અથર્વવેદ · અધ્યાય 3.25

ઉત્તુદસ્ત્વોત્તુદતુ મા ધૃથાઃ શયને સ્વે ।
ઇષુઃ કામસ્ય યા ભીમા તયા વિધ્યામિ ત્વા હૃદિ

આધીપર્ણાં કામશલ્યામિષું સંકલ્પકુલ્મલામ્ ।
તાં સુસંનતાં કૃત્વા કામો વિધ્યતુ ત્વા હૃદિ

યા પ્લીહાનં શોષયતિ કામસ્યેષુઃ સુસંનતા ।
પ્રાચીનપક્ષા વ્યોષા તયા વિધ્યામિ ત્વા હૃદિ

શુચા વિદ્ધા વ્યોષયા શુષ્કાસ્યાભિ સર્પ મા ।
મૃદુર્નિમન્યુઃ કેવલી પ્રિયવાદિન્યનુવ્રતા

આજામિ ત્વાજન્યા પરિ માતુરથો પિતુઃ ।
યથા મમ ક્રતાવસો મમ ચિત્તમુપાયસિ

વ્યસ્યૈ મિત્રાવરુણૌ હૃદશ્ચિત્તાન્યસ્યતમ્ ।
અથૈનામક્રતું કૃત્વા મમૈવ કૃણુતં વશે