બુદ્ધબલાધાનપ્રાતિહાર્યવિકુર્વાણનિર્દેશસૂત્ર · ભાગ 11

આર્યબુદ્ધબલાધાનપ્રાતિહાર્યવિકુર્વાણનિર્દેશનામ મહાયાનસૂત્રમ્
એવં મયા શ્રુતમ્ । એકસ્મિન્ સમયે ભગવાન્ મહાનદીનૈરઞ્જનાતીરે સન્નિષણ્ણઃ સાર્ધમાર્યાવલોકિતેશ્વર વજ્રપાણિ મૈત્રેયમઞ્જુશ્રીપૂર્વઙ્ગમૈઃ સપ્તબોધિસત્ત્વસહસ્રૈઃ સાર્ધં સુભૂતિ શારિપુત્રમૌદ્ગલ્યાયનપુર્વઙ્ગમૈઃ સર્વેર્મહાશ્રાવકૈઃ શક્રબ્રહ્મલોકપાલરાજામાત્યબ્રાહ્મણગૃહપતિભિઃ સર્વૈઃ સત્કૃતઃ માનિતઃ પૂજિતઃ । ભગવાન્ ભક્તકૃત્યં કૃત્વા મણ્ડલમાલાયાં સન્નિષણ્ણો ધર્મપ્રતિસંયુક્તયા કથયા એતાન્ સન્તોષયતિ સઞ્ચોદયતિ સમુત્તેજયતિ સંહર્ષયતિ । મણ્ડલમાલાયાસ્તથાગતો મહર્દ્ધિનગરીં વારાણસીં ગત્વા તસ્યામામ્રપાલીવને નિષીદતિ સ્મ । અથ તસ્મિન્ સમયે મહાપૃથિવી સઙ્કમ્પિતા સમ્પ્રવેધિતા । સ્થિતં તત્ર મહાસિંહાસનમેકં નાનારત્નમયં સપ્તકર્મકૃતં યોજનમાત્રમુચ્ચમર્ધયોજનમાત્રવિસ્તૃતં સુખચિતમતિહર્ષણીયં મનોજ્ઞં દિવ્યભક્તસંસ્તૃતં નાનાદિવ્યપુષ્પફલપ્રલમ્બિતં દિવ્યગન્ધવર્ણયુક્તમ્ । તથાગતાનામવરોપિતકુશલમૂલમવલોક્ય સર્વસત્ત્વાનામનુત્પત્તિધર્મક્ષાન્તિપ્રતિલમ્ભો ઽભૂત્ ।
અથ ભગવાન્ સિંહાસનસ્થિતો બુદ્ધાવતંસકનામ સમાધિં પ્રતિલેમે । અથ સમાધેર્વ્યુત્થાય બોધિસત્ત્વાર્યાવલોકિતેશ્વરં વજ્રપાણિં ચેદમવોચત્ । અવલોકિતેશ્વર ત્વં મહાલોકધાતું ગત્વા ચ દશસુ દિક્ષુ લોકધાતૌ વિનેયસત્ત્વાનાં કષાયયુક્તાનામ્ અશ્રાદ્ધાનાં પાપચરિતાનાં ક્લેશાવૃતાનામ્ અમાતૃજ્ઞાનામપિતૃજ્ઞાનામ્ અશ્રામણ્યાનામ્ અબ્રાહ્મણ્યાનાં ત્રિરત્નાનભિશ્રાદ્ધાનાં તેષાં સર્વેષાં ત્વં ચ વજ્રપાણિશ્ચ દ્વૌ મહર્દ્ધિં સમાધિબલં પ્રતિપદ્ય અસ્યાં મણ્ડલમાલાયામભિસઙ્ક્ષિપ્ય સઙ્ગ્રહં કુરુતમ્ ।
અથાર્યાવલોકિતેશ્વરો વજ્રપાણિશ્ચ તથાગતસ્ય વચનં શ્રુત્વા સર્વસત્ત્વાનવલોક્ય સમુત્તેજનં નામ સમાધિં સમાપેદે । તેન સમાધિબલેન મહાપૃથિવી ષડ્વિકારં કમ્પિતા પ્રકમ્પિતા સમ્પ્રકમ્પિતા । ત્રિસાહસ્રમહાસાહસ્રલોકધાતૌ બ્રહ્મલોકધાતૌ યાવદ્ રૂપલોકધાતૌ તયોઃ કાયાવભાસપ્રાદુર્ભાવો ઽભૂત્ । અથ તદવભાસત ઇમાઃ સઞ્ચોદના ગાથા નિશ્ચરન્તિ સ્મ ।
