ભ્રમહરનામ હેવજ્રસાધન · ભાગ 14

રત્નાકરશાન્તિ: ભ્રમહરનામ હેવજ્રસાધન
પદભરનમિતોર્વીવેગવિક્ષિપ્તસિન્ધુ
પ્રલયઘનસમાનૈર્ આનનૈર્ મુક્તનાદમ્ ।
ભુજવનપવનાસ્તપ્રસ્થબન્ધં ગિરીણાં
ભવતુ ભયહરં વસ્ તાણ્ડવં હેરુકસ્ય ॥
અષ્ટાનનસ્ય રચયામિ સાધનં પ્રતિમુખં ત્રિનયનસ્ય ।
હેવજ્રસ્ય ચતુશ્ચરણચારિણઃ ષોડશભુજસ્ય ॥
ઇહ ભાવનાધિકૃતો મન્ત્રી પ્રાતર્ ઉત્થાય હૃદયાર્કન્યસ્તનિજબીજઃ કૃતમુખશૌચાદિઃ
ઓં રક્ષ રક્ષ હૂં હૂં હૂં ફટ્ સ્વાહા
ઇતિ સ્થાનાત્મયોગરક્ષાં કૃત્વા ગન્ધપુષ્પાદિસુરભિતાં ધ્યાનભૂમિં પ્રવિશ્ય, સુખાસને પર્યઙ્કમ્ આભુજ્ય, અર્ઘં પરિજપ્ય, હૃન્મન્ત્રકિરણાકૃષ્ટમ્ અભિમુખમ્ આકાશે સપરિવારં ભગવન્તમ્ અવલોક્ય, હૃદ્બીજનિર્ગતાભિર્ ગૌર્યાદિદેવીભિર્ અષ્ટાભિઃ પૂજયેત્. તત્ર ગૌરી શશિનં બિભર્તિ, ચૌરી રવિં, વેત્તાલી જલમ્, ઘસ્મરી પલલમ્, પુક્કસી ચન્દનમ્, શબરી મધુ, ચણ્ડાલી ડમરુકં વાદયતિ, ડોમ્બી કણ્ઠલગ્ના પુરુષાયતે. તતસ્ તસ્યૈવ ભગવતો ઽગ્રતઃ પાપદેશનાદિકમ્ ઇતિ કુર્યાત્ -
સર્વમ્ આત્મનઃ પાપં ભગવતઃ પુરતઃ પ્રતિદેશયામિ, સર્વબુદ્ધબોધિસત્ત્વાર્યપૃથગ્જનાનાં સર્વકુશલમ્ અનુમોદે, સર્વં ચાત્મનઃ કુશલમ્ અનુત્તરાયાં સમ્યક્સંબોધૌ પરિણામયામિ. એષો ઽહમ્ આ બોધેર્ બુદ્ધં ભગવન્તં શરણં ગચ્છામિ દ્વિપદાનામ્ અગ્ર્યમ્. ધર્મં શરણં ગચ્છામિ સમગ્રં મહાયાનમ્. સંઘં શરણં ગચ્છામ્ય્ અવૈવર્તિકબોધિસત્ત્વગણમ્. અહો બતાહમ્ અનુત્તરાં સમ્યક્સંબોધિં અભિસંબુધેય સર્વસત્ત્વાનામ્ અર્થાય હિતાય સુખાય યાવદ્ અત્યન્તનિષ્ઠે નિર્વાણે બુદ્ધબોધૌ પ્રતિષ્ઠાપનાય. એષો ઽહમ્ અનુત્તરં બોધિમાર્ગમ્ આશ્રયામિ યદ્ ઉત વજ્રયાનમ્.
તતઃ સર્વસત્ત્વેષુ દિવ્યસુખોપસંહારાકારાં મૈત્રીમ્, સર્વદુઃખાપનયનાકારાં કરુણામ્, દિવ્યસુખાવિયોગનિયમાકારાં મુદિતામ્, ક્લેશપ્રતિપક્ષમાર્ગોપસંહારાકારામ્ ઉપેક્ષાં ચ ભાવયેત્. તતઃ સર્વધર્માન્ મનસાલમ્બ્ય વિચારયેત્ ઃ ચિત્તમ્ એવૈતત્ તેન તેનાકારેણ ભ્રાન્તં પ્રતિભાસતે યથાસ્વપ્ને.
