અથર્વવેદ · અધ્યાય 4.14

અજો હ્યગ્નેરજનિષ્ટ શોકાત્સો અપશ્યજ્જનિતારમગ્રે ।
તેન દેવા દેવતામગ્ર આયન્ તેન રોહાન્ રુરુહુર્મેધ્યાસઃ

ક્રમધ્વમગ્નિના નાકમુખ્યાન્ હસ્તેષુ બિભ્રતઃ ।
દિવસ્પૃષ્ઠં સ્વર્ગત્વા મિશ્રા દેવેભિરાધ્વમ્

પૃષ્ઠાત્પૃથિવ્યા અહમન્તરિક્ષમારુહમન્તરિક્ષાદ્દિવમારુહમ્ ।
દિવો નાકસ્ય પૃષ્ઠાત્સ્વર્જ્યોતિરગામહમ્

સ્વર્યન્તો નાપેક્ષન્ત આ દ્યાં રોહન્તિ રોદસી ।
યજ્ઞં યે વિશ્વતોધારં સુવિદ્વાંસો વિતેનિરે

અગ્ને પ્રેહિ પ્રથમો દેવતાનાં ચક્ષુર્દેવાનામુત માનુષાણામ્ ।
ઇયક્ષમાણા ભૃગુભિઃ સજોષાઃ સ્વર્યન્તુ યજમાનાઃ સ્વસ્તિ

અજમનજ્મિ પયસા ઘૃતેન દિવ્યં સુપર્ણં પયસં બૃહન્તમ્ ।
તેન ગેષ્મ સુકૃતસ્ય લોકં સ્વરારોહન્તો અભિ નાકમુત્તમમ્

પઞ્ચૌદનં પઞ્ચભિરઙ્ગુલિભિર્દર્વ્યોદ્ધર પઞ્ચધૈતમોદનમ્ ।
પ્રાચ્યાં દિશિ શિરો અજસ્ય ધેહિ દક્ષિણાયાં દિશિ દક્ષિણં ધેહિ પાર્શ્વમ્

પ્રતીચ્યાં દિશિ ભસદમસ્ય ધેહ્યુત્તરસ્યાં દિશ્યુત્તરં ધેહિ પાર્શ્વમ્ ।
ઊર્ધ્વાયાં દિશ્યજસ્યાનૂકં ધેહિ દિશિ ધ્રુવાયાં ધેહિ પાજસ્યમન્તરિક્ષે મધ્યતો મધ્યમસ્ય

શૃતમજં શૃતયા પ્રોર્ણુહિ ત્વચા સર્વૈરઙ્ગૈઃ સંભૃતં વિશ્વરૂપમ્ ।
સ ઉત્ તિષ્ઠેતો અભિ નાકમુત્તમં પદ્ભિશ્ચતુર્ભિઃ પ્રતિ તિષ્ઠ દિક્ષુ