અથર્વવેદ · અધ્યાય 6.122

એતં ભાગં પરિ દદામિ વિદ્વાન્ વિશ્વકર્મન્ પ્રથમજા ઋતસ્ય ।
અસ્માભિર્દત્તં જરસઃ પરસ્તાદછિન્નં તન્તુમનુ સં તરેમ

તતં તન્તુમન્વેકે તરન્તિ યેષાં દત્તં પિત્ર્યમાયનેન ।
અબન્ધ્વેકે દદતઃ પ્રયચ્છન્તો દાતું ચેચ્છિક્ષાન્ત્સ સ્વર્ગ એવ

અન્વારભેથામનુસંરભેથામેતં લોકં શ્રદ્દધાનાઃ સચન્તે ।
યદ્વાં પક્વં પરિવિષ્ટમગ્નૌ તસ્ય ગુપ્તયે દમ્પતી સં શ્રયેથામ્

યજ્ઞં યન્તં મનસા બૃહન્તમન્વારોહામિ તપસા સયોનિઃ ।
ઉપહૂતા અગ્ને જરસઃ પરસ્તાત્તૃતીયે નાકે સધમાદં મદેમ

શુદ્ધાઃ પૂતા યોષિતો યજ્ઞિયા ઇમા બ્રહ્મણાં હસ્તેષુ પ્રપૃથક્સાદયામિ ।
યત્કામ ઇદમભિષિઞ્ચામિ વોઽહમિન્દ્રો મરુત્વાન્ત્સ દદાતુ તન્ મે