અથ તદા કાયાવભાસનિશ્ચરિતગાથાવસાને એકૈકં પારમ્પર્યેણ ત્રિસાહસ્રમહાસાહસ્રે લોકધાતૌ સર્વે સત્ત્વા વિજ્ઞાપિતાઃ સમુત્તેજિવાઃ । તે સર્વે સત્ત્વા મિથ્યાદૃષ્ટિં પરિત્યજ્ય સમ્યગદૃષ્ટિયુક્તા અભૂવન્ । યે માનમદસ્તમ્ભયુક્તાસ્તે માનમદસ્તમ્ભવિયુક્તા અભૂવન્ । યે કામરાગાનુચરિતાઃ પ્રમત્તાસ્તે પ્રાણાતિપાતાદત્તાદાનકામેષુ મિથ્યાચારાદ્યષ્ટાકુશલધર્મેભ્યો નિવૃત્તાઃ આર્યાષ્ટાઙ્ગિકમાર્ગે સ્થાપિતાઃ । સર્વે તે ઔદ્ધત્યહાસ્યલાસ્યક્રીડાલોભક્રોધેર્ષ્યારાગાદિ સર્વં પરિત્યજ્ય તથાગતદર્શનસેવનપર્યુપાસનધર્મશ્રવણકામા અભૂવન્ । દેવનાગયક્ષગન્ધર્વાસુરકિન્નરગરુડમહોરગરાજામાત્યભિક્ષુભિક્ષુણ્યુપાસકોપાસિકાભિઃ સર્વે દિવ્યપુષ્પમાલ્યગન્ધચૂર્ણચીવરચ્છત્રધ્વજપતાકાદિભિઃ તથાગતઃ પૂજિતઃ । અથ સર્વે તે યેન મહાનગર્યયાં વારાણસ્યામ્ આમ્રપાલીવનં તેનોપસઙ્ક્રમ્ય તથાગતાનામવરોપિતકુશલમૂલપુણ્યતેજસા તથાગતસ્યોપરિ પુષ્પવર્ગમભિપ્રાવર્ષન્ ।
અથ તદા ભગવાન્ જમ્બુદ્વીપે આમ્રપાલીવનં સમન્તતઃ નિયુતશતસહસ્રયોજનવિસ્તીર્ણમધ્યતિષ્ઠત્ ( બુબલ્ 177.18 ) સમં પાણિતલમિવ ચ દિવ્યં મનોરમં વર્ણોપેતમ્ । દિવ્યપુષ્પવૃક્ષગન્ધવૃક્ષફલવૃક્ષમહારત્નવૃક્ષકલ્પવૃક્ષવસ્ત્રવૃક્ષાદિભિરલઙ્કતં દિવ્યસંહાસનોપેતં રત્નપટ્ટાદામાભિપ્રભં પીતં દિવ્યકિઙ્કિણીદામશબ્દોપશોભિતં તદ્ યથા સુખાવતીલોકધાતુઃ । તથા મનોજ્ઞં પ્રહ્લાદનીયં પ્રેમણીયમ્ અભિનન્દનીયં ( બુબલ્ 178 ) સર્વબોધિસત્ત્વશ્રાવકપ્રત્યેકબુદ્ધદેવનાગયક્ષગન્ધર્વાસુરગરુડકિન્નરમહોરગો પાસકોપાસિકારાજામાત્યબ્રાહ્મણગૃહપત્યાકીર્ણમધ્યતિષ્ઠત્ ।
અથાર્યાવલોકિતેશ્વરો બોધિસત્ત્વો વજ્રપાણિશ્ચ સમાધેર્વ્યુત્થાય યેન ભગવાંસ્તેનોપસઙ્ક્રાન્તઃ । ઉપસઙ્ક્રમ્ય ત્રિઃ પ્રદક્ષિણીકૃત્ય ભગવન્તમેતદવોચત્ । અસ્તિ ભગવન્ તથાગતાનામુપાયકૌશલ્યં સત્ત્વપરિપાકાય । બહવો ભગવન્ બોધિસત્ત્વા મહાશ્રાવકા દેવનાગયક્ષગન્ધર્વાસુરગરુડકિન્નરમહોરગરાજામાત્યગૃહપતયો ભિક્ષુભિક્ષુણ્યુપાસકોપાસિકાઃ સન્નિપતિતાસ્તથાગતતેજસા