અથર્વવેદ · અધ્યાય 20.64

એન્દ્ર નો ગધિ પ્રિયઃ સત્રાજિદગોહ્યઃ ।
ગિરિર્ન વિશ્વતસ્પૃથુઃ પતિર્દિવઃ

અભિ હિ સત્ય સોમપા ઉભે બભૂથ રોદસી ।
ઇન્દ્રાસિ સુન્વતો વૃધઃ પતિર્દિવઃ

ત્વં હિ શશ્વતીનામિન્દ્ર દર્તા પુરામસિ ।
હન્તા દસ્યોર્મનોર્વૃધઃ પતિર્દિવઃ

એદુ મધ્વો મદિન્તરં સિઞ્ચ વાધ્વર્યો અન્ધસઃ ।
એવા હિ વીર સ્તવતે સદાવૃધઃ

ઇન્દ્ર સ્થાતર્હરીણાં નકિષ્તે પૂર્વ્યસ્તુતિમ્ ।
ઉદાનંશ શવસા ન ભન્દના

તં વો વાજાનાં પતિમહૂમહિ શ્રવસ્યવઃ ।
અપ્રાયુભિર્યજ્ઞેભિર્વાવૃધેન્યમ્