અથર્વવેદ · અધ્યાય 20.23

આ તૂ ન ઇન્દ્ર મદ્ર્યગ્ઘુવાનઃ સોમપીતયે ।
હરિભ્યાં યાહ્યદ્રિવઃ

સત્તો હોતા ન ઋત્વિયસ્તિસ્તિરે બર્હિરાનુષક્।
અયુજ્રન્ પ્રાતરદ્રયઃ

ઇમા બ્રહ્મ બ્રહ્મવાહઃ ક્રિયન્ત આ બર્હિઃ સીદ ।
વીહિ શૂર પુરોલાશમ્

રારન્ધિ સવનેષુ ણ એષુ સ્તોમેષુ વૃત્રહન્ ।
ઉક્થેષ્વિન્દ્ર ગિર્વણઃ

મતયઃ સોમપામુરું રિહન્તિ શવસસ્પતિમ્ ।
ઇન્દ્રં વત્સં ન માતરઃ

સ મન્દસ્વા હ્યન્ધસો રાધસે તન્વા મહે ।
ન સ્તોતારં નિદે કરઃ

વયમિન્દ્ર ત્વાયવો હવિષ્મન્તો જરામહે ।
ઉત ત્વમસ્મયુર્વસો

મારે અસ્મદ્વિ મુમુચો હરિપ્રિયાર્વાઙ્યાહિ ।
ઇન્દ્ર સ્વધાવો મત્સ્વેહ

અર્વાઞ્ચં ત્વા સુખે રથે વહતામિન્દ્ર કેશિના ।
ઘૃતસ્નૂ બર્હિરાસદે