ઋદ્ધ્યનુભાવેન । સાધુ સાધુ કુલપુત્રાઃ । એવમેવ બહવો ભો જિનપુત્રાસ્તથાગતાનામુપાયકૌશલ્યં સત્ત્વપરિપાકાય યથાશયાનાં યથા વૈનયિકકુશલમૂલાધિગતાનાં નાનાધિમુક્તાનાં સત્ત્વાનાં ચરિં જ્ઞાત્વા ધર્મં દેશયન્તિ । કેચિત્ સત્ત્વા બોધિસત્ત્વવૈનેયાઃ કેચિચ્છ્રાવકવૈનેયાઃ કેચિત્ પ્રત્યેકબુદ્ધવૈનેયાઃ કેચિદ્ દેવવૈનેયાઃ કેચિત્ શક્રવૈનેયાઃ કેચિદ્ બ્રહ્મવૈનેયાઃ કેચિન્નાગવૈનેયાઃ કેચિન્મહર્ધિકવૈનેયાઃ કેચિદ્રાજવૈનેયાઃ કેચિત્ સમાધિવૈનેયાઃ કેચિદ્ ધર્મશ્રવણવૈનેયાઃ કેચિત્ પ્રાતિહાર્યવૈનેયાઃ કેચિત્તથાગતપરિનિર્વાણવૈનેયાઃ કેચિદ્ધાતુવૈનેયાઃ કેચિત્ ચૈત્યકરણપ્રવેશવિહારચઙ્ક્રમોદ્યાનકારાપણકુશલમૂલવૈનેયોત્સુકાઃ કેચિત્ પ્રસ્તરપ્રતિબિમ્બકારાપણાલેખ્યસુવર્ણરજતરૈત્યપ્રતિબિમ્બકારાપણકુશલમૂલોતસુકવૈનેયાઃ કેચિદ્ ભિક્ષુસઙ્ઘપૂજનસત્કરણકુશલમૂલોત્સુકવૈનેયાઃ કેચિત્ ( બુબલ્ 179 ) સૂત્રપૃચ્છનલિખનપઠનપૂજનોત્ સુકવૈનેયાઃ કેચિદ્દીપપુષ્પધૂપગન્ધમાલ્યાહારાભ્યલઙ્કરણોત્સુકા ભવન્તિ । ન પરમાર્થકુશલમૂલધર્મોપેતા ન નિર્વાણધર્મોપેતાઃ । ધર્માણામપિ ચ ભો જિનપુત્રા નાસ્તિ તથાગતાનાં કિઞ્ચિદજ્ઞાતં વા અદૃષ્ટં વા અશ્રુતં વા અવિદિતં વા । આગતં વા જાનાતિ । અનાગતં વા જાનાતિ । અલ્પં વા જાનાતિ । બહું વા જાનાતિ । અતીતં જાનાતિ । પ્રત્યુત્પન્નં જાનાતિ । સર્વસત્ત્વાનામીર્યાપથં જાનાતિ । ચરિં જાનાતિ । ધાતું જાનાતિ । ઉત્પાદં જાનાતિ । ઉપપત્તિં જાનાતિ । તદ્યથા ભો જિનપુત્રા વૈદ્યઃ સુશિક્ષિતઃ સર્વાષ્ટાઙ્ગાયુર્વેદમુપગતઃ સર્વધાતુકૌશલ્યસર્વદ્રવ્યોપકરણપ્રયોગાભિયુક્તઃ સત્ત્વાનાં નાનાવ્યાધિશરીરપરિપીડિતાનાં ધાતું જાનાતિ । બલં જાનાતિ । વેલં જાનાતિ । ઔષધં જાનાતિ । વાતિકં પૈત્તિકં શ્લૈષ્મિકં સાન્નિપાતિકં

