અથર્વવેદ · અધ્યાય 4.39

પૃથિવ્યામગ્નયે સમનમન્ત્સ આર્ધ્નોત્।
યથા પૃથિવ્યામગ્નયે સમનમન્ન્ એવા મહ્યં સંનમઃ સં નમન્તુ

પૃથિવી ધેનુસ્તસ્યા અગ્નિર્વત્સઃ ।
સા મેઽગ્નિના વત્સેનેષમૂર્જં કામં દુહામ્ ।
આયુઃ પ્રથમં પ્રજાં પોષં રયિં સ્વાહા

અન્તરિક્ષે વાયવે સમનમન્ત્સ આર્ધ્નોત્।
યથાન્તરિક્ષે વાયવે સમનમન્ન્ એવા મહ્યં સંનમઃ સં નમન્તુ

અન્તરિક્ષં ધેનુસ્તસ્યા વાયુર્વત્સઃ ।
સા મે વાયુના વત્સેનેષમૂર્જં કામં દુહામ્ ।
આયુઃ પ્રથમં પ્રજાં પોષં રયિં સ્વાહા

દિવ્યાદિત્યાય સમનમન્ત્સ આર્ધ્નોત્।
યથા દિવ્યાદિત્યાય સમનમન્ન્ એવા મહ્યં સંનમઃ સં નમન્તુ

દ્યૌર્ધેનુસ્તસ્યા આદિત્યો વત્સઃ ।
સા મ આદિત્યેન વત્સેનેષમૂર્જં કામં દુહામ્ ।
આયુઃ પ્રથમં પ્રજાં પોષં રયિં સ્વાહા

દિક્ષુ ચન્દ્રાય સમનમન્ત્સ આર્ધ્નોત્।
યથા દિક્ષુ ચન્દ્રાય સમનમન્ન્ એવા મહ્યં સંનમઃ સં નમન્તુ

દિશો ધેનવસ્તાસાં ચન્દ્રો વત્સઃ ।
તા મે ચન્દ્રેણ વત્સેનેષમૂર્જં કામં દુહામાયુઃ પ્રથમં પ્રજાં પોષં રયિં સ્વાહા

અગ્નાવગ્નિશ્ચરતિ પ્રવિષ્ટ ઋષીણાં પુત્રો અભિશસ્તિપા ઉ ।
નમસ્કારેણ નમસા તે જુહોમિ મા દેવાનાં મિથુયા કર્મ ભાગમ્

હૃદા પૂતં મનસા જાતવેદો વિશ્વાનિ દેવ વયુનાનિ વિદ્વાન્ ।
સપ્તાસ્યાનિ તવ જાતવેદસ્તેભ્યો જુહોમિ સ જુષસ્વ હવ્યમ્