બ્રહ્મસૂત્ર · અધ્યાય 4.4

સંપદ્યાવિર્ભાવઃ સ્વેન શબ્દાત્

મુક્તઃ પ્રતિજ્ઞાનાત્

આત્મા પ્રકરણાત્

અવિભાગેન દૃષ્ટત્વાત્

બ્રાહ્મેણ જૈમિનિર્ ઉપન્યાસાદિભ્યઃ

ચિતિતન્માત્રેણ તદાત્મકત્વાદ્ ઇત્ય્ ઔડુલોમિઃ

એવમ્ અપ્ય્ ઉપન્યાસાત્ પૂર્વભાવાદ્ અવિરોધં બાદરાયણઃ

સંકલ્પાદ્ એવ તચ્છ્રુતેઃ

અત એવ ચાનન્યાધિપતિઃ

અભાવં બાદરિર્ આહ હ્ય્ એવમ્

ભાવં જૈમિનિર્ વિકલ્પામનનાત્

દ્વાદશાહવદ્ ઉભયવિધં બાદરાયણો ઽતઃ

તન્વભાવે સન્ધ્યવદ્ ઉપપત્તેઃ

ભાવે જાગ્રદ્વત્

પ્રદીપવદાવેશસ્ તથા હિ દર્શયતિ

સ્વાપ્યયસંપત્યોર્ અન્યતરાપેક્ષમ્ આવિષ્કૃતં હિ

જગદ્વ્યાપારવર્જં પ્રકરણાદ્ અસંનિહિતત્વાચ્ ચ

પ્રત્યક્ષોપદેશાદ્ ઇતિ ચેન્ નાધિકારિકમણ્ડલસ્થોક્તેઃ

વિકારાવર્તિ ચ તથા હિ સ્થિતિમ્ આહ

દર્શયતશ્ ચૈવં પ્રત્યક્ષાનુમાને

ભોગમાત્રસામ્યલિઙ્ગાચ્ ચ

અનાવૃત્તિઃ શબ્દાદ્ અનાવૃત્તિઃ શબ્દાત્