ચતુઃશ્લોકી · ભાગ 11

કાન્તસ્ તે પુરુષોત્તમઃ ફણિપતિઃ શય્યાસનં વાહનં વેદાત્મા વિહગેશ્વરો યવનિકા માયા જગન્મોહિની ।
બ્રહ્માદિસુરવ્રજઃ સદયિતસ્ ત્વદ્દાસદાસીગણઃ શ્રીર્ ઇત્ય્ એવ ચ નામ તે ભગવતિ ! બ્રૂમઃ કથં ત્વાં વયમ્ ॥
યસ્યાસ્ તે મહિમાનમ્ આત્મન ઇવ ત્વદ્વલ્લભો ઽપિ પ્રભુર્ નાલં માતુમ્ ઇયત્તયા નિરવધિં નિત્યાનુકૂલં સ્વતઃ ।
તામ્ ત્વાં દાસ ઇતિ, પ્રપન્ન ઇતિ ચ સ્તોષ્યામ્ય્ અહં નિર્ભયો લોકૈકેશ્વરિ લોકનાથદયિતે દાન્તે દયાં તે વિદન્ ॥
શ્રેયો ત્વત્કરુણાનિરીક્ષણસુધાસન્ધુક્ષણાદ્ રક્ષ્યતે નષ્ટં પ્રાક્ તદલાભસ્ ત્રિભુવનં સંપ્રત્ય્ અનન્તોદયમ્ ।
શ્રેયો ન હ્ય્ અરવિન્દલોચનમનઃકાન્તાપ્રસાદાદ્ ઋતે સંસૃત્યક્ષરવૈષ્ણવાધ્વસુ નૃણાં સંભાવ્યતે કર્હિચિત્ ॥
શાન્તાનન્તમહાવિભૂતિ પરં યદ્ બ્રહ્મ રૂપં હરેર્ મૂર્તં બ્રહ્મ તતો ઽપિ તત્ પ્રિયતરં રૂપં યદ્ અત્યદ્ભુતમ્ ।
યાન્ય્ અન્યાનિ યથાસુખં વિહરતો રૂપાણિ સર્વાણિ તાન્ય્ આહુઃ સ્વૈર્ અનુરૂપરૂપવિભવૈર્ ગાઢોપગૂઢાનિ તે ॥