અથર્વવેદ · અધ્યાય 5.20

5.20
ઉચ્ચૈર્ઘોષો દુન્દુભિઃ સત્વનાયન્ વાનસ્પત્યઃ સંભૃત ઉસ્રિયાભિઃ ।
વાચં ક્ષુણુવાનો દમયન્ત્સપત્નાન્ત્સિંહ ઇવ જેષ્યન્ન્ અભિ તંસ્તનીહિ

સિંહ ઇવાસ્તાનીદ્દ્રુવયો વિબદ્ધોઽભિક્રન્દન્ન્ ઋષભો વાસિતામિવ ।
વૃષા ત્વં વધ્રયસ્તે સપત્ના ઐન્દ્રસ્તે શુષ્મો અભિમાતિષાહઃ

વૃષેવ યૂથે સહસા વિદાનો ગવ્યન્ન્ અભિ રુવ સંધનાજિત્।
શુચા વિધ્ય હૃદયં પરેષાં હિત્વા ગ્રામાન્ પ્રચ્યુતા યન્તુ શત્રવઃ

સંજયન્ પૃતના ઊર્ધ્વમાયુર્ગૃહ્યા ગૃહ્ણાનો બહુધા વિ ચક્ષ્વ ।
દૈવીં વાચં દુન્દુભ આ ગુરસ્વ વેધાઃ શત્રૂણામુપ ભરસ્વ વેદઃ

દુન્દુભેર્વાચં પ્રયતાં વદન્તીમાશૃણ્વતી નાથિતા ઘોષબુદ્ધા ।
નારી પુત્રં ધાવતુ હસ્તગૃહ્યામિત્રી ભીતા સમરે વધાનામ્

પૂર્વો દુન્દુભે પ્ર વદાસિ વાચં ભૂમ્યાઃ પૃષ્ઠે વદ રોચમાનઃ ।
અમિત્રસેનામભિજઞ્જભાનો દ્યુમદ્વદ દુન્દુભે સૂનૃતાવત્

અન્તરેમે નભસી ઘોષો અસ્તુ પૃથક્તે ધ્વનયો યન્તુ શીભમ્ ।
અભિ ક્રન્દ સ્તનયોત્પિપાનઃ શ્લોકકૃન્ મિત્રતૂર્યાય સ્વર્ધી

ધીભિઃ કૃતઃ પ્ર વદાતિ વાચમુદ્ધર્ષય સત્વનામાયુધાનિ ।
ઇન્દ્રમેદી સત્વનો નિ હ્વયસ્વ મિત્રૈરમિત્રાઁ અવ જઙ્ઘનીહિ

સંક્રન્દનઃ પ્રવદો ધૃષ્ણુષેણઃ પ્રવેદકૃદ્ બહુધા ગ્રામઘોષી ।
શ્રેયો વન્વાનો વયુનાનિ વિદ્વાન્ કીર્તિં બહુભ્યો વિ હર દ્વિરાજે

શ્રેયઃકેતો વસુજિત્સહીયાન્ત્સંગ્રામજિત્સંશિતો બ્રહ્મણાસિ ।
અંશૂન્ ઇવ ગ્રાવાધિષવણે અદ્રિર્ગવ્યન્ દુન્દુભેઽધિ નૃત્ય વેદઃ

શત્રૂષાણ્નીષાદભિમાતિષાહો ગવેષણઃ સહમાન ઉદ્ભિત્।
વાગ્વીવ મન્ત્રં પ્ર ભરસ્વ વાચં સાંગ્રામજિત્યાયેષમુદ્વદેહ

અચ્યુતચ્યુત્સમદો ગમિષ્ઠો મૃધો જેતા પુરએતાયોધ્યઃ ।
ઇન્દ્રેણ ગુપ્તો વિદથા નિચિક્યદ્ધૃદ્દ્યોતનો દ્વિષતાં યાહિ શીભમ્