અથર્વવેદ · અધ્યાય 9.7

યજમાનબ્રાહ્મણં વા એતદતિથિપતિઃ કુરુતે યદાહાર્યાણિ પ્રેક્ષત ઇદં ભૂયા૩ ઇદા૩ ઇતિ

યદાહ ભૂય ઉદ્ધરેતિ પ્રાણમેવ તેન વર્ષીયાંસં કુરુતે

ઉપ હરતિ હવીંષ્યા સાદયતિ

તેષામાસન્નાનામતિથિરાત્મન્ જુહોતિ

સ્રુચા હસ્તેન પ્રાણે યૂપે સ્રુક્કારેણ વષટ્કારેણ

એતે વૈ પ્રિયાશ્ચાપ્રિયાશ્ચ ર્ત્વિજઃ સ્વર્ગં લોકં ગમયન્તિ યદતિથયઃ

સ ય એવં વિદ્વાન્ ન દ્વિષન્ન્ અશ્નીયાન્ ન દ્વિષતોઽન્નમશ્નીયાન્ ન મીમાંસિતસ્ય ન મીમાંસમાનસ્ય

સર્વો વા એષ જગ્ધપાપ્મા યસ્યાન્નમશ્નન્તિ

સર્વો વા એસોઽજગ્ધપાપ્મા યસ્યાન્નં નાશ્નન્તિ

સર્વદા વા એષ યુક્તગ્રાવાર્દ્રપવિત્રો વિતતાધ્વર આહૃતયજ્ઞક્રતુર્ય ઉપહરતિ

પ્રાજાપત્યો વા એતસ્ય યજ્ઞો વિતતો ય ઉપહરતિ

પ્રજાપતેર્વા એષ વિક્રમાન્ અનુવિક્રમતે ય ઉપહરતિ

યોઽતિથીનાં સ આહવનીયો યો વેશ્મનિ સ ગાર્હપત્યો યસ્મિન્ પચન્તિ સ દક્ષિણાગ્નિઃ