નાસ્તિ ચિત્તાદ્ બાહ્યં ચિત્તગ્રાહ્યમ્. ગ્રાહ્યાભાવાચ્ ચિત્તમ્ અપિ ગ્રાહકં ન ભવતિ. તસ્માચ્ ચિત્તશરીરાઃ સર્વધર્માઃ, તેષાં ગ્રાહ્યગ્રાહકશૂન્યતા પરમાર્થ ઇતિ. એવમ્ એકાન્તેન નિશ્ચિત્ય ભ્રાન્તિસમારોપિતં ભ્રાન્તિચિહ્નં સર્વધર્માણામ્ આકારં વિહાય તેષાં પ્રકૃતિમ્ એવ કેવલામ્ અદ્વયવિજ્ઞપ્તિલક્ષણાં શુદ્ધસ્ફટિકસંકાશાં શરદમલમધ્યાહ્નગગનોપમામ્ અનન્તાં પશ્યેત્. ઇદમ્ ઉચ્યતે પારમાર્થિકં બોધિચિત્તં લોકોત્તરં શૂન્યતાજ્ઞાનં નિષ્પ્રપઞ્ચં નિર્વિકલ્પમ્. તતસ્ તન્ મન્ત્રેણાધિતિષ્ઠેત્
ઓં શૂન્યતાજ્ઞાનવજ્રસ્વભાવાત્મકો ઽહમ્.
સૈવ ભગવતી પ્રજ્ઞાપારમિતા, સૈવ પરમા રક્ષા.
તતસ્ તન્નિષ્યન્દભૂતામ્ આકારવતીં રક્ષાં શુદ્ધલૌકિકજ્ઞાનસ્વભાવાં ભાવયેત્.
રેફેણ સૂર્યં પુરતો વિભાવ્ય તસ્મિન્ રવૌ હૂંભવવિશ્વવજ્રમ્ ।
તેનૈવ વજ્રેણ વિભાવયેચ્ ચ પ્રાકારકં પઞ્જરબન્ધનં ચ ॥
વિશ્વવજ્રકિરણૈઃ પ્રલયાનલદુઃસહૈઃ સર્વતઃ સ્ફરિત્વા ( ભ્ર્હે 160 ) ઘનીભૂય રચિતં તિર્યક્ ચતુરસ્રંજ્વલદ્વજ્રપ્રાકારમ્, ઉપરિષ્ટાદ્ વજ્રપઞ્જરમ્, અધસ્તાદ્ વજ્રમયીં ભૂમિમ્ આરસાતલવિરચિતાં પશ્યેત્. તતો રવિવિશ્વવજ્રાભ્યાં રશ્મીભૂય દિશિ દિશિ સ્ફરિત્વા ઘનીભૂય બહિર્ દૂરે સીમાબન્ધઃ કરણીય ઇતિ શ્લોકાર્થઃ.
તતસ્ તન્નિષ્યન્દતયૈવ વિશુદ્ધાનિ પઞ્ચ મહાભૂતાનિ ચિન્તયેત્. તત્રાકાશમહાભૂતં ધર્મોદયાખ્યં મહાવજ્રધરસ્વભાવં શરચ્છશધરધવલમ્ અધઃ સૂક્ષ્મમ્ ઉપરિ વિશાલં ત્રિકોણમ્ અન્તર્ ગગનસ્વરૂપં અભ્યન્તરોદ્ગતવિશ્વદૈઅકમલકર્ણિકાવસ્થિતવિપુલવિશ્વવજ્રમ્. તદ્વેદિકાયાં ચત્વારિ મહાભૂતાનિ ચતુર્મણ્ડલાકારાણિ ચતુર્દેવીસ્વભાવાન્ય્ ઉપર્ય્ ઉપરિ પશ્યેત્. આદૌ લંકારેણ માહેન્દ્રમણ્ડલં ચતુરસ્રં પીતં કોણેષુ ત્રિશૂકવજ્રાઙ્કમ્. તતો વંકારેણ વારુણં વર્તુલં સિતં ઘટાઙ્કમ્. તતો રંકારેણાગ્નેયં ત્રિકોણં રક્તં કોણેષુ રેફાઙ્કમ્. તતો યંકારેણ વાયવ્યં ધનુરાકારં કૃષ્ણં કોટિદ્વયે ચલત્પતાકાઙ્કમ્. ભાવકસ્ તુ તદાનીં તદ્ એવ લોકોત્તરજ્ઞાનં ( ભ્ર્હે 161 ) વ્યાપકત્વેન સ્થિતમ્. તતો વિશ્વવજ્રવેદિકામધ્યે ચતુર્મહાભૂતપરિણામજં પરિશુદ્ધબુદ્ધક્ષેત્રસંક્ષેપરૂપં મહામોક્ષપુરં વૈરોચનસ્વભાવં નાનારત્નમયં કૂટાગારમ્ અષ્ટાભિઃ શ્મશાનૈઃ સર્વલોકધાતુનૈરાત્મ્યસૂચકૈઃ પરિવૃતં ધ્યાયાત્.
