અથર્વવેદ · અધ્યાય 2.7

અઘદ્વિષ્ટા દેવજાતા વીરુચ્છપથયોપની ।
આપો મલમિવ પ્રાણૈક્ષીત્સર્વાન્ મચ્છપથામધિ

યશ્ચ સાપત્નઃ શપથો જામ્યાઃ શપથશ્ચ યઃ ।
બ્રહ્મા યન્ મન્યુતઃ શપાત્સર્વં તન્ નો અધસ્પદમ્

દિવો મૂલમવતતં પૃથિવ્યા અધ્યુત્તતમ્ ।
તેન સહસ્રકાણ્ડેન પરિ ણઃ પાહિ વિશ્વતઃ

પરિ માં પરિ મે પ્રજાં પરિ ણઃ પાહિ યદ્ધનમ્ ।
અરાતિર્નો મા તારીન્ મા નસ્તારિશુરભિમાતયઃ

શપ્તારમેતુ શપથો યઃ સુહાર્ત્તેન નઃ સહ ।
ચક્ષુર્મન્ત્રસ્ય દુર્હાર્દઃ પૃષ્ટીરપિ શૃણીમસિ