અથર્વવેદ · અધ્યાય 9.12

9.7
પ્રજાપતિશ્ચ પરમેષ્ઠી ચ શૃઙ્ગે ઇન્દ્રઃ શિરો અગ્નિર્લલાટં યમઃ કૃકાટમ્

સોમો રાજા મસ્તિષ્કો દ્યૌરુત્તરહનુઃ પૃથિવ્યધરહનુઃ

વિદ્યુજ્જિહ્વા મરુતો દન્તા રેવતીર્ગ્રીવાઃ કૃત્તિકા સ્કન્ધા ઘર્મો વહઃ

વિશ્વં વાયુઃ સ્વર્ગો લોકઃ કૃષ્ણદ્રં વિધરણી નિવેષ્યઃ

શ્યેનઃ ક્રોડોઽન્તરિક્ષં પાજસ્યં બૃહસ્પતિઃ કકુદ્બૃહતીઃ કીકસાઃ

દેવાનાં પત્નીઃ પૃષ્ટય ઉપસદઃ પર્શવઃ

મિત્રશ્ચ વરુણશ્ચાંસૌ ત્વષ્ટા ચાર્યમા ચ દોષણી મહાદેવો બાહૂ

ઇન્દ્રાણી ભસદ્વાયુઃ પુચ્છં પવમાનો બાલાઃ

બ્રહ્મ ચ ક્ષત્રં ચ શ્રોણી બલમૂરૂ

ધાતા ચ સવિતા ચાષ્ઠીવન્તૌ જઙ્ઘા ગન્ધર્વા અપ્સરસઃ કુષ્ઠિકા અદિતિઃ શફાઃ

ચેતો હૃદયં યકૃન્ મેધા વ્રતં પુરીતત્

ક્ષુત્કુક્ષિરિરા વનિષ્ઠુઃ પર્વતાઃ પ્લાશયઃ

ક્રોધો વૃક્કૌ મન્યુરાણ્ડૌ પ્રજા શેપઃ

નદી સૂત્રી વર્ષસ્ય પતય સ્તના સ્તનયિત્નુરૂધઃ

વિશ્વવ્યચાશ્ચર્મૌષધયો લોમાનિ નક્ષત્રાણિ રૂપમ્

દેવજના ગુદા મનુષ્યા આન્ત્રાણ્યત્રા ઉદરમ્

રક્ષાંસિ લોહિતમિતરજના ઊબધ્યમ્

અભ્રં પીબો મજ્જા નિધનમ્

અગ્નિરાસીન ઉત્થિતોઽશ્વિના

ઇન્દ્રઃ પ્રાઙ્તિષ્ઠન્ દક્ષિણા તિષ્ઠન્ યમઃ

પ્રત્યઙ્તિષ્ઠન્ ધાતોદઙ્તિષ્ઠન્ત્સવિતા

તૃણાનિ પ્રાપ્તઃ સોમો રાજા

મિત્ર ઈક્ષમાણ આવૃત્ત આનન્દઃ

યુજ્યમાનો વૈશ્વદેવો યુક્તઃ પ્રજાપતિર્વિમુક્તઃ સર્વમ્

એતદ્વૈ વિશ્વરૂપં સર્વરૂપં ગોરૂપમ્

ઉપૈનં વિશ્વરૂપાઃ સર્વરૂપાઃ પશવસ્તિષ્ઠન્તિ ય એવં વેદ