અથર્વવેદ · અધ્યાય 19.50

અધ રાત્રિ તૃષ્ટધૂમમશીર્ષાણમહિં કૃણુ ।
અક્ષૌ વૃકસ્ય નિર્જહ્યાસ્તેન તં દ્રુપદે જહિ

યે તે રાત્ર્યનડ્વાહસ્તીક્ષ્ણશૃઙ્ગાઃ સ્વાશવઃ ।
તેભિર્નો અદ્ય પારયાતિ દુર્ગાણિ વિશ્વહા

રાત્રિંરાત્રિમરિષ્યન્તસ્તરેમ તન્વા વયમ્ ।
ગમ્ભીરમપ્લવા ઇવ ન તરેયુરરાતયઃ

યથા શામ્યાકઃ પ્રપતન્ન્ અપવાન્ નાનુવિદ્યતે ।
એવા રાત્રિ પ્ર પાતય યો અસ્મામભ્યઘાયતિ

અપ સ્તેનં વાસયો ગોઅજમુત તસ્કરમ્ ।
અથો યો અર્વતઃ શિરોઽભિધાય નિનીષતિ

યદદ્ય રાત્રિ સુભગે વિભજન્ત્યયો વસુ ।
યદેતદસ્માન્ ભોજય યથેદન્યાન્ ઉપાયસિ

ઉષસે નઃ પરિ દેહિ સર્વાન્ રાત્ર્યનાગસઃ ।
ઉષા નો અહ્ને આ ભજાદહસ્તુભ્યં વિભાવરિ