ચતુર્ધર્મનિર્દેશસૂત્ર · ભાગ 11

આર્યચતુર્ધર્મનિર્દેશસૂત્રમ્
(પાપશોધનોપાયભૂતં ચતુઃપ્રતિપક્ષબલનિર્દેશસૂત્રમ્)
(ખ)
સંસ્કૃતે પુનરુદ્ધારિતમ્ ભારતીયભાષાયામ્ - આર્યચતુર્ધર્મનિર્દેશં નામ મહાયાનસુત્રમ્ ।
નમઃ સર્વબુદ્ધબોધિસત્ત્વેભ્યઃ એવં મયા શ્રુતમ્ - એકસ્મિન્ સમયે ભગવાન્ બુદ્ધઃ ત્રાયસ્ત્રિંશદેવેષુ સુધર્માદેવસભાયાં સાર્દ્ધં પઞ્ચાનાં ભિક્ષુશતાનાં મહાસંઘેન, સંબહુલૈઃ મૈત્રેયમઞ્જુશ્ર્યાદિબોધિસત્ત્વૈર્મહાસત્ત્વૈર્વિહરતિસ્મ । તસ્મિન્ સમયે ભગવાન્ બુદ્ધઃ બોધિસત્ત્વં મહાસત્ત્વં મૈત્રેયમુદ્દિશ્યોપદિષ્ટવાન્ -
ચતુર્ભિર્મૈત્રેય! ધર્મૈઃ સમન્વાગતો બોધિસત્ત્વો મહાસત્ત્વઃ કૃતોપચિતં પાપમભિભવતિ । કતમૈશ્ચતુર્ભિઃ? યદુત વિદૂષણાસમુદાચારેણ, પ્રતિપક્ષસમુદાચારેણ, પ્રત્યાપત્તિબલેન, આશ્રયબલેન ચ । તત્ર વિદૂષણાસમુદાચારો ઽકુશલં કર્માધ્યાચરતિ, તત્રૈવ તત્રૈવ ચ વિપ્રતિસારબહુલો ભવતિ । તત્ર પ્રતિપક્ષસમુદાચારઃ કૃત્વા ઽપ્યકુશલં કર્મ કુશલે કર્મણ્યત્યર્થાભિયોગં ગતઃ । પ્રત્યાપત્તિબલં સંવરસમાદાનાદકરણસંવરલાભઃ । તત્રાશ્રયબલં બુદ્ધઃધર્મસંઘશરણગમનમનુત્સૃષ્ટબોધિચિત્તતા ચ । સુબલવત્સંનિશ્રયેણ ન શક્યતે પાપેનાભિભવિતુમ્ । એભિર્મૈત્રેય !ચતુર્ભિધર્મૈઃ સમન્વાગતો બોધિસત્ત્વો મહાસત્ત્વઃ કૃપોપચિત્તં પાપમભિભવતીતિ ॥
બોધિસત્ત્વૈર્મહાસત્ત્વૈઃ સૂત્રમિદં સદા પઠનીયં (વાચયિતવ્યં) સ્વાધ્યાયિતવ્યં ચિન્તયિતવ્યં સુબહુલં ભાવયિતવ્યં ચ । અનેન દુશ્ચરિતાનિ ફલં નાભિનિર્વર્તિષ્યન્તે । એવં ભગવાન્ ઉપદિષ્ટવાન્ । બોધિસત્ત્વેન મહાસત્ત્વેન મૈત્રેયેણ તૈશ્ચ ભિક્ષુભિઃ બોધિસત્ત્વૈઃ શતક્રત્વાદિદેવપુત્રૈઃ સર્વસમ્પન્નપરિમણ્ડલેન ચ આપ્તમનસા ભગવતઃ પ્રવચનમભિનન્દિતમ્ ।
॥ ઇતિ આર્યચતુર્ધર્મનિર્દેશં નામ મહાયાનસૂત્રં સમાપ્તમ્ ॥
ભારતીયોપાધ્યાયસુરેન્દ્રબોધિના મહાલોચાવા - વન્દેજ્ઞાનસેનેન ચાનૂદિતં વ્યવસ્થાપિતં ચ ।
॥ ભવતુ સર્વમઙ્ગલમ્ ॥