અથર્વવેદ · અધ્યાય 2.32

ઉદ્યન્ન્ આદિત્યઃ ક્રિમીન્ હન્તુ નિમ્રોચન્ હન્તુ રશ્મિભિઃ ।
યે અન્તઃ ક્રિમયો ગવિ

વિશ્વરૂપં ચતુરક્ષં ક્રિમિં સારઙ્ગમર્જુનમ્ ।
શૃણામ્યસ્ય પૃષ્ટીરપિ વૃશ્ચામિ યચ્છિરઃ

અત્રિવદ્વઃ ક્રિમયો હન્મિ કણ્વવજ્જમદગ્નિવત્।
અગસ્ત્યસ્ય બ્રહ્મણા સં પિનષ્મ્યહં ક્રિમીન્

હતો રાજા ક્રિમીણામુતૈષાં સ્થપતિર્હતઃ ।
હતો હતમાતા ક્રિમિર્હતભ્રાતા હતસ્વસા

હતાસો અસ્ય વેશસો હતાસઃ પરિવેશસઃ ।
અથો યે ક્ષુલ્લકા ઇવ સર્વે તે ક્રિમયો હતાઃ

પ્ર તે શૃણામિ શૃઙ્ગે યાભ્યાં વિતુદાયસિ ।
ભિનદ્મિ તે કુષુમ્ભં યસ્તે વિષધાનઃ