બોધસાર · અધ્યાય 5.5

[પ્. 78-]
મૌનમીમાંસા
મૌનં ચતુર્વિધં પ્રોક્તં વાગ્મૌનં વાગ્વિનિગ્રહઃ ।
જ્ઞાનેન્દ્રિયાણાં સંરોધસ્ત્વક્ષમૌનમુદાહૃતમ્

કર્મેન્દ્રિયાણાં સંરોધઃ કાષ્ઠમૌનં તુ કાષ્ઠવત્ ।
ગૌણં તુ ત્રિવિધં મૌનમુત્તમં તુ મનોલયઃ

ન મૌની મૂકતાં યાતો ન મૌની દુગ્ધબાલકઃ ।
ન મૌની વ્રતનિષ્ઠોપિ મૌની સંલીનમાનસઃ

મુનેર્ભાવસ્તુ મૌનં સ્યાચ્છબ્દશાસ્ત્રવ્યવસ્થયા ।
મુનિભાવો યર્હિ નાસ્તિ તર્હિ મૌનં નિરર્થકમ્