રુધિરમ્ આમજં ગુલ્મિકં જલોદરં હૃદરોગં કુષ્ઠં કણ્ડૂં દદ્રું પિટકાદીન્ વિષવૈસર્પાદીન્ જાનાતિ । સ સર્વં જ્ઞાત્વા નાનાવિધાનિ દ્રવ્યૌષધાનિ પ્રયોજ્ય વમનવિરેચનચૂર્ણયોગનસ્તુકર્મસીરાબન્ધનધૃતતૈલબાલચૂર્ણયોગેન પાચનવનમપ્રયોગોપાયૈઃ સર્વસત્ત્વાનાં તાન્ સવવ્યાધીનુપશમયતિ । નાનાવ્યાધિતઃ પરિમોક્ષ્યન્તે નાનાવ્યાધિભયેભ્યશ્ચ । એવમેવ ભો જિનપુત્રાસ્તથાગતો નાનાસમાધિઋદ્ધિપાદબલવૈશારદ્યદિવ્યચક્ષુઃશ્રોત્રાદિભિરષ્ટાઙ્ગાયુર્વેદસમન્વાગતઃ નાનાધાત્વાશયપ્રયોગકુશલઃ રાગદ્વેષમોહવ્યાધિક્લેશોપક્લેશવ્યાધિપીડીતાનાં ( બુબલ્ 180 ) સત્ત્વાનાં માનમદમત્તતા વૃતાનાં કામશોકભયક્રોધાવૃતાનાં નરકતિર્યગ્યોનિયમલોકભૂમિપરિમોક્ષણાર્થં નાનોપાયકૌશલ્યૈર્નાનાપ્રકારયોગૈઃ નાનાસમાધિઋદ્ધિવિક્રીડિતૈઃ સત્ત્વાન્ પરિમોચયતિ । યાવદનુત્તરાયાં સમ્યકમ્બોધૌ પ્રતિષ્ઠાપ્યાનુપધિશેષે નિર્વાણધાતૌ પરિનિર્વાપયતિ । અકુશલૈર્ધમૈઃ પરિમોક્ષ્યતે । આર્યાષ્ટાઙ્ગે માર્ગે પ્રતિષ્ઠાપયતિ । તદ્યથાપિ કુલપુત્રાઃ ચન્દ્રમણ્ડલમુપાયાકૌશલ્ય સમન્વાગતં યથાધાતુકુશલમૂલવૈનેયાન્ સત્ત્વાનામર્થાય આત્માનમન્તર્હિતં દર્શયતિ । અર્ધચન્દ્રાકૃતિમણ્ડલમુપદર્શયતિ । કૃષ્ણપક્ષશુક્લપક્ષાણ્યુપદર્શયતિ ।
પરિપૂર્ણચન્દ્રમણ્ડલમુપદર્શયતિ । સર્વતમો ઽન્ધકારં વિધમયતિ । સર્વતૃણવનગુલ્મૌષધિફલાદીન્ પ્રહ્લાદયતિ । એવમેવ ભો જિનપુત્રાઃ તથાગતાનાં નાનાદુઃખાવૃતાનાં સત્ત્વાનાં નાનાધાતુવૈનેયાનાં સત્ત્વાનાં માર્ગચર્યાકૌશલ્યં પરિનિર્વાણં દર્શયતિ । જાતિં દર્શયતિ । ચક્રવર્તિરાજ્યં દર્શયતિ । ક્રીડારતિસ્ત્રીહાસ્યલાસ્યગન્ધમાલ્યરતિક્રીડાં દર્શયતિ । ગૃહત્યાગપ્રવ્રજ્યાદુષ્કરચર્યાં દર્શયતિ । મારબલદમનધર્મ ચક્રપ્રવર્તનં દર્શયતિ । યાવન્મહાધર્મમેઘવૃષ્ટયા સર્વસત્ત્વાનાં સન્તોષણમુપદર્શયતિ । પરિનિર્વૃતા અપિ તથાગતા નાનાપ્રયોગધાતુપૂજનસ્તૂપવિહારપ્રતિબિમ્બકારાપણપ્રવ્રજ્યાભિનિષ્ક્રમણભિક્ષુસઙ્ઘસત્કારવિનયધર્મલિખનવાચનપઠનાદેવ સર્વસત્ત્વાન્ મોક્ષયન્તિ । શિક્ષાધારણવ્રતનિયમોપવાસસંવરગ્રહણોપાયકુશલૈઃ સર્વસત્ત્વાન્ મોક્ષયન્તિ । ( બુબલ્ 181 ) સર્વનરકતિર્યગ્યોનિયમલોકાક્ષણાપાયદુર્ગતિભ્યો યાવત્ પ્રહ્લાદયન્તિ । ધર્મશ્રવણેન અનુત્તરાયાં સમ્યક્સમ્બોધૌ સ્થાપયન્તિ ।
અથ તસ્મિન્ સમયે કેષાઞ્ચિદલ્પબુદ્ધીનાં દેવપુત્રાણામ્ એતદભવત્ ।