ચતુરસ્રં ચતુર્દ્વારમ્ અષ્ટસ્તમ્ભોપશોભિતમ્ ।
ચતુર્વેદીપરિક્ષિપ્તં ચતુસ્તોરણમણ્ડિતમ્ ॥
હારાર્ધહારપટ્ટસ્રગ્વિતાનાદર્શચામરૈઃ ।
રુચિરં વજ્રસૂત્રૈશ્ ચ સ્ફરદ્બુદ્ધૌઘં અંશુભિઃ ॥
ચલચ્ચિત્રપતાકાગ્રઘણ્ટામુખરદિઙ્મુખમ્ ।
પરમૈઃ પઞ્ચભિઃ કામૈર્ ઉપહારૈશ્ ચ હર્ષણમ્ ॥
તસ્ય ગર્ભપુટે પદ્મમ્ અષ્ટપત્રં સકેશરમ્ ।
ચતુર્દ્વારચતુષ્કોણકર્ણિકાસ્વ્ આસનાનિ તુ ॥
બ્રહ્મેન્દ્રોપેન્દ્રરુદ્રાશ્ ચ યમો યક્ષાધિપસ્ તથા ।
નૈઋતિર્ વેમચિત્રી ચ મધ્યે મારચતુષ્ટયમ્ ॥
ઉત્તરોત્તરમ્ ઉત્તાનં ભીતં મારચતુષ્ટયમ્ ।
ભાનુનાક્રાન્તહૃદયં શશિનાન્યે તુ કાતરાઃ ॥
તત્ર મધ્યાસનસ્યોપરિ પઞ્ચદશભિઃ સ્વરૈશ્ ચન્દ્રમણ્ડલમ્ આદર્શજ્ઞાનસ્વભાવમ્, તદુપરિ ચતુસ્ત્રિંશદ્વ્યઞ્જનૈઃ સૂર્યમણ્ડલં સમતાજ્ઞાનસ્વભાવમ્, તન્મધ્યે અંકારહૂંકારપરિણતૌ ( ભ્ર્હે 162 ) કર્ત્તિકપાલૌ સંયુક્તૌ સ્વબીજમધ્યગતૌ પ્રત્યવેક્ષણાજ્ઞાનાત્મકૌ ચિન્તયેત્. તતો બીજદ્વયાદ્ યોગિનીચક્રાકારેણ સર્વતથાગતાન્ સંસ્ફાર્ય, તાન્ સંહૃત્ય, તૈઃ સહૈકીકૃતં બીજં કૃત્યાનુષ્ઠાનજ્ઞાનમ્, તતશ્ ચન્દ્રસૂર્યચિહ્નબીજપરિણામજં ભગવન્તં વજ્રસત્ત્વં વક્ષ્યમાણવર્ણાકૃતિચિહ્નાદિના શ્રીહેરુકરૂપેણાવિર્ભૂતં તથૈવ નૈરાત્મ્યાશ્લિષ્ટકન્ધરં સુવિશુદ્ધધર્મધાતુજ્ઞાનાત્મકં પશ્યેત્. ઇતિ પઞ્ચાકારાભિસંબોધિઃ.
