐ ગં ગણપતયે નમઃ

॥ ગણેશ ગાયાત્રી ॥
એકદન્તાય વિદ્મહે વક્રતુણ્ડાય ધીમહિ ।
તન્નો દન્તિઃ પ્રચોદયાત્

॥ ગણેશ રૂપ ॥
એકદન્તં ચતુર્હસ્તં પાશમઙ્કુશધારિણમ્ ।
રદં ચ વરદં હસ્તૈર્બિભ્રાણં મૂષકધ્વજમ્ ॥
રક્તં લમ્બોદરં શૂર્પકર્ણકં રક્તવાસસમ્ ।
રક્તગન્ધાનુલિપ્તાઙ્ગં રક્તપુષ્પૈઃ સુપૂજિતમ્ ॥
ભક્તાનુકમ્પિનં દેવં જગત્કારણમચ્યુતમ્ ।
આવિર્ભૂતં ચ સૃષ્ટ્યાદૌ પ્રકૃતેઃ પુરુષાત્પરમ્ ॥
એવં ધ્યાયતિ યો નિત્યં સ યોગી યોગિનાં વરઃ

॥ અષ્ટ નામ ગણપતિ ॥
નમો વ્રાતપતયે નમો ગણપતયે નમઃ પ્રમથપતયે
નમસ્તેઽસ્તુ લમ્બોદરાયૈકદન્તાય વિઘ્નનાશિને શિવસુતાય
શ્રીવરદમૂર્તયે નમો નમઃ

॥ ફલશ્રુતિ ॥
એતદથર્વશીર્ષં યોઽધીતે ।
સ બ્રહ્મભૂયાય કલ્પતે ॥
સ સર્વતઃ સુખમેધતે ।
સ સર્વ વિઘ્નૈર્નબાધ્યતે ॥
સ પઞ્ચમહાપાપાત્પ્રમુચ્યતે ।
સાયમધીયાનો દિવસકૃતં પાપં નાશયતિ ॥
પ્રાતરધીયાનો રાત્રિકૃતં પાપં નાશયતિ ।
સાયમ્પ્રાતઃ પ્રયુઞ્જાનો અપાપો ભવતિ ॥
સર્વત્રાધીયાનોઽપવિઘ્નો ભવતિ ।
ધર્માર્થકામમોક્ષં ચ વિન્દતિ ॥
ઇદમથર્વશીર્ષમશિષ્યાય ન દેયમ્ ।
યો યદિ મોહાદ્દાસ્યતિ સ પાપીયાન્ ભવતિ ॥
સહસ્રાવર્તનાદ્યં યં કામમધીતે તં તમનેન સાધયેત્

અનેન ગણપતિમભિષિઞ્ચતિ સ વાગ્મી ભવતિ ॥
ચતુર્થ્યામનશ્નન્ જપતિ સ વિદ્યાવાન્ ભવતિ ।
સ યશોવાન્ ભવતિ ।
ઇત્યથર્વણવાક્યમ્ ॥
બ્રહ્માદ્યાચરણં વિદ્યાત્ ન બિભેતિ કદાચનેતિ

યો દૂર્વાઙ્કુરૈર્યજતિ સ વૈશ્રવણોપમો ભવતિ ।
યો લાજૈર્યજતિ સ યશોવાન્ ભવતિ ॥
સ મેધાવાન્ ભવતિ ।
યો મોદકસહસ્રેણ યજતિ ॥
સ વાઞ્છિતફલમવાપ્નોતિ ।
યઃ સાજ્યસમિદ્ભિર્યજતિ ॥
સ સર્વં લભતે સ સર્વં લભતે

અષ્ટૌ બ્રાહ્મણાન્ સમ્યગ્ગ્રાહયિત્વા સૂર્યવર્ચસ્વી ભવતિ ।
સૂર્યગ્રહે મહાનદ્યાં પ્રતિમાસન્નિધૌ વા જપ્ત્વા સિદ્ધમન્ત્રો ભવતિ ॥
મહાવિઘ્નાત્પ્રમુચ્યતે ।
મહાદોષાત્પ્રમુચ્યતે ॥
મહાપાપાત્ પ્રમુચ્યતે ।
સ સર્વવિદ્ભવતિ સ સર્વવિદ્ભવતિ ॥
ય એવં વેદ ઇત્યુપનિષત્

॥ શાન્તિ મન્ત્ર ॥
ૐ સહનાવવતુ ।
સહનૌભુનક્તુ ॥
સહ વીર્યં કરવાવહૈ ।
તેજસ્વિનાવધીતમસ્તુ મા વિદ્વિષાવહૈ ॥
ૐ ભદ્રં કર્ણેભિઃ શૃણુયામ દેવાઃ ।
ભદ્રં પશ્યેમાક્ષભિર્યજત્રાઃ ॥
સ્થિરૈરઙ્ગૈસ્તુષ્ટુવાંસસ્તનૂભિઃ ।
વ્યશેમ દેવહિતં યદાયુઃ ॥
ૐ સ્વસ્તિ ન ઇન્દ્રો વૃદ્ધશ્રવાઃ ।
સ્વસ્તિ નઃ પૂષા વિશ્વવેદાઃ ॥
સ્વસ્તિનસ્તાર્ક્ષ્યો અરિષ્ટનેમિઃ ।
સ્વસ્તિ નો બૃહસ્પતિર્દધાતુ ॥
ૐ શાન્તિઃ શાન્તિઃ શાન્તિઃ ॥
॥ ઇતિ શ્રીગણપત્યથર્વશીર્ષં સમાપ્તમ્ ॥