કિમયં તથાગતઃ ક્ષિપ્રમેવ પરિનિર્વાણધાતૌ પ્રવેષ્ટુમિચ્છતીતિ તે ચિન્તયિત્વા દુર્મનસઃ અભૂવન્ । ...દ્યમિત્યર્થં પરિનિર્વાણં વર્ણયતિ સૂચયતિ । મહાપર્ષત્ સન્નિપાત્ય નાનાઋદ્ધિવિકુર્વાણપ્રાતિહાર્યં દર્શયતિ । તદ્યથા પૂર્વકૈઃ
તથાગતૈરર્હદ્ભિઃ સમ્યક્સમ્બુદ્ધૈસ્તથાગતકૃત્યં કૃતં દીર્ઘતરમાયુરધિષ્ઠાય સર્વસત્ત્વાન્ જાતિજરાવ્યાધિચ્યુતિશોકપરિદેવદુઃખદૌર્મનસ્યોપાયાસેભ્યઃ પરિમોક્ષ્ય તથાયમનેન તથાગતેન સર્વે તથાગતકૃત્યં નાદ્યાપિ કૃતમ્ । તસ્માત્ શોકવ્યતિક્રમણં સંવર્ણયતીતિ ચિન્તયિત્વા તે તૂષ્ણીમભૂવન્ ।
અથ મઞ્જુશ્રીઃ કુમારભૂતસ્તેષાં દેવપુત્રાણાં ચેતસૈવ ચિત્તમાજ્ઞાય તાન્ દેવપુત્રાનેતદવોચત્ । દેવપુત્રા મા એવં ચિન્તયત મા પ્રવ્યાહરત । મા દિનમનસો ભવત । બહૂનિતથાગતાનામુપાયકુશલનાનોપાયપ્રજ્ઞાસમાધ્યાદિકુશલમૂલબલપ્રણિધાનાનિ નાનાશયાનાં સત્ત્વાનાં ધર્મં દેશયન્તિ । યથા મયા દેવપુત્રાઃ તથાગતાનાં પૂર્વકાણાં તથાગતોપાયકૌશલ્યમ્ ઋદ્ધિવિકુર્વાણપ્રાતિહાર્યં દૃષ્ટં તથાહં જાનામિ । મા હિ એવ તથાગતો બુદ્ધબલાધાનપ્રાતિહાર્યં નામ મહાસૂત્રરાજં પ્રકાશયિતુકામો ઽતિરેક કર્તુકામઃ । અપિ ચ દેવપુત્રા ન તથાગતાઃ પરિનિર્વાન્તિ । ન તથાગતાનાં પરિનિર્વાણં સંવિદ્યતે । ન આયુઃક્ષયો ભવતિ । ( બુબલ્ 182 ) અપ્રમેયકલ્પકોટીમ્ અનભિલાપ્યાકલ્પાસ્તથાગતાઃ તિષ્ઠન્તિ ।
અપિ ચ ઉપાયકૌશલ્યેન સત્ત્વાનાં પરિનિર્વાણં દર્શયન્તિ । ન ચાક્રાન્તિર્ન સઙ્ક્રાન્તિઃ તથાગતાનાં સંવિદ્યતે । સદ્ધર્માન્તર્ધાનં દર્શયન્તિ । યથા યથા સત્ત્વાન્ પશ્યતિ પરિનિર્વાણવૈનેયઃ ધાતુવૈનેયઃ કષાયિકજાતીયઃ તથાગતે અશ્રદ્દધાનતામ્ અગુરુશુશ્રૂષિતાં ગચ્છતિ તથા તથાગતઃ પરિનિર્વાણં દર્શયતિ ન ચાક્રાન્તિર્ન સઙ્ક્રાન્તિસ્તથાગતાનાં સંવિદ્યતે । સર્વસત્ત્વાઃ પરિપક્વકુશલમૂલા ભવન્તિ । તથાગતે દર્શનાભિકાઙ્ક્ષિણઃ પૂજાર્હાઃ ધર્મશ્રવણાથિકાઃ । ચન્દ્રમણ્ડલં યથા રોચતે તથા તદા તથાગતા લોક ઉત્પદ્યન્તે બહુજનહિતાય બહુજનસુખાય ।