તસ્યાનન્દિન આસ્યેન દ્વિહોઃકારવિદર્ભિતમ્ ।
જ્વલદ્ બીજદ્વયં રાગાત્ પદ્માન્તઃ પ્રવિશદ્ દ્રવેત્ ॥
તતો વજ્રી મહારાગાદ્ વિલીય સહ વિદ્યયા ।
શરચ્ચન્દ્રદ્રવનિભાં તિષ્ઠેન્ મણ્ડલતાં ગતઃ ॥
અથોત્થાનાય તં દેવ્યઃ સ્થિત્વા કોણાસનેન્દુષુ ।
ચોદયેયુશ્ ચતસૃભિશ્ ચતસ્રો વજ્રગીતિભિઃ ॥
ઉટ્ઠ ભરાડો કરુણમણુ પુક્કસિ મહું પરિતાહિ ।

મહસુહજોએં કામ મહું ચ્છડ્ડહિ સુણ્ણસમાહિ ॥
તોજ્ઝ વિહુણ્ણે મરમિ હüં ઉટ્ઠહિ તુહું હેવજ્જ ।
ચ્છડ્ડહિ સુણ્ણસહાવડા સવરિહ સિજ્ઝü કજ્જ ।
લોઅ નિમન્તિઅ સુરઅપહુ સુણ્ણે અચ્છસિ કીસ ।
હüં ચણ્ડાલી વિણ્ણમમિ તï વિણુ ઉહમિ ન દીસ ॥
ઇન્દીઆલી ઉટ્ઠ તુહું હüં જાણમિ તુહુ ચિત્ત ।
અંહે ડોમ્બી ચ્છેઅ મણુ મા કરુ કરુણવિચ્છિત્ત ॥
અથ ગીતિકાનુરોધાચ્ ચન્દ્રદ્રવસંહારજાભ્યાં તત્કાલજરવિમણ્ડલસ્થિતાભ્યામ્ અંકારહૂંકારાભ્યાં દેવતાનાં ચિહ્નદેહાદિકમ્ આકાશોપમં માયોપમં ચ નિશ્ચિત્ય, તત્પરિણામયોઃ કર્ત્તિકપાલયોઃ સંયુક્તયોર્ દૃઢસમાધિરૂપયોર્ ગર્ભે તદ્ એવ
( ભ્ર્હે 164 ) બીજદ્વયં યથાભૂતપરિજ્ઞાનસ્વભાવં પશ્યેત્. તત એવ સ્ફરણયોગેન યોગિનીચક્રાકારાનન્તતથાગતમયં ચિત્તાધીનં ચ વિશ્વં નિરૂપ્ય સંહરણયોગેન સર્વં તન્ માયોપમં ગગનોપમં ચ પરિજ્ઞાય દ્વિતીયરવિચિહ્નબીજપરિણામજં શ્રીહેરુકમ્ આત્માનં પશ્યેત્.
આસ્ફાલયન્તં ચરણાંસ્ તર્જયન્તં સુરાસુરાન્ ।
ક્રુદ્ધં વર્તુલરક્તાક્ષં લલિતં નવયૌવનમ્ ॥
ચતુશ્ચરણમ્ અષ્ટાસ્યં દ્વિરષ્ટભુજભૂષિતમ્ ।
ચતુર્મારસમાક્રાન્તમ્ અર્ધપર્યઙ્કતાણ્ડવમ્ ॥
મુણ્ડમાલામહાહારં રવિસ્થં ભીમભીષણમ્ ।
વિશ્વવજ્રધરં મૂર્ધ્નિ કૃષ્ણં સૂર્યજ્વલત્પ્રભમ્ ॥
હૂંકારસ્ફારિવદનં ભસ્મોદ્ધૂલિતવિગ્રહમ્ ।
મૂલાનનં મહાકૃષ્ણં દક્ષિણં કુન્દસન્નિભમ્ ॥
વામં રક્તં મહાઘોરં મૂર્ધાસ્યં વિકરાલિનમ્ ।
ભ્ર્ઙ્ગસન્નિભશેષાસ્યં પ્રતિવક્ત્રં ત્રિલોચનમ્ ॥
શૃઙ્ગારવીરબીભત્સરૌદ્રહાસ્યભયાનકૈઃ ।
કરુણાદ્ભુતશાન્તૈશ્ ચ નવનાટ્યરસૈર્ યુતમ્ ॥
પિઙ્ગોર્ધ્વકેશવર્ત્માનં પઞ્ચમુદ્રૈર્ અલંકૃતમ્ ।
ચક્રી કુણ્ડલ કણ્ઠા ચ હસ્તે રુચક મેખલમ્ ॥
હસ્ત્યશ્વખરગાવોષ્ટ્રમનુજશરભોતુકસ્ તથા ।
દક્ષિણાષ્ટકપાલેષુ ક્રમૈર્ જ્ઞેયા દ્વિપાદયઃ ॥
પૃથિવી વરુણ વાયુશ્ ચ તેજશ્ ચન્દ્રાર્ક એવ ચ ।
