અથર્વવેદ · અધ્યાય 19.28

ઇમં બધ્નામિ તે મણિં દીર્ઘાયુત્વાય તેજસે ।
દર્ભં સપત્નદમ્ભનં દ્વિષતસ્તપનં હૃદઃ

દ્વિષતસ્તાપયન્ હૃદઃ શત્રૂણાં તાપયન્ મનઃ ।
દુર્હાર્દઃ સર્વાંસ્ત્વં દર્ભ ઘર્મ ઇવાભીન્ત્સંતાપયન્

ઘર્મ ઇવાભિતપન્ દર્ભ દ્વિષતો નિતપન્ મણે ।
હૃદઃ સપત્નાનાં ભિન્દ્ધીન્દ્ર ઇવ વિરુજં બલમ્

ભિન્દ્ધિ દર્ભ સપત્નાનાં હૃદયં દ્વિષતાં મણે ।
ઉદ્યન્ ત્વચમિવ ભૂમ્યાઃ શિર એષાં વિ પાતય

ભિન્દ્ધિ દર્ભ સપત્નાન્ મે ભિન્દ્ધિ મે પૃતનાયતઃ ।
ભિન્દ્ધિ મે સર્વાન્ દુર્હાર્દો ભિન્દ્ધિ મે દ્વિષતો મણે

છિન્દ્ધિ દર્ભ સપત્નાન્ મે છિન્દ્ધિ મે પૃતનાયતઃ ।
છિન્દ્ધિ મે સર્વાન્ દુર્હાર્દો છિન્દ્ધિ મે દ્વિષતો મણે

વૃશ્ચ દર્ભ સપત્નાન્ મે વૃશ્ચ મે પૃતનાયતઃ ।
વૃશ્ચ મે સર્વાન્ દુર્હાર્દો વૃશ્ચ મે દ્વિષતો મણે

કૃન્ત દર્ભ સપત્નાન્ મે કૃન્ત મે પૃતનાયતઃ ।
કૃન્ત મે સર્વાન્ દુર્હાર્દો કૃન્ત મે દ્વિષતો મણે

પિંશ દર્ભ સપત્નાન્ મે પિંશ મે પૃતનાયતઃ ।
પિંશ મે સર્વાન્ દુર્હાર્દો પિંશ મે દ્વિષતો મણે

વિધ્ય દર્ભ સપત્નાન્ મે વિધ્ય મે પૃતનાયતઃ ।
વિધ્ય મે સર્વાન્ દુર્હાર્દો વિધ્ય મે દ્વિષતો મણે