અથર્વવેદ · અધ્યાય 6.133

ય ઇમાં દેવો મેખલામાબબન્ધ યઃ સંનનાહ ય ઉ નો યુયોજ ।
યસ્ય દેવસ્ય પ્રશિષા ચરામઃ સ પારમિચ્છાત્સ ઉ નો વિ મુઞ્ચાત્

આહુતાસ્યભિહુત ઋષીણામસ્યાયુધમ્ ।
પૂર્વા વ્રતસ્ય પ્રાશ્નતી વીરઘ્ની ભવ મેખલે

મૃત્યોરહં બ્રહ્મચારી યદસ્મિ નિર્યાચન્ ભૂતાત્પુરુષં યમાય ।
તમહં બ્રહ્મણા તપસા શ્રમેણાનયૈનં મેખલયા સિનામિ

શ્રદ્ધાયા દુહિતા તપસોઽધિ જાતા સ્વસા ઋષીણાં ભૂતકૃતાં બભૂવ ।
સા નો મેખલે મતિમા ધેહિ મેધામથો નો ધેહિ તપ ઇન્દ્રિયં ચ

યાં ત્વા પૂર્વે ભૂતકૃત ઋષયઃ પરિબેધિરે ।
સા ત્વં પરિ ષ્વજસ્વ માં દીર્ઘાયુત્વાય મેખલે