અથર્વવેદ · અધ્યાય 4.6

બ્રાહ્મણો જજ્ઞે પ્રથમો દશશીર્ષો દશાસ્યઃ ।
સ સોમં પ્રથમઃ પપૌ સ ચકારારસં વિષમ્

યાવતી દ્યાવાપૃથિવી વરિમ્ણા યાવત્સપ્ત સિન્ધવો વિતષ્ઠિરે ।
વાચં વિષસ્ય દૂષણીં તામિતો નિરવાદિષમ્

સુપર્ણસ્ત્વા ગરુત્માન્ વિષ પ્રથમમાવયત્।
નામીમદો નારૂરુપ ઉતાસ્મા અભવઃ પિતુઃ

યસ્ત આસ્યત્પઞ્ચાઙ્ગુરિર્વક્રાચ્ચિદધિ ધન્વનઃ ।
અપસ્કમ્ભસ્ય શલ્યાન્ નિરવોચમહં વિષમ્

શલ્યાદ્વિષં નિરવોચં પ્રાઞ્જનાદુત પર્ણધેઃ ।
અપાષ્ઠાચ્છૃઙ્ગાત્કુલ્મલાન્ નિરવોચમહં વિષમ્

અરસસ્ત ઇષો શલ્યોઽથો તે અરસં વિષમ્ ।
ઉતારસસ્ય વૃક્ષસ્ય ધનુષ્ટે અરસારસમ્

યે અપીષન્ યે અદિહન્ ય આસ્યન્ યે અવાસૃજન્ ।
સર્વે તે વધ્રયઃ કૃતા વધ્રિર્વિષગિરિઃ કૃતઃ

વધ્રયસ્તે ખનિતારો વધ્રિસ્ત્વમસ્યોષધે ।
વધ્રિઃ સ પર્વતો ગિરિર્યતો જાતમિદં વિષમ્