અથર્વવેદ · અધ્યાય 7.52

7.50(7.52)
યથા વૃક્ષમશનિર્વિશ્વાહા હન્ત્યપ્રતિ ।
એવાહમદ્ય કિતવાન્ અક્ષૈર્બધ્યાસમપ્રતિ

તુરાણામતુરાણાં વિશામવર્જુષીણામ્ ।
સમૈતુ વિશ્વતો ભગો અન્તર્હસ્તં કૃતં મમ

ઈડે અગ્નિં સ્વાવસું નમોભિરિહ પ્રસક્તો વિ ચયત્કૃતં નઃ ।
રથૈરિવ પ્ર ભરે વાજયદ્ભિઃ પ્રદક્ષિણં મરુતાં સ્તોમમૃધ્યામ્

વયં જયેમ ત્વયા યુજા વૃતમસ્માકમંશમુદવા ભરેભરે ।
અસ્મભ્યમિન્દ્ર વરીયઃ સુગં કૃધિ પ્ર શત્રૂણાં મઘવન્ વૃષ્ણ્યા રુજ

અજૈષં ત્વા સંલિખિતમજૈષમુત સંરુધમ્ ।
અવિં વૃકો યથા મથદેવા મથ્નામિ તે કૃતમ્

ઉત પ્રહામતિદીવા જયતિ કૃતમિવ શ્વઘ્ની વિ ચિનોતિ કાલે ।
યો દેવકામો ન ધનં રુણદ્ધિ સમિત્તં રાયઃ સૃજતિ સ્વધાભિઃ

ગોભિષ્ટરેમામતિં દુરેવાં યવેન વા ક્ષુધં પુરુહૂત વિશ્વે ।
વયં રાજસુ પ્રથમા ધનાન્યરિષ્ટાસો વૃજનીભિર્જયેમ

કૃતં મે દક્ષિણે હસ્તે જયો મે સવ્ય આહિતઃ ।
ગોજિદ્ભૂયાસમશ્વજિદ્ધનંજયો હિરણ્યજિત્

અક્ષાઃ ફલવતીં દ્યુવં દત્ત ગાં ક્ષીરિણીમિવ ।
સં મા કૃતસ્ય ધારયા ધનુઃ સ્નાવ્નેવ નહ્યત