યાવદ્દેવાનાં ચ મુનુષ્યાણાં ચ ત્રિરત્નોદ્દયોતનાય સ્ફુટનાય ન ચ તથાગતાનાં જાતિઃ સંવિદ્યતે । તદ્ યથાપિ નામ કુલપુત્રાઃ આદર્શમણ્ડલે સુમૃષ્ટે નાના રૂપાણિ દૃશ્યન્તે દૃશ્યં ન સંવિદ્યતે ન તત્રાગમો દૃશ્યતે ન નિર્ગમઃ પ્રતિબિમ્બસ્ય એવમેવ દેવપુત્રાઃ તથાગતકાયો દ્રષ્ટવ્યઃ । તદ્ યથાપિ નામ કુલપુત્રા માયકારઃસુશિક્ષિતઃ નાનાનગરતોરણોદ્યાનાં નાનારથાં ચક્રવર્તિરૂપાં નાનારતિક્રીડાં દર્શયિત્વા અન્તર્ધાપયતિ ન ચ તસ્યાઃ ક્રાન્તિર્દૃશ્યતે ન આગમો ન નિર્ગમઃ એવમેવ તથાગતાનામુતપાદપરિનિર્વાણં દ્રષ્ટવ્યમ્ । અપિ ચ દેવપુત્રાઃ પૂર્વપ્રણિધાનેન તથાગતાઃ પરિનિર્વૃતા અપિ કલ્પપરિનિર્વૃતા અપિ કલ્પકોટીપરિનિર્વૃતા અપિ સત્ત્વાનાં પૂજનસત્કરણધાતુસ્તૂપકારાપણપ્રતિબિમ્બકારાપણનામધેયગ્રહણસદ્ધર્મધારણપૂજના ( બુબલ્ 183 ) નાનાલોકધાતુવ્યવસ્થિતા અપિ મોક્ષયન્તિ સર્વનરકતિર્યગ્યોનિયમલોકાક્ષણદુર્ગતિવિનિપાતેભ્યઃ સર્વદુઃખેભ્યઃ યાવદનુપૂર્વેણ અનુત્તરાં સમ્યક્સમ્બોધિમભિસમ્બુધ્યતે । કઃ પુનર્વાદો યે તથાગતાન્ પ્રત્યક્ષપૂજયા પૂજયિષ્યન્તિ ગન્ધપુષ્પમાલ્યવિલેપનવસ્ત્રાભરણૈઃ । યે ચ દેવપુત્રાઃ કેચિત્ સત્ત્વા વર્ષશતસહસ્રકલ્પકોટીપરિનિર્વૃતાન્ પ્રાઞ્જલિભૂતાન્ એકવારાન્ નામધેયં ગ્રહીષ્યન્તિ ઽનમો બુદ્ધાયેતિ ઽ કૃત્વા પુષ્પમાકાશે ક્ષેપસ્યન્તિ તે સર્વે દુઃખસ્યાન્તં કરિષ્યન્તિ । તિષ્ઠત્વાકાશે પુષ્પં યે કેચિત્ સત્ત્વાઃ અનુશિક્ષમાણાસ્તથાગતપૂજાર્થાય એકતથાગતશિક્ષામપિ ધારયિષ્યન્તિ એકદિવસમ્ એકરાત્રિમુહૂર્તં તથાગતપૂજનચિન્તાભિયુક્તાઃ સર્વદુઃખસ્યાન્તં કૃત્વાનુપૂર્વેણાનુત્તરાં સમ્યક્સમ્બોધિમભિસમ્બોધિષ્યન્તિ । યે ચ તથાગતપૂજાયાં દિશ્યસિકનામ....વાપિ હાસ્યલાસ્યબાલરતિક્રીડનકમેવ કારયિષ્યન્તિ સર્વે તે દુઃખસ્યાન્તં કૃત્વાનુત્તરાં સમ્યક્સમ્બોધિમભિસમ્બોધિષ્યન્તિ કઃ પુનર્વાદો યે ધાતુસ્તૂપં ધાતુપ્રતિમાં વા કૃત્વા સર્વસત્ત્વદયાપરજ્ઞાઃ ઽસર્વસત્ત્વાન્ દુઃખેભ્યઃ પરિમોચયિષ્યામીતિ ઽ અનુત્તરાયાં સમ્યક્સમ્બોધૌ ચિત્તમુત્પાદ્ય દિવ્યપુષ્પગન્ધમાલ્યવિલેપનચૂર્ણતૂર્યચ્છત્રધ્વજપતાકાભિઃ પૂજયિષ્યન્તિ દર્શયિષ્યન્તિ તેજાતિજરામરણદુઃખોપાયાસેભ્યઃ પરિમોક્ષ્યન્તે ।