અન્તકો ધનદશ્ ચૈવ તદ્વામાષ્ટકપાલકે ॥
નૈરાત્મ્યયા સમાપન્નઃ સ્વાભયા પઞ્ચમુદ્રયા ।
દ્વિભુજૈકમુખી દ્વ્યઙ્ઘ્રિઃ સા તુ કર્ત્તિકપાલભૃત્ ॥
અથ ભગવતો હૃત્સૂર્યસ્થિતકપાલસૂર્યે હૂંકારમ્, ભગવત્યાસ્ તુ હૃચ્ચન્દ્રસ્થિતકર્ત્તિમુષ્ટિચન્દ્રે અંકારં ચિન્તયેત્. તતો ઽસ્ય શ્રોત્રે નૈરાત્મ્યામ્, ચક્ષુષિ વજ્રામ્, ઘ્રાણે ગુહ્યગૌરીમ્, ( ભ્ર્હે 167 ) જિહ્વાયાં વારિયોગિનીમ્, કાયેન્દ્રિયે વજ્રડાકીમ્, મનસિ નૈરાત્મ્યામ્ અધિમુઞ્ચેત્. એતદ્ એવ વજ્રાદિપઞ્ચકં યથાક્રમં રૂપવેદનાસંજ્ઞાસંસ્કારવિજ્ઞાનસ્કન્ધેષુ, તથા મોહમાત્સર્યરાગેર્ષ્યાદ્વેષેષુ. રૂપશબ્દગન્ધરસસ્પ્રષ્ટવ્યધર્માયતનેષુ બાહ્યગૌરી ચૌરી વેત્તાલી ઘસ્મરી ભૂચરી ખેચરી, પૃથિવ્યપ્તેજોવાયુધાતુષુ પુક્કસી શબરી ચણ્ડાલી ડોમ્બી, કાયવાક્ચિત્તેષુ ભૂચરીખેચરીનૈરાત્મ્યાઃ, માંસે પુક્કસી, રુધિરે શબરી, શુક્રે ચણ્ડાલી, મજ્જમેદયોર્ ડોમ્બી, ચર્મણિ સપ્ત બોધ્યઙ્ગાનિ, અસ્થિષુ સત્યચતુષ્ટયમ્. એવં દેવતાભિઃ સકલીકૃત્ય તદપરાઃ શુદ્ધીર્ અધિમુઞ્ચેત્.
કૃપયા લોચને રક્તે કૃષ્ણાઙ્ગો મૈત્રચિત્તતઃ ।
પાદાઃ સંગ્રહવસ્તૂનિ ભુજાઃ ષોડશ શૂન્યતાઃ ॥
મુખાન્ય્ અષ્ટૌ વિમોક્ષાસ્ તુ ત્રિભિસ્ તત્ત્વૈસ્ ત્રિલોચનઃ ।
પઞ્ચ મુદ્રા જિનાઃ પઞ્ચ ક્રુદ્ધો દુષ્ટાનુશાસનમ્ ॥
કણ્ઠહૃદ્ભગમસ્તેષુ ચતુશ્ચક્રં યથાક્રમમ્ ।
સંભોગધર્મનિર્માણમહાસુખમ્ ઇતિ સ્મૃતમ્ ॥
ષોડશાષ્ટચતુઃષષ્ટિદ્વાત્રિંશદ્દલં અમ્બુજમ્ ।
મધ્યે મણ્ડિતં ઓંકારહૂંકારાકારહંકૃતૈઃ ॥
તદનુ સ્વહૃદ્બીજરશ્મિસ્ફરણાઙ્કુશૈર્ દશદિગ્ગતાંસ્ તથાગતાન્ આકૃષ્ય નભસિ સંસ્થાપ્ય તાન્ અષ્ટમાતૃભિઃ સંપૂજ્ય
અભિષિઞ્ચન્તુ માં સર્વતથાગતાઃ

ઇતિ પ્રાર્થયેત્. તૈઃ શ્રીહેરુકરૂપાપન્નૈઃ પઞ્ચામૃતભૃતપઞ્ચતથાગતાત્મકૈઃ કલશૈર્ અભિષિચ્યતે. અભિષિચ્યમાનસ્ય શિરસિ ભગવાન્ અક્ષોભ્ય ઉત્પદ્યતે, પુષ્પવૃષ્ટિઃ કુઙ્કુમવૃષ્ટિશ્ ચ ભવતિ, દુન્દુભિશબ્દશ્ ચ શ્રૂયતે, રૂપવજ્રાદિભિઃ સંપૂજ્યતે, વજ્રગીત્યા લોચનાદિભિઃ સ્તૂયતે.
ઇત્ય્ આદિયોગો નામ સમાધિઃ, સ્વાભાવિકશ્ ચ કાયઃ.
અથ પદ્માધિષ્ઠાનમ્.
ઓં પદ્મ સુખાધાર મહારાગ સુખંદદ ।
ચતુરાનન્દભાગ્ વિશ્વ હૂં હૂં કાર્યં કુરુષ્વ મે ॥
અથ વજ્રાધિષ્ઠાનમ્.
