બ્રહ્મસૂત્ર · અધ્યાય 1.3

દ્યુભ્વાદ્યાયતનં સ્વશબ્દાત્

મુક્તોપસૃપ્યવ્યપદેશાચ્ ચ

નાનુમાનમ્ અતચ્છબ્દાત્ પ્રાણભૃચ્ ચ

ભેદવ્યપદેશાત્

પ્રકરણાત્

સ્થિત્યદનાભ્યાં ચ

ભૂમા સંપ્રસાદાદ્ અધ્યુપદેશાત્

ધર્મોપપત્તેશ્ ચ

અક્ષરમ્ અમ્બરાન્તધૃતેઃ

સા ચ પ્રશાસનાત્

અન્યભાવવ્યાવૃત્તેશ્ચ

ઈક્ષતિકર્મવ્યપદેશાત્ સઃ

દહર ઉત્તરેભ્યઃ

ગતિશબ્દાભ્યાં તથા હિ દૃષ્ટં લિઙ્ગં ચ

ધૃતેશ્ ચ મહિમ્નો ઽસ્યાસ્મિન્ન્ ઉપલબ્ધેઃ

પ્રસિદ્ધેશ્ ચ

ઇતરપરામર્શાત્ સ ઇતિ ચેન્ નાસંભવાત્

ઉત્તરાચ્ ચેદ્ આવિર્ભૂતસ્વરૂપસ્ તુ

અન્યાર્થશ્ ચ પરામર્શઃ

અલ્પશ્રુતેર્ ઇતિ ચેત્ તદ્ ઉક્તમ્

અનુકૃતેસ્ તસ્ય ચ

અપિ ચ સ્મર્યતે

શબ્દાદ્ એવ પ્રમિતઃ

હૃદ્યપેક્ષયા તુ મનુષ્યાધિકારત્વાત્

તદુપર્ય્ અપિ બાદરાયણઃ સંભવાત્

વિરોધઃ કર્મણીતિ ચેન્ નાનેકપ્રતિપત્તેર્ દર્શનાત્

શબ્દ ઇતિ ચેન્ નાતઃ પ્રભવાત્ પ્રત્યક્ષાનુમાનાભ્યામ્

અત એવ ચ નિત્યત્વમ્

સમાનનામરૂપત્વાચ્ચાવૃત્તાવપ્યવિરોધો દર્શનાત્ સ્મૃતેશ્ ચ

મધ્વાદિષ્વ્ અસંભવાદ્ અનધિકારં જૈમિનિઃ

જ્યોતિષિ ભાવાચ્ ચ

ભાવં તુ બાદરાયણો ઽસ્તિ હિ

શુગસ્ય તદનાદરશ્રવણાત્ તદાદ્રવણાત્ સૂચ્યતે હિ

ક્ષત્રિયત્વગતેશ્ ચ

ઉત્તરત્ર ચૈત્રરથેન લિઙ્ગાત્

સંસ્કારપરામર્શાત્ તદભાવાભિલાપાચ્ ચ

તદભાવનિર્ધારણે ચ પ્રવૃત્તેઃ

શ્રવણાધ્યયનાર્થપ્રતિષેધાત્

સ્મૃતેશ્ ચ

કમ્પનાત્

જ્યોતિર્ દર્શનાત્

આકાશો ઽર્થાન્તરત્વાદિવ્યપદેશાત્

સુષુપ્ત્યુત્ક્રાન્ત્યોર્ ભેદેન

પત્યાદિશબ્દેભ્યઃ