બ્રહ્મસૂત્ર · અધ્યાય 3.1

તદન્તરપ્રતિપત્તૌ રંહતિ સંપરિષ્વક્તઃ પ્રશ્નનિરૂપણાભ્યામ્

ત્ર્યાત્મકત્વાત્ તુ ભૂયસ્ત્વાત્

પ્રાણગતેશ્ ચ

અગ્ન્યાદિશ્રુતેર્ ઇતિ ચેન્ ન ભાક્તત્વાત્

પ્રથમે ઽશ્રવણાદ્ ઇતિ ચેન્ ન તા એવ હ્ય્ ઉપપત્તેઃ

અશ્રુતત્વાદ્ ઇતિ ચેન્ નેષ્ટાદિકારિણાં પ્રતીતેઃ

ભાક્તં વાનાત્મવિત્ત્વાત્ તથા હિ દર્શયતિ

કૃતાત્યયે ઽનુશયવાન્ દૃષ્ટસ્મૃતિભ્યાં યથેતમનેવં ચ

ચરણાદ્ ઇતિ ચેન્ ન તદુપલક્ષણાર્થેતિ કાર્ષ્ણાજિનિઃ

આનર્થક્યમ્ ઇતિ ચેન્ ન તદપેક્ષત્વાત્

સુકૃતદુષ્કૃતે એવેતિ તુ બાદરિઃ

અનિષ્ટાદિકારિણામ્ અપિ ચ શ્રુતમ્

સંયમને ત્વ્ અનુભૂયેતરેષામારોહાવ્ અરોહૌ તદ્ગતિદર્શનાત્

સ્મરન્તિ ચ

અપિ સપ્ત

તત્રાપિ તદ્વ્યાપારાદવિરોધઃ

વિદ્યાકર્મણોર્ ઇતિ તુ પ્રકૃતત્વાત્

ન તૃતીયે તથોપલબ્ધેઃ

સ્મર્યતે ઽપિ ચ લોકે

દર્શનાચ્ ચ

તૃતીયશબ્દાવરોધઃ સંશોકજસ્ય

તત્સ્વાભાવ્યાપત્તિરુપપત્તેઃ

નાતિચિરેણ વિશેષાત્

અન્યાધિષ્ઠિતે પૂર્વવદભિલાપાત્

અશુદ્ધમ્ ઇતિ ચેન્ ન શબ્દાત્

રેતઃસિગ્યોગો ઽથ

યોનેઃશરીરમ્