ઓં વજ્ર મહાદ્વેષ ચતુરાનન્દદાયક ।
ખગમુખૈકરસો નાથ હૂં હૂં કાર્યં કુરુષ્વ મે ॥
તતઃ
ઓં શી 3 હ 3 સ્વાહા
ઇતિ રતિમ્ આરભેત્. તતઃ કમલોદરપતિતચન્દ્રદ્રવબિન્દુપરિણામેન ગંકારેણ નિષ્પન્નાં ગૌરીં કૃષ્ણવર્ણાં કર્ત્તિરોહિતધરાં પૂર્વદ્વારાસનચન્દ્રે ચિન્તયેત્. તથા ચંકારેણ ચૌરીં માઞ્જિષ્ઠવર્ણાં કૃપીટશૂકરધરાં દક્ષિણદ્વારાસનચન્દ્રે, તથા વંકારેણ વેત્તાલીં કનકવર્ણાં કૂર્મકપાલધરાં પશ્ચિમદ્વારાસનચન્દ્રે, તથા ઘંકારેણ ઘસ્મરીં મરક્તાભામ્. ભુજગયોગપાત્રીધરામ્ ઉત્તરદ્વારાસનચન્દ્રે, તથા પંકારેણ પુક્કસીમ્ ઇન્દ્રનીલનિભાં કેશરિપર્શુધરાં ઐશાનકોણાસનચન્દ્રે, તથા શંકારેણ શબરીં ચન્દ્રકાન્તનિભાં ભિક્ષુખિક્ખિરિકાધરામ્ આગ્નેયકોણાસનચન્દ્રે, ( ભ્ર્હે 169 )
તથા લંકારેણ ચણ્ડાલીં નભઃશ્યામાં ચક્રલાઙ્ગલધરાં નૈઋતિકોણાસનચન્દ્રે, તથા ડંકારેણ ડોમ્બીં કર્બુરવર્ણાં વજ્રતર્જનિકાધરાં વાયવ્યકોણાસનચન્દ્રે ધ્યાયાત્.
અર્ધપર્યઙ્કનાટ્યસ્થા વૃત્તરક્તત્રિલોચનાઃ ।
પિઙ્ગોર્ધ્વકેશા દ્વિભુજાઃ પઞ્ચમુદ્રાધરાશ્ ચ તાઃ ॥
અથ પરિતો નિષ્પન્નં મણ્ડલમ્ અવલોક્ય હૃદ્બીજકિરણાઙ્કુશૈર્ જ્ઞાનમણ્ડલમ્ આકૃષ્ય, પૂર્વદ્વારાભિમુખમ્ અન્તરીક્ષે ઽવસ્થાપ્ય, અષ્ટાનનહૂંકારૈર્ વિઘ્નાન્ ઉત્સાર્ય, અર્ઘપાદ્યં દત્ત્વા,
જઃ હૂં વં હોઃ
ઇત્ય્ એભિર્ યથાક્રમમ્ આકર્ષણપ્રવેશનબન્ધનવશીકરણાનિ કૃત્વા, સમયજ્ઞાનમણ્ડલયોર્ એકલોલીભાવં વિભાવ્ય, હૃન્મન્ત્રકિરણૈઃ સર્વતથાગતાન્ આકૃષ્ય સંપૂજ્ય પ્રાર્થ્ય તયોર્ અભિષેકં દાપયેત્. અભિષિચ્યમાનાનામ્ અભિષેકજિનઃ શિરસિ જાયતે. અત્ર શ્લોકૌ:
પુક્કસ્યાદ્યાશ્ ચતસ્રસ્ તુ ગૌર્યાદ્યાશ્ ચ યથાક્રમમ્ ।
અક્ષોભ્યબુદ્ધરત્નેશવાગીશૈર્ ઇહ મુદ્રયેત્ ॥
કુલેશૈઃ કાયવાક્ચિત્તૈર્ ભવનિર્વાણહેરુકાન્ ।
વજ્રાદ્યાઃ સ્વકુલેશૈસ્ તુ જિનૈર્ અક્ષોભ્યપઞ્ચકૈઃ ॥
તતો દેવતાતત્ત્વં મનસિકુર્યાત્. ઇહ સર્વધર્માઃ કાયવાક્ચિત્તજ્ઞાનૈઃ સંગૃહીતાઃ. તેષાં કાયાદીનાં યા ધર્મતા વિજ્ઞપ્તિમાત્રતા દ્વયશૂન્યતા તસ્યાઃ પ્રત્યવેક્ષણં યથાયોગં દ્વારપાલીનાં તત્ત્વમ્. તસ્યા એવ શૂન્યતાયાઃ સમ્યગ્જ્ઞાનં નિષ્પ્રપઞ્ચમ્ અનાસ્રવા પ્રજ્ઞા વજ્રયાનમ્ અનુત્તરં યથાયોગં પુક્કસ્યાદીનાં ચતસૃણાં તત્ત્વમ્. તસ્યૈવ વજ્રયાનસ્ય ફલં મહાવજ્રધરપદં નિરુત્તરા બોધિર્ મણ્ડલાધિપતેસ્ તત્ત્વમ્.
