અથર્વવેદ · અધ્યાય 19.33

સહસ્રાર્ઘઃ શતકાણ્ડઃ પયસ્વાન્ અપામગ્નિર્વીરુધાં રાજસૂયમ્ ।
સ નોઽયં દર્ભઃ પરિ પાતુ વિશ્વતો દેવો મણિરાયુષા સં સૃજાતિ નઃ

ઘૃતાદુલ્લુપ્તો મધુમાન્ પયસ્વાન્ ભૂમિદૃંહોઽચ્યુતશ્ચ્યાવયિષ્ણુઃ ।
નુદન્ત્સપત્નાન્ અધરાંશ્ચ કૃણ્વન્ દર્ભા રોહ મહતામિન્દ્રિયેણ

ત્વં ભૂમિમત્યેષ્યોજસા ત્વં વેદ્યાં સીદસિ ચારુરધ્વરે ।
ત્વાં પવિત્રમૃષયોઽભરન્ત ત્વં પુનીહિ દુરિતાન્યસ્મત્

તીક્ષ્ણો રાજા વિષાસહી રક્ષોહા વિશ્વચર્ષણિઃ ।
ઓજો દેવાનાં બલમુગ્રમેતત્તં તે બધ્નામિ જરસે સ્વસ્તયે

દર્ભેણ ત્વં કૃણવદ્વીર્યાણિ દર્ભં બિભ્રદાત્મના મા વ્યથિષ્ઠાઃ ।
અતિષ્ઠાય વર્ચસાધાન્યાન્ત્સૂર્ય ઇવા ભાહિ પ્રદિશશ્ચતસ્રઃ