અથર્વવેદ · અધ્યાય 5.4

યો ગિરિષ્વજાયથા વીરુધાં બલવત્તમઃ ।
કુષ્ઠેહિ તક્મનાશન તક્માનં નાશયન્ન્ ઇતઃ

સુપર્ણસુવને ગિરૌ જાતં હિમવતસ્પરિ ।
ધનૈરભિ શ્રુત્વા યન્તિ વિદુર્હિ તક્મનાશનમ્

અશ્વત્થો દેવસદનસ્તૃતીયસ્યામિતો દિવિ ।
તત્રામૃતસ્ય ચક્ષણં દેવાઃ કુષ્ઠમવન્વત

હિરણ્યયી નૌરચરદ્ધિરણ્યબન્ધના દિવિ ।
તત્રામૃતસ્ય પુષ્પં દેવાઃ કુષ્ઠમવન્વત

હિરણ્યયાઃ પન્થાન આસન્ન્ અરિત્રાણિ હિરણ્યયા ।
નાવો હિરણ્યયીરાસન્ યાભિઃ કુષ્ઠં નિરાવહન્

ઇમં મે કુષ્ઠ પૂરુષં તમા વહ તં નિષ્કુરુ ।
તમુ મે અગદં કૃધિ

દેવેભ્યો અધિ જાતોઽસિ સોમસ્યાસિ સખા હિતઃ ।
સ પ્રાણાય વ્યાનાય ચક્ષુષે મે અસ્મૈ મૃડ

ઉદઙ્જાતો હિમવતઃ સ પ્રાચ્યાં નીયસે જનમ્ ।
તત્ર કુષ્ઠસ્ય નામાન્યુત્તમાનિ વિ ભેજિરે

ઉત્તમો નામ કુષ્ઠસ્યુત્તમો નામ તે પિતા ।
યક્ષ્મં ચ સર્વં નાશય તક્માનં ચારસં કૃધિ

શીર્ષામયમુપહત્યામક્ષ્યોસ્તન્વો રપઃ ।
કુષ્ઠસ્તત્સર્વં નિષ્કરદ્દૈવં સમહ વૃષ્ણ્યમ્