તતઃ સ્વહૃદ્બીજાદ્ અષ્ટૌ પૂજાદેવીઃ સંસ્ફાર્ય તાસાં સ્ફરણમેઘૈર્ ગગનમ્ આપૂર્ય સનાયકં મણ્ડલં પૂજયેત્. તતો માયોપમાન્ સર્વધર્માન્ અધિમુચ્ય ગીતિદ્વયેન ભગવન્તં સ્તૂયાત્.
વિવિધવિચિત્રવિભ્રમાલોકિતૈઃ પ્રમોદ્ય
વિવિધવિચિત્રચુમ્બનાલિઙ્ગનૈઃ પ્રમોદ્ય ।
વિવિધવિચિત્રસુખભોજનૈઃ પ્રભક્ષ્ય
વિવિધવિચિત્રસંવરમ્ અહો પ્રદર્શયસ્વ ॥
પïસü સમü સવ્વાઆસુ જોઉ ।
ભક્ખü સઅલ સવ્વાઆસુ લોઉ ॥
અથાન્તરીક્ષે હૂંકારેણ વજ્રં વિચિન્ત્ય, તસ્યાધસ્તાદ્ આઃકારેણ પદ્મમ્, તન્મધ્યે પ્રણવાઙ્કિતાનિ દ્રવ્યાણિ, વજ્રપદ્મસમાયોગાદ્ અગ્નિજ્વાલનમ્, તેન તેષાં તાપનમ્, પાકાદ્ દ્રવીકૃત્ય જ્ઞાનસૂર્યીકરણાદ્ દ્યોતનમ્, તત્કિરણૈર્ દશદિક્સર્વતથાગતાનાં રૂપદર્શનમ્, તજ્જ્ઞાનબીજેભ્યસ્ તૈર્ એવ કિરણૈર્ આકૃષ્ય જ્ઞાનામૃતં તેષુ સંપાત્ય સમરસીકુર્યાત્. એવં તાન્ય્ અમૃતીકૃત્ય ત્ર્યક્ષરેણાધિષ્ઠાય હૂંકારેણ જિહ્વાયાં શુભ્રવજ્રમ્, હૃત્સૂર્યે ચ મણ્ડલમ્ અધિમુચ્ય, તૈર્ અમૃતૈર્ આત્માનં મણ્ડલં ચ સંતર્પયેત્.
માતૃચક્રે પુરે રમ્યે ભાવયેદ્ ઈદૃશં પ્રભુમ્ ।
નિસ્તરઙ્ગસુખાવાપ્તં નિસ્તરઙ્ગસ્વરૂપિણમ્ ॥
ઇતિ મણ્ડલરાજાગ્રી નામ દ્વિતીયઃ સમાધિઃ, સાંભોગિકશ્ ચ કાયઃ.
તતો ગૌરીં ચૌરીં યાવન્ મણ્ડલાધિપતિં પ્રત્યેકમ્ અનુપૂર્વ્યા દશસુ દિક્ષુ નિરન્તરં સંસ્ફાર્ય, સત્ત્વાનામ્ અર્થં કૃત્વા, તેષ્વ્ એવ સંહૃત્ય, કૃતકૃત્યં મણ્ડલં મણ્ડલાધિપતિં ચ નિષ્પ્રપઞ્ચસુખસમર્પિતં પશ્યેત્. તત્ર ગૌરી કાયસ્ય ભૂતપ્રત્યવેક્ષાયાં સત્ત્વાન્ વ્યવસ્થાપયતિ, ચૌરી ચિત્તસ્ય, વેત્તાલી વાચઃ, ઘસ્મરી જ્ઞાનસ્ય, પુક્કસી કાયસ્ય સમ્યગ્જ્ઞાને, શબરી ચિત્તસ્ય, ચણ્ડાલી વાચઃ, ડોમ્બી જ્ઞાનસ્ય. મણ્ડલેશ્વરસ્ તુ મહાવજ્રધરપદે સત્ત્વાન્ અવસ્થાપયતિ.
તદનન્તરં ષડઙ્ગયોગેન સમતાં ભાવયેત્.
કૃષ્ણં રક્તં તતઃ પીતં હરિન્ નીલં સિતં ક્રમાત્ ।
સહજાનન્દમાત્રં ચ ધ્યાયાચ્ ચક્રં સનાયકમ્ ॥
ઇતિ કર્મરાજાગ્રી નામ તૃતીયઃ સમાધિઃ, નૈર્માણિકશ્ ( ભ્ર્હે 173 ) ચ કાયઃ. ભાવનાખિન્નો મન્ત્રં જપેત્. સમણ્ડલમ્ આત્માનં દેવતારૂપેણાવિર્ભૂતં વિચિન્ત્ય
ઓં દેવ પિચુવજ્ર હૂં 3 ફટ્ સ્વાહા
ઇતિ હૃત્સૂર્યે ત્રયોદશ મન્ત્રાક્ષરાણ્ય્ ઊર્ધ્વશિરસ્કાનિ પ્રદીપવજ્ જ્વલન્તિ મણ્ડલીભૂતાનિ મનસાભિલિખ્ય, તાન્ય્ એવ વાચયન્ વજ્રવાચા ક્રોધવાચા વા જપેત્. સર્વમુખેભ્યઃ સર્વદેવીમુખેભ્યશ્ ચ મન્ત્રમ્ ઉચ્ચરન્તમ્ અધિમુઞ્ચેત્. ઇયતૈવ સ્વદેવતાયા અષ્ટગુણો જાપઃ સર્વદેવીનાં ચ મન્ત્રજાપઃ કૃતો ભવતિ.

તતઃ પ્રણિધાનં કુર્યાત્.
સર્વસ્વં સર્વબુદ્ધાનાં મહાવજ્રભૃતઃ પદમ્ ।
એભિર્ લભેય કુશલૈર્ લમ્ભયેયં ચ તજ્ જગત્ ॥
ચર્યા સંબોધયે યા ચ સંબુદ્ધાનાં ચ યા પુનઃ ।
વર્ણિતા બોધિવજ્રેણ સા ચર્યાસ્તુ દ્વયી મમ ॥
તતઃ સનાયકં મણ્ડલં પૂર્વવત્ સંપૂજ્ય, સ્વહૃન્મન્ત્રે દેવીર્ અન્તર્ભાવ્ય, આધારમણ્ડલમ્ અતિવિસ્તીર્ણમ્ અધિમુચ્ય, ( ભ્ર્હે 174 ) ચત્વારિ મહાભૂતાનિ પુક્કસ્યાદિસ્વભાવાનિ નિશ્ચિત્ય, હેવજ્રાહંકરેણોત્થાય તથૈવ વિહરેત્. મધ્યાહ્નપ્રદોષસન્ધ્યયોર્ ધ્યાનગૃહં પ્રવિશ્ય પૂર્વવદ્ આધારમણ્ડલં તન્મધ્યાસને ચાત્માનં સમાપન્નાષ્ટાનનહેવજ્રરૂપં ઝટિતિ દૃષ્ટ્વા, હૃદ્બીજનિશ્ચારિતાશ્ ચ દેવીર્ યથાસ્થાનં નિવેશ્ય, સર્વમણ્ડલમ્ આનન્દમયં ધ્યાત્વા, પૂજાસ્તુત્યમૃતાસ્વાદં જાપાદિકં ચ કુર્યાત્. નિદ્રાકાલે ષડઙ્ગયોગં સહજાનન્દયોગં વાભિમુખીકૃત્ય સુપ્યાત્. ચતુર્દેવીગીતિસંચોદિતશ્ ચ નિદ્રાત ઉત્તિષ્ઠેત્. ઉત્થાય સર્વં પૂર્વવત્ કુર્યાત્. એવં પ્રત્યહં યાવત્ સિદ્ધિનિમિત્તાનિ પશ્યતિ. તાનિ દૃષ્ટ્વા યથાતન્ત્રમ્ અભિમતસિદ્ધેર્ ઉપાયમ્ અનુતિષ્ઠેદ્ ઇતિ.
ગુરુગુણધનધામ્નઃ સાધનં હેરુકસ્ય
ભ્રમહરમ્ અભિધાય સ્પષ્ટમ્ અષ્ટાનનસ્ય ।
કુશલમ્ ઇદમ્ અવાપ્તં યન્ મયા જન્મભાજાં નિરવધિહિતહેતુસ્ તેન વજ્રી જિનઃ સ